CDM ပြုလုပ်လာသည့် တပ်သားသည် ၎င်း၏ဆုကြေးငွေထဲမှ ပြည်သူ့တော်လှန်ရေးအတွက် ကျပ်၁၅ သိန်း ပြန်လည်လှူပေးခဲ့ကြောင်း CDF မင်းတပ်က ယနေ့ (မတ်လ ၂၆ရက်)တွင် ထုတ်ပြန်သည်။
ပြည်သူ့ရင်ခွင်ထဲ ခိုလှုံလာသော ခလရ (၂၇၄)တပ်မှ တပ်သားသည် MA -1 တစ်လက်၊ ကျည်အိမ် လေးခု၊ ကျည် ၂၁၆တောင့်ပါရှိသည်ဟု CDF က ဆိုသည်။
ထို့ကြောင့် CDF မင်းတပ် တပ်မဟာမှူးမှ ကျပ်သိန်း ၅၀ ပေးအပ်ခဲ့သည့်အနက် ထိုတပ်သားမှ ပြည်သူ့တော်လှန်ရေးအတွက် ကျပ်၁၅သိန်းပြန်လည်လှူပေး သည်ဟု ထုတ်ပြန်ချက်၌ ဖော်ပြသည်။
အဆိုပါ စစ်ကောင်စီတပ်သားသည် မတ်လ ၂၅ ရက်နေ့ လယ်ပိုင်း CDF မင်းတပ်ထံ ရောက်လာကြောင်း CDF မင်းတပ်၏ ပြောရေးဆိုခွင့်ရှိသူ ဆလိုင်းဟာအွမ် က လူထုနွေဦးသို့ ပြောထားသည်။
Public Service Announcement
၎င်းသည် မတ်လ ၂၄ ရက် နေ့လယ် ၁ နာရီခွဲခန့် တွင် ခလရ (၂၇၄)တပ်မှ ထွက်ပြေးလွတ်မြောက်လာခဲ့ခြင်းဖြစ်သည်။ယခု စစ်သားတစ်ဦးအပါအဝင် CDF မင်းတပ်ထံသို့ CDM ပြုလုပ်ဝင်ရောက်လာသည့် စစ်ကောင်စီတပ်သား ၁၀ ဦး ကျော်ရှိပြီဟုလည်း ဆလိုင်းဟာအွမ် က အတည်ပြုသည်။
