ကရင်အမျိုးသားအစည်းအရုံး(KNU) ဖာပွန်ခရိုင် အတွင်းရှိ စစ်ကောင်စီတပ်စွဲရာနေရာ လေးခုအားဝင်ရောက်တိုက်ခိုက်ခဲ့ရာ စစ်ကောင်စီတပ်မှ ခုနစ်ဦးသေဆုံးကြောင်း KNU တပ်မဟာ(၅)က သတင်းထုတ်ပြန်သည်။
ဖေဖော်ဝါရီ ၁၄ရက်က စစ်ကောင်စီတပ်စခန်း နှစ်ခုနှင့် တပ်စွဲရာနေရာတစ်ခုကို တိုက်ခိုက်ခဲ့သည်ဟု ဖော်ပြထားသည်။ ဖာပွန်ခရိုင် ရှိ သူးမွဲထာမြောက်ဖက်စခန်းအား တပ်မဟ(၅)တပ်ဖွဲ့ဝင်များက တိုက်ခိုက်ရာ စစ်ကောင်စီဘက်မှ တစ်ဦးသေဆုံးခဲ့ကြောင်း၊ ထို့နောက် ဖာပွန်အရှေ့ဘက် တံတားဦး၌ တပ်စွဲထားသည့် စစ်ကောင်စီတပ်ကို ဝင်ရောက်ပစ်ခတ်ရာ စစ်ကောင်စီတပ်မှ လေးဦးသေဆုံးခဲ့ကြောင်း ထုတ်ပြန်သည်။ထို့ပြင် ယင်းနေ့၌ပင် ခူးသူးထာစခန်းအား တိုက်ခိုက်ရာ စစ်ကောင်စီဘက်မှ နှစ်ဦးသေ၊ သုံးဦးဒဏ်ရာရခဲ့သည်ဟု ဖော်ပြထားသည်။
ဖေဖော်ဝါရီ ၁၃ရက်ကလည်း အကြမ်းဖက်စစ်ကောင်စီ၏မယ်ဝေ(မဲဝိုင်)တပ်စခန်းအား ဝင်ရောက်တိုက်ခိုက်ရာတွင် အကြမ်းဖက်စစ်ကောင်စီတပ်မှတစ်ဦး ဒဏ်ရာပြင်းထန် စွာရရှိခဲ့သည်ဟု ဆိုသည်။
အဆိုပါ တိုက်ပွဲလေးကြိမ်အတွင်း တပ်မဟာ(၅)တပ်ဖွဲ့ဝင်များ တစ်စုံတစ်ရာထိခိုက်ကျဆုံးမှုမရှိဟုလည်း ထုတ်ပြန်သည်။
Public Service Announcement
