စစ်ကောင်စီတပ်မှ တပ်သားတစ်ဦး ပြည်သူ့ကာ ကွယ်ရေးတပ်ဖွဲ့ Democratic Guerrila Force – DGF နှင့်ချိတ်ဆက်ပြီး ပြည်သူ့ရင်ခွင်ခိုလှုံ၍ အလင်းဝင်ရောက်လာကြောင်း ယင်းအဖွဲ့က ယနေ့ (ဇန်နဝါရီ ၂၅)ထုတ်ပြန်သည်။
စစ်ကောင်စီတပ်၏ အမှတ်(၁၄)စစ်ဆင်ရေးကွပ် ကဲမှုလက်အောက်ခံ၊ ခမရ(၅၇၉)၊ မိုင်းခုတ်တပ်ရင်းမှ ကိုယ်ပိုင်အမှတ် တ – ၅၅၀၃၃၅ တပ်သားစိုင်းလင်းထွန်း အလင်းဝင်လာခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“ဒါဟာ ဖက်ဆစ်တပ်ကို ထိခိုက်ဆုံးရှူံးမှုအ နည်းဆုံးနဲ့ ဖြိုချနိုင်မယ့်နည်းလမ်းဖြစ်တာမို့ အထူး ကြိုဆိုပါတယ်”ဟု DGF တပ်ဖွဲ့မှ ရဲဘော်တစ်ဦးက လူထုနွေဦးသို့ ပြောသည်။
DGF အနေဖြင့် CDM ပြုလုပ်ပြီး ပြည်သူ့ရင်ခွင်ခိုလှုံလာသည့်အပေါ် နွေးထွေးစွာကြိုဆိုသည့်အပြင် လိုအပ်သည်များ ဆက်လက်ဆောင်ရွက်ထားရှိကြောင်း ထုတ်ပြန်ချက်တွင် ဖော်ပြသည်။
Public Service Announcement
“ဆက်လက်ပြီးလည်း ဖက်ဆစ်တပ်သားတွေအနေနဲ့ အာဏာရှင်ကိုအလုပ်အကျွေးပြုမနေကြဘဲ ပြည်သူနဲ့ပိုမိုပူးပေါင်းကြပါလို့ ဖိတ်ခေါ်ပါတယ်”ဟု DGF တပ်ဖွဲ့က ပြောသည်။
