Connect with us

Hi, what are you looking for?

LuduNwayOo

News

ဘားအံမြို့နယ်ရှိ စစ်ကောင်စီလက်အောက်ခံတပ်ဖွဲ့များနှင့် ဝန်ထမ်းများအချိန်မနှောင်းမီ ပြည်သူနှင့်အတူ ရပ်တည်ရန်သတိပေးချက် KNU ထုတ်ပြန်

KNU သထုံခရိုင်၊ ဘားအံမြို့နယ်၊ တပ်ရင်း (၁)ထိန်းချုပ်နယ်မြေအတွင်း နယ်ခြားစောင့်တပ် BGF နှင့် ပြည်သူ့စစ်များ မိမိလက်ရှိ လုပ်ငန်းတာဝန်မှ ထွက်ပေးရန်နှင့် စစ်ကောင်စီနှင့် ပူးပေါင်းဆောင်ရွက်ခြင်းမပြုရန် ထုတ်ပြန်ချက်၌ ပါရှိသည်။

ကရင်အမျိုးသားအစည်းအရုံး(KNU) တပ်မဟာ(၁)နယ်မြေ သထုံခရိုင် ဘားအံမြို့နယ်ရှိ စစ်ကောင်စီ လက်အောက်ခံတပ်ဖွဲ့များနှင့် ဌာနဆိုင်ရာ ဝန်ထမ်းများ အနေဖြင့် အချိန်မနှောင်းမီ ပြည်သူနှင့်အတူရပ်တည်ရန် သတိပေးကြောင်း KNU ဘားအံမြို့နယ် အလုပ်အမှုဆောင် ကော်မတီက ယနေ့ ထုတ်ပြန်သည်။

မြို့နယ်အတွင်း ရှိနေသော စစ်ကောင်စီ လက်အောက်ခံ စစ်ဖက်၊ အရပ်ဖက် ဝန်ထမ်းများ အားလုံး ပြည်သူ့ဆန္ဒနှင့်ဆန့်ကျင်သော အာဏာသိမ်း စစ်ကောင်စီ နှင့် ပူးပေါင်းဆောင်ရွက်မှု မပြုခြင်းဖြင့် အချိန်မနှောင်းမီ ပြည်သူနှင့်အတူ ရပ်တည်ပြီးမှန်ကန်သောလမ်းကြောင်းပေါ်ကို လျှောက်လှမ်းနိုင်ရန် သတိပေး ခြင်း ဖြစ်သည်ဟု ဖော်ပြထားသည်။

KNU သထုံခရိုင်၊ ဘားအံမြို့နယ်၊ တပ်ရင်း (၁)ထိန်းချုပ်နယ်မြေအတွင်း နယ်ခြားစောင့်တပ် BGF နှင့် ပြည်သူ့စစ်များ မိမိလက်ရှိ လုပ်ငန်းတာဝန်မှ ထွက်ပေးရန်နှင့် စစ်ကောင်စီနှင့် ပူးပေါင်းဆောင်ရွက်ခြင်းမပြုရန် ထုတ်ပြန်ချက်၌ ပါရှိသည်။

ဘားအံမြို့နယ်အတွင်း လက်ရှိဖြစ်ပွားနေသော အခြေအနေအရ နယ်ခြား စောင့်တပ် (BGF) တပ်စခန်းတွင်နေထိုင်နေသော မိသားစုဝင်အားလုံးသည် ၎င်းစခန်းအတွင်းမှ ထွက်ခွာပေးရန် နှင့် ဘားအံမြို့နယ်အတွင်း စစ်ကောင်စီ လက်အောက်တွင် တာဝန်ထမ်းဆောင်နေသော အရပ်ဖက်ဌာနဆိုင်ရာ ဝန်ထမ်း များအားလုံး မိမိလက်ရှိ လုပ်ငန်းတာဝန်မှ နှုတ်ထွက်ပေးရန် တို့ကိုလည်း ဖော်ပြထားသည်။

Public Service Announcement

Public Service Announcement

ထုတ်ပြန်ချက်၌ ဖော်ပြထားသည်များကို လိုက်နာမှုမရှိပါက ဖြစ်လာမည့် ပြဿနာများကို တာဝန်ယူမည် မဟုတ်ကြောင်းလည်း KNU ဘားအံမြို့နယ် တာဝန်ရှိသူတစ်ဦး၏ ပြောဆိုချက် ကို ထည့်သွင်းဖော်ပြထားသည်။

မကြာသေးမီကလည်း KNU တပ်မဟာ(၅)က ကြေညာချက်ထုတ်ပြန်ပြီး ဖာပွန်မြို့ရှိ စစ်ကောင်စီဝန်ထမ်းများ ဖေဖော်ဝါရီ ၁၀ရက် နောက်ဆုံးထား၍ မြို့မှ ထွက်ခွာရန်နှင့် မြို့ခံဝန်ထမ်းများလည်း စစ်ကောင်စီလက်အောက်မှ နုတ်ထွက်ရန် သတိပေးထားသည်။

ဆက်စပ်သတင်းများ

သတင်း

တပ်မဟာ(၄)နယ်မြေ ဘိတ်-ထားဝယ်ခရိုင်တွင် အခြားသော KTLA တပ်ဖွဲ့များရှိသော်လည်း ဗိုလ်ကော်လာဖိုး တပ်ဖွဲ့နှင့်သာ ပြဿနာဖြစ် နေသည်ဟု ပဒိုစောအယ်နားက ပြောသည်။

နိုင်ငံတကာ

ခရွတ်စ်ခ်ဟာ ထရမ့်ကိုယ်စားပြုတဲ့ ရီပတ်ဘလစ်ကန် ပါတီကို ထောက်ခံသူ တစ်ဦးအဖြစ် မဲစာရင်း ပေးထားပေမယ့်လည်း သူ့ရဲ့ နိုင်ငံရေး အမြင်ရှုထောင့်တွေကို ဘယ်တုန်းကမှ ထုတ်ဖော်ဆွေးနွေးတာမျိုး မရှိခဲ့ဘူးလို့ နီးစပ်သူတွေက ပြောကြားထားပါတယ်။

သတင်း

RCSSသည် စစ်ကောင်စီနှင့် ထိတွေ့ဆက်ဆံလျက်ရှိသည့် ရှမ်းတပ်ဖွဲ့ဖြစ်ပြီး စစ်တပ်အာဏာသိမ်းပြီးနောက် စစ်ကောင်စီနှင့် တိုက်ပွဲဖြစ်ပွားမှု မရှိပေ။

သတင်း

မိုးကုတ်မြို့အရှေ့ပိုင်း ကြက်ခြံနှင့် အမှိုက်ပုံနေရာအနီးတဝိုက်တွင် စစ်ကောင်စီတပ် လပခ၊ ခလရ (၇၁၊၈၈)နှင့် တအာင်းတပ်မတော် TNLA တို့ တိုက်ပွဲဖြစ်ပွားခဲ့သည်ဟု ဆိုသည်။