အထက်ပါဆွေးနွေးပွဲသို့ NLD မှ ဗဟိုအလုပ်အမှုဆောင် ဦးအောင်ကြည်ညွန့် နှင့် ဗဟိုအလုပ်ကော်မတီဝင်များ၊ KNU မှ ဒုတိယဥက္ကဋ္ဌ ပဒိုစောကွယ်ထူးဝင်း ၊အထွေထွေအတွင်းရေးမှူးချုပ် ပဒိုစောတာဒိုမူး၊ နိုင်ငံခြားရေးတာဝန်ခံ ပဒိုစောတောနီးနှင့် ဗဟိုအမြဲတမ်းကော်မတီဝင်များ တက်ရောက်ခဲ့သည်ဟု ဆိုသည်။
“အဓိကတွေ့ဖြစ်တာက စစ်အာဏာရှင်ဆန့်ကျင်ရေးလှုပ်ရှားမှု၊ ဖက်ဒရယ်ဒီမိုကရေစီနိုင်ငံ ထူထောင်ဖို့အတွက် ရည်မှန်းချက်တူတဲ့ အင်အားစုတွေ ကြားထဲမှာ လုပ်ငန်းစဉ်တွေအရ ပူးပေါင်းဆောင်ရွက်နိုင်တာပဲဖြစ်ဖြစ်၊ သတင်းအချက်အလက်ဖလှယ်တာပဲဖြစ်ဖြစ် ဆောင်ရွက်လို့ ရ အောင်ပါ” ဟု NLD ဗဟိုအလုပ်ကော်မတီဝင် ဦးကျော်ထွေးက ပြောသည်။
စစ်အာဏာသိမ်း ၁ နှစ်ပြည့်တွင် NLD ထုတ်ပြန်ခဲ့သောကြေညာချက်၌ NLD သည် ပြည်သူနှင့် အတူ ပြတ်သားစွာရပ်တည်၍ မိတ်ဖက်အဖွဲ့အစည်းများနှင့် ပူးပေါင်းကာ ဒီမိုကရေစီရှင်သန် ထွန်းကားရေး၊ ဖက်ဒရယ်ပြည်ထောင်စုပေါ်ထွန်းရေးတို့ကို ဆက်လက်လုပ်ဆောင်သွားမည်ဟု ဖော်ပြသည်။
