စစ်ကောင်စီနှင့် ပျူစောထီးများလာရောက်မည်ဟု တပ်တွင်းသတင်းပေးမှုအရ စောင့်ကြိုတိုက်ခိုက်ရာ ယင်းအဖွဲ့မှနှစ်ဦးကို သုတ်သင်ရှင်းလင်းနိုင်ခဲ့ကြောင်း မြိုင်မြို့နယ်အခြေစိုက် ကျားသစ်နက်ပြောက်ကျားတပ်ဖွဲ့က အသိပေးထုတ်ပြန်သည်။
ယနေ့(မေ လ ၆ရက်) နံနက် ၉နာရီခန့်က ပုလဲမြို့နယ် အင်ပင်ထီးရွာမှ သာယာကုန်းကျေးရွာဘက်သို့ ထွက်ခွာလာသော စစ်ကောင်စီနှင့် ပျူစောထီးအင်အား ၂၀ခန့်ကို ပြည်သူ့ကာကွယ်ရေးမဟာမိတ်အဖွဲ့က တိုက်ခိုက်ခဲ့ခြင်းဖြစ်သည်။
စစ်ကောင်စီဘက်က နှစ်ဦးသေဆုံးကာ ကျန်သူများ ထွက်ပြေးသွားသည်ဟု ကျားသစ်နက်ပြောက်ကျားတပ်ဖွဲ့က ထုတ်ပြန်သည်။
အဆိုပါတိုက်ခိုက်မှုကို မြန်မာ့တော်ဝင်နဂါးတပ်ဗိုလ်နဂါး၏ လက်အောက်ခံ မြေပြင်သိန်းငှက်အဖွဲ့နှင့် ကျားသစ်နက်ပြောက်ကျားတပ်ဖွဲ့ တပ်ခွဲ(၈)မှဗိုလ်ဒေါင်းညို ဦးဆောင်အဖွဲ့က ပူးပေါင်းတိုက်ခိုက်ခဲ့ ခြင်းသည်။
Public Service Announcement
စစ်ကောင်စီလက်အောက်ခံ တပ်နှင့်ရဲတပ်ဖွဲ့ဝင်များအနက် CDM ပြုလုပ်ကာ လွတ်မြောက်နယ်မြေသို့ထွက်ခွာလာသူများရှိသလို အကြောင်းအမျိုးမျိုးကြောင့် တပ်တွင်း၌သာနေထိုင်ပြီး သတင်းပေးနေသူများလည်း ရှိသည်။
