အကြမ်းဖက်စစ်ကောင်စီတပ်ကို တန်ပြန် ထိုးစစ်ဆင်ရေး လက်နက်ကြီးဝယ်ယူနိုင်ရန်အတွက် KNDFက ရံပုံငွေရှာနေသည့် အစီအစဥ်အောင်မြင်စေရန် ပြည်သူတစ်ဦးက မဂ်လာဦးစိန်လက်စွပ်တစ်ကွင်းကို လှူဒါန်းလိုက်သည်။
ကရင်နီအမျိုးသားများကာကွယ်ရေးတပ် -KNDF နှင့် CDM ဗိုလ်ကြီး ညီသုတတို့ ပြုလုပ်နေသည့် Project 7 အမည်ဖြင့် ရံပုံငွေရှာဖွေရေးအစီအစဥ်ကို အမျိုးသမီးတစ်ဦးက မဂ်လာဦးလက်စွပ်ကို ပေးပို့လှူဒါန်းခြင်းဖြစ်သည်။
“ကျနော်တို့ Project -7 ဟာ Fail မလိုဖြစ်နေတဲ့ သတင်းကြောင့် အစ်မတစ်ယောက်ကလာပြီး သူ့မဂ်လာဦးလက်ဖွဲ့ရထားတဲ့ လက်စွပ်လေးတစ်ကွင်းပေးပို့လာပါတယ်”ဟုဗိုလ်ကြီးညီသုတက အသိပေး ထားသည်။
KNDF တပ်ရင်း(၂)နှင့် တပ်ရင်း (၆)အတွက် RPG နှစ်လက်နှင့် ထိပ်ဖူးကျည်များဝယ်ယူမည့် Project 7 ရံပုံငွေ ရှာဖွေရေး campaign ကို မေလလယ်မှစတင်ခဲ့ပြီး မေလ ၂၀ ရက်တွင် ပြီးဆုံးမည်ဖြစ်သည်။
Public Service Announcement
ရံပုံငွေသိန်းတစ်ထောင်လိုအပ်သော်လည်းမျှော်မှန်းသလောက်အလှူငွေမရသေးသည့် သတင်းကြောင့် ပြည်သူတစ်ဦးက သူပိုင်ဆိုင်သော မဂ်လာဦးစိန်လက်စွပ်တစ်ကွင်းကို မေလ ၁၉ရက်တွင် ပေးပို့ လှူဒါန်းခြင်းဖြစ်သည်။
လက်စွပ်သည် ကျပ် ၁၅သိန်းမှသိန်း၂၀ကြား တန်ကြေးရှိပြီး KNDF နှင့် ဗိုလ်ကြီးညီသုတက မဲရောင်းခြင်းဖြင့်လိုအပ်သောရံပုံငွေရှာရန် စီစဥ်ထားသည်။အဆိုပါလက်စွပ်အတွက်တစ်မဲလျှင် တစ်သောင်းကျပ်ဖြင့် ရောင်းချသွားမည်ဖြစ်ပြီး မေလ ၂၀ရက် ည ၈နာရီ ၃၀မိနစ်တွင် live လွှင့်ပြီး မဲဖောက်မည်ဖြစ်သည်။
“Project -7 Fail မှာစိုးလို့ အမြတ်တနိုးတန်ဖိုးထားရတဲ့ မဂ်လာဦးလက်ဖွဲ့ လက်စွပ် တောင်ပေးလှူရဲတဲ့သူရှိသေးတာပဲ ကျန်တဲ့တတ်နိုင်တဲ့သူတွေကလည်း မဲတစ်စောင်နိုင်နိုင် နှစ်စောင်နိုင်နိုင် ပါဝင်ပေးကြဖို့ မေတ္တာရပ်ခံပါတယ်” ဟု ဗိုလ်ကြီးညီသုတကပြောသည်။
အကြမ်းဖက်စစ်ကောင်စီတပ်ကို ခုခံစစ်ဖြင့် တိုက်နေရာမှ ထိုးစစ်စတင်နိုင်ရေးအတွက် လက်နက်ကြီးဝယ်ယူနိုင်ရန် ပြည်သူလူထု၏ ထောက်ပံ့မှုအရေးတကြီးလိုအပ်နေသည်ဟု KNDF က တောင်းဆိုထားသည်။
Project-7 အတွက်အလှူငွေထည့်ဝင်ရန်နှင့် လက်စွပ်မဲဝယ်ယူရန်ဗိုလ်ကြီးညီသုတ၏ NyiThuta’s Diary Page မှတဆင့် KNDF တပ်ရင်းရံပုံငွေအဖွဲ့က တိုက်ရိုက်လက်ခံသွားမည်ဖြစ်သည်။ လှုုဒါန်းရန်အတွက်အောက်ပါ Link https://fb.watch/cSOORrMPsA/ သို့ ဆက်သွယ်နိုင်ပါသည်။
