မြန်မာပြည်သူများ၏ ပြင်းပြသောဆန္ဒများကို ကနေဒါ ဆက်လက်ကူညီမည်

မြန်မာပြည်သူများ၏ ပြင်းပြသောဆန္ဒများကို ကနေဒါအစိုးရက ဆက်လက်ကူညီထောက်ပံ့မည်ဟု ရန်ကုန်မြို့ရှိ ကနေဒါသံရုံးက ယနေ့ထုတ်ပြန်သည်။

မြန်မာနှစ်သစ်ကူး သင်္ကြန်အခါသမယတွင် မြန်မာပြည်သူများ၏ ကြံ့ကြံ့ခံမှုနှင့် ပို၍ ငြိမ်းချမ်းပြီး သာယာဝပြောသော နှစ်သစ်အပေါ် မျှော်လင့်ချက်များကို ကနေဒါသံရုံးက ဂုဏ်ပြုအသိအမှတ်ပြုကြောင်းထုတ်ပြန်ချက်၌ ဖော်ပြသည်။

“ယခုနှစ်သစ်အခါသမယသည် ထိခိုက်ခံစားနေရသူများအတွက် စိတ်သက်သာစရာ အခိုက်အတန့်များ ယူဆောင်ပေးလာနိုင်ဖို့လည်း မျှော်လင့်ပါသည်”ဟု ကနေဒါသံရုံးက ထုတ်ပြန်သည်။

ငြိမ်းချမ်းရေးနှင့် အားလုံးပါဝင်သော ဒီမိုကရက်တစ်အနာဂတ်အတွက် မြှင့်တင်လုပ်ဆောင်နေသူ များကိုလည်း ဆက်လက်အားပေးကူညီမည်ဟု ကနေဒါသံရုံးက ဆိုသည်။

Public Service Announcement

ကနေဒါသည် မြန်မာစစ်တပ်၏ တရားမဝင်အာဏာသိမ်းကို ပြင်းထန်စွာရှုတ်ချထားပြီး ဗြိတိန်၊ အမေရိကန်တို့နှင့်အတူ စစ်ခေါင်းဆောင်များ၊ အာဏာသိမ်းမှုကို အားပေးထောက်ခံသူများကို ပစ်မှတ်ထားပိတ်ဆို့အရေးယူမှုများလုပ်ဆောင်နေသည်။