ကရင်အမျိုးသားအစည်းအရုံး(KNU) တပ်မဟာ(၅)တပ်ဖွဲ့ဝင်များ၏ မိုင်းထောင်တိုက်ခိုက်ခြင်း ခြုံခိုတိုက်ခိုက်ခြင်းများကြောင့် ဇန်နဝါရီ ၂၄ရက်တွင် စစ်ကောင်စီတပ်မှ ၁၁ဦးသေဆုံးခဲ့ကြောင်း တပ်မဟာ(၅)က သတင်းထုတ်ပြန်သည်။
ဇန်နဝါရီ ၂၄ရက်တွင် တပ်မဟာ(၅)နယ်မြေ ဖာပွန်ခရိုင်အတွင်းရှိ တိုလယ်စခန်းနှင့် ထီးဘအဲဒေကြား၊ ထီးဘအဲဒေသအနီးတို့တွင် စစ်ကောင်စီတပ်မှ မိုင်း နှစ်ကြိမ်နင်းမိရာ လေးဦးသေဆုံးခဲ့သည်ဟု ဆိုသည်။
ယင်းနေ့၌ပင် ဖာပွန်ခရိုင် အနောက်ဘက်ကမ်းဒေသတွင် စစ်ကောင်စီတပ်ကို ဝင်ရောက်တိုက်ခိုက်ခဲ့ရာ စစ်ကောင်စီတပ်က နှစ်ဦးသေဆုံးခဲ့ကြောင်း ၊ ထို့ပြင် တာကောလူဒေသ၌ တိုက်ပွဲ သုံးကြိမ် တိုက်ခိုက်ခဲ့ရာ စစ်ကောင်စီတပ်မှ ငါးဦး နှင့် စစ်မြင်းလား တစ်ကောင်သေဆုံးခဲ့သည်ဟု ဖော်ပြထားသည်။
ထို့ကြောင့် တပ်မဟာ(၅)နယ်မြေတွင် ဇန်နဝါရီ ၂၄ရက် တစ်ရက်တည်းတွင် စစ်ကောင်စီတပ်ဖွဲ့ဝင် ၁၁ဦးသေဆုံးပြီး ဒဏ်ရာရသူများလည်းရှိခဲ့သည်ဟု KNU တပ်မဟာ(၅)က ထုတ်ပြန်ခဲ့သည်။
Public Service Announcement
