စစ်ကောင်စီတပ်မှ ပစ်ခတ်သည့် လက်နက်ကြီးထိ၍ (၃)နှစ်အရွယ်ကလေးနှင့် အမျိုးသမီးနှစ်ဦးဒဏ်ရာရ

ကချင်ပြည်နယ် တနိုင်း-လီဒိုလမ်းမ၊ ဒွန်ဘုံးကျေးရွာအနီး လယ်ကွင်းတစ်နေရာတွင် စစ်ရေးလှုပ်ရှားမှုပြုလုပ်လာသည့်စစ်ကောင်စီတပ် ခလရ (၈၆)တပ်မှ ပစ်ခတ်သည့် လက်နက်ကြီးကြောင့် အသက် (၃)နှစ်အရွယ် ကလေးငယ်အပါအဝင် သုံးဦးဒဏ်ရာရရှိခဲ့သည်ဟု ကချင်လွတ်လပ်ရေးတပ်မတော် (KIA) သတင်းနှင့် ပြန်ကြားရေးဌာနက သတင်းဖော်ပြသည်။

ယမန်​နေ့ (ဒီဇင်ဘာလ ၁၀ ရက်)နေ့လယ် ၁၁နာရီခွဲခန့်တွင် စစ်ကောင်စီတပ်မှ လက်နက်ကြီးပစ်ခတ်ခဲ့ခြင်းဖြစ်သည်ဟု ဆိုသည်။

ထိုသို့ ပစ်ခတ်၍ (၃)နှစ်အရွယ် ကလေးမှာလည်ပင်းတွင် ကျည်စထိမှန်ခဲ့ကာ ဒေါ် အင်ခွန်ခါးတောမ်ဆိုမှာ ခြေသ လုံး၌လည်းကောင်း ၊ ဒေါ်အေးခိုင်ဆိုသူမှာ ဦးခေါင်းတွင် လည်း​ကောင်း ထိခိုက်ဒဏ်ရာရရှိခဲ့ကြောင်းဒေသခံများ၏ ပြောကြားချက်ကို ကိုးကား ဖော်ပြသည်။

လက်နက်ကြီးကျည် အပိုင်းအစထိမှန်သူများမှာ သစ်သီးခြံစောင့်သူနှင့်သစ်သီးလာရောက် ဝယ်ယူသူတို့ဖြစ်ကြကာ ဒဏ်ရာမပြင်းထန်၍ နေအိမ်မှာ ဆေးကုသမှု ခံယူနေ သည်ဟု ဆိုသည်။

Public Service Announcement