သဘာဝဓာတ်ငွေ့အခွန်အခများကို အာဏာသိမ်းစစ်ကောင်စီလက်အောက်ခံ MOGEအား မလွှဲပြောင်းခဲ့ရန် မြန်မာနိုင်ငံက ထွက်ခွာတော့မည့် ရေနံကုမ္ပဏီကြီးနှစ်ခုကို အမျိုးသားညီညွတ်ရေးအစိုးရ(NUG)က ယနေ့အသိပေးချက်ထုတ်ပြန်သည်။
စစ်ကောင်စီ၏ လူအခွင့်အရေးချိုးဖောက်မူများကြောင့် မြန်မာနိုင်ငံမှ လုပ်ငန်းသိမ်းထွက်ခွာတော့မည့် ပြင်သစ်ရေနံကုမ္ပဏီ Total Energiesနှင့် အမေရိကန် ရေနံကုမ္ပဏီ Chevronတို့သည် NUGက ထုတ်ပြန်ထားသည့် အမိန့်များကို လိုက်နာသင့်သည်ဟု NUG,လျှပ်စစ်နှင့်စွမ်းအင်ဝန်ကြီးဌာန၏ အသိပေးချက်ကို ယနေ့ထုတ်ပြန်ခြင်းဖြစ်သည်။
NUGက ရေနံနှင့်သဘာဝဓာတ်ငွေ့ကုမ္ပဏီများသည် သဘာဝဓာတ်ငွေ့အခွန့်အခများအတွက် ငွေပေးချေရာတွင် စစ်ကောင်စီထိန်းချုပ်ထားသည့် မြန်မာ့ရေနံနှင့်သဘာဝဓာတ်ငွေ့လုပ်ငန်း (MOGE)ကို မလွှဲပြောင်းရန် တားမြစ်ထားသည်။ ထိုအခွန်အခများကို NUG၏ ဒုဝန်ကြီးညွန့်ကြားသည့် ဘဏ်စာရင်းကိုသာလွှဲပြောင်းပေးရမည်ဟု ညွန့်ကြားခဲ့ခြင်းဖြစ်သည်။
ထိုအပြင် Total Energiesကုမ္ပဏီ ကထိုင်းကုမ္ပဏီထံမှ PTTကို ဓာတ်ငွေ့ဝယ်ယူခဲ့များကို NUGကိုသာ လွှဲပြောင်းပေးရန်လည်းဖော်ပြထားသည်။
Public Service Announcement
မြန်မာနိုင်ငံမှ ပြင်သစ်နှင့်အမေရိကန် ရေနံကုမ္ပဏီတို့ ထွက်ခွာရန်နှင့် ငွေကြေးပံ့ပို့မှုရုတ်သိမ်းခြင်းတို့သည် အကြမ်းဖက်စစ်ကောင်စီ၏ တရားမဝင်ကိုပြသရာရောက်သဖြင့် ကြိုဆိုကြောင်းလည်းဖော်ပြထားသည်။
သို့သော်လည်း သဘာဝဓာတ်ငွေ့တူးဖော်ထုတ်ရေးအတွက် အခွန်နှင့်အမြတ်ငွေများ စစ်ကောင်စီထံစီးဆင်းမှုကို တားမြစ်ရန်ကြိုးစားမှုအနှောက်အယှက်ဖြစ်မည်ကို စိုးရိမ်သည်ကြောင်း NUGကဆိုသည်။
မြန်မာနိုင်ငံတွင် နှစ် ၃၀ကျော် သဘာဝဓာတ်ငွေ့တူးဖော်ထုတ်လုပ်နေသည့် ပြင်သစ်ကုမ္ပဏီ Total Energiesနှင့် ၎င်း၏မိတ်ဖက် အမေရိကန်ရေနံကုမ္ပဏီ Chevron တို့သည့် စစ်ကောင်စီ၏ လူအခွင့်အရေးချိုးဖောက်မှုများကြောင့် မြန်မာနိုင်ငံတွင် လုပ်ကိုင်နေသော လုပ်ငန်းများမှ နှုတ်ထွက်ကြောင်း ဇန်နဝါရီ ၂၁ ရက်က ကြေညာခဲ့သည်။
