စစ်ကောင်စီလက်အောက်ခံ နယ်ခြားစောင့်တပ်ဖွဲ့(BGF)တပ်စခန်းတစ်ခုကို တိုက်ခိုက်သိမ်း ပိုက်မီးရှို့လိုက်ခြင်းမှာ စစ်ကောင်စီနှင့် လက်တွဲမှုအပေါ် ပထမဆုံးအရေးယူ အကောင်အထည်ဖော် လိုက်ခြင်းဖြစ်ကြောင်း ကရင် အမျိုးသားအစည်းအရုံး(KNU) တပ်မဟာ(၅)က ယနေ့ သတင်းထုတ်ပြန်သည်။
KNUနယ်မြေ ဖာပွန်ခရိုင် မဲပလီကျေးရွာရှိ BGFစခန်းကို ဇန်နဝါရီ ၁၆ရက် မွန်းလွဲပိုင်းတွင် စခန်းသိမ်း တိုက်ပွဲဆင်နွှဲကာ မီးရှို့ဖျက်ဆီးခဲ့သည်ဟု ဆိုသည်။
အဆိုပါ စခန်းသိမ်းတိုက်ပွဲအတွင်း BGFတပ်မှ ကိုယ်လွတ်ရုန်း ထွက်ပြေးကပြီး ထိခိုက်ကဆုံးမှု အတိအကျ မသိရသေးကြောင်း ဖော်ပြထားသည်။
ယခု စခန်းသိမ်းတိုက်ခိုက်မှုသည် ဇန်နဝါရီ ၁၂ရက်က တပ်မဟာ(၅)မှ အကြမ်းဖက်စစ်ကောင်စီနှင့် ကျွန်ခံ လက်တွဲနေသည့် ကရင်နယ်ခြားစောင့်တပ် BGFအား နောက်ဆုံးသတိပေးစာ ထုတ်ပြန်လိုက်သည့်နေက် ပထမဆုံး အရေးယူအကေင်အထည်ဖော်လိုက်သည့် စခန်းသိမ်းတိုက်ပွဲဖြစ်သည်ဟု ထုတ်ပြန်ခဲ့သည်။
KNU တပ်မဟာ(၅)အနေဖြင့် BGFတပ်များ ဇန်နဝါရီ ၁၅ရက်နောက်ပိုင်း စစ်ကောင်စီတပ်အား အကူအညီပေးခြင်း မပြုလုပ်ရန် ထုတ်ပြန်ကြေညာခဲ့သည်။ အကယ်၍ စစ်ကောင်စီနှင့် ဆက်လက်ပူးပေါင်းပါက ကရင်အချင်းချင်း ဖြစ်၍ မခိုက်ခိုက်လိုသော်လည်း တိုက်ခိုက်ရတေ့ာမည်ဟု ဖော်ပြခဲ့သည်။