အကြမ်းဖက်စစ်ကောင်စီအဖွဲ့ထံမှ PDFက ကယ်ထုတ်ပေးခဲ့သည့် စစ်ကောင်စီတပ်သားတစ်ဦးကို ကာယကံရှင်၏ ဆန္ဒအတိုင်း မိသားစုထံသို့ အရောက်ပို့ဆောင်ပေးလိုက်ကြောင်း ကျောက်ထု PDFက ထုတ်ပြန်သည်။
ကျောက်ထုတပ်တွင်း တာဝန်ထမ်းဆောင်နေသည့် စစ်ကောင်စီတပ်သားတစ်ဦးကို ကျောက်ထု PDFက မတ်လ ၇ ရက်က ကယ်ထုတ်ခဲ့ခြင်းဖြစ်သည်။
“စနစ်တကျ စိစစ်ကယ်ထုတ်ပြီး ဘေးကင်းကင်းဖြင့် ၎င်း၏မိသားစုထံအရောက်ပို့ဆောင်ပေးခဲ့ပါသည်။ လက်နက်ပါမလာသည့်တိုင် မိမိတို့ကျောက်ထု PDF မှကူညီကယ်ထုတ်ပေးခဲ့ပါသည် “ဟု ကျောက်ထု PDFသတင်းနှင့်ပြန်ကြားရေးက ယနေ့ (မတ် ၁၂ရက်) ထုတ်ပြန်သည်။
အထက်ပါသတင်းကို ကျောက်ထု PDFက ဓာတ်ပုံမှတ်တမ်း၊ ကိုယ်ပိုင်အမှတ်နှင့်အတူ ထုတ်ပြန်ခြင်းဖြစ်သည်။
Public Service Announcement
ထို့အပြင် အကြမ်းဖက်စစ်ကောင်စီလက်အောက်မှလက်နက်အပြည့်အစုံဖြင့် ထွက်ခွာလာပါက ဆုကြေးငွေ ကျပ်သိန်း ၈၀က ပေးအပ်ချီးမြှင့်မည်ဖြစ်ပါ၍ ထွက်ခွာလိုသူများ ကျောက်ထု PDF ထံဆက်သွယ်အကူအညီတောင်းခံနိုင်သည်ဟုလည်း အသိပေးထားသည်။
