စစ်ကိုင်းတိုင်း၊ မုံရွာ – အရာတော်လမ်းပိုင်းတွင် အမှိုက်ကောက်အသွင်ဖြင့် မိုင်းကွင်းလိုက်ရှာနေသူများအား ဒလန်ဟုသက်မှတ်ပြီး ပြင်းထန်စွာအပြစ်ပေးမည်ဟု သပြေညိုပြောက်ကျားတပ်ဖွဲ့က သတိပေးထားသည်။
မုံရွာ – အရာတော်လမ်းပိုင်းတွင် တော်လှန်ရေးအင်အားစုများ ပြင်ဆင်ထားသည့် မိုင်းကွင်းနေရာများကို အမှိုက်ကောက်သမားများ၊ ဈေးသည်များအသွင်ဖြင့် လိုက်လံရှာဖွေပေးနေသူများအား နှစ်ကြိမ်တိုင် ဖမ်းဆီးမိခဲ့ကြောင်း သပြေညိုပြောက်ကျားတပ်ဖွဲ့က ပြောသည်။
သို့သော် ၎င်းတို့အား နောက်နောက်ယခုကဲ့သို့မလုပ်ရန် သတိပေးပြီး ပြန်လွှတ်ပေးခဲ့ကြောင်း၊ ယခု စာထုတ်ပြီးချိန်မှစ၍ ထပ်မံတွေ့ရှိလျှင် ဒလန်ဟု သက်မှတ်ပြီး ပြင်းထန်စွာ အပြစ်ပေးသွားမည်ဖြစ်ကြောင်း သပြေညိုပြောက်ကျားတပ်ဖွဲ့က ပြောသည်။
“စစ်တပ်ရဲ့အသုံးချခံ အရပ်သားလက်ကိုင်တုတ်တွေဖြစ်လို့ ဖမ်းဆီးပြီး သတိပေးခဲ့ပါတယ်။ မတော်တဆတွေ့တာမဟုတ်ဘဲ သေချာကို ရှာတဲ့ပုံစံဗျ။ ပြီးရင် ပြန်ရောင်းစားတယ်လို့လည်း သိရတယ်။”ဟု သပြေညိုတပ်ဖွဲ့ တာဝန်ခံတစ်ဦးက အရာတော်သတင်းမှန်ပြန်ကြားရေးသို့ ဖြေကြားထားသည်။
Public Service Announcement
စစ်ကိုင်းတိုင်း၊ အရာတော်မြို့နယ် မုံရွာ-အရာတော်လမ်းပိုင်း၊ မြင်းမူ-ထီးဆောင်း-အရာတော်လမ်းပိုင်း၊ အရာတော်-ရွှေဘိုလမ်းပိုင်းတို့တွင် အကြမ်းဖက်စစ်ကောင်စီတပ်ဖွဲ့ယာဥ်များ မကြာခဏ တိုက်ခိုက်ခံရလေ့ရှိသည်။
