စစ်ကိုင်းတိုင်း ဗန်းမောက်မြို့နယ် မြို့နယ်အထွေထွေအုပ်ချုပ်ရေးမှူးရုံးကို ယနေ့နံနက်က ဝင်ရောက်တိုက်ခိုက်ခဲ့ရာ စစ်ကောင်စီတပ်မှ ဗိုလ်မှူးကျော် မင်းဟန်ဆိုသူ နေရာတွင် သေဆုံးသွား ကြောင်း Banmauk Revolution က ဖော်ပြသည်။
ယနေ့(ဩဂုတ် ၁၂ရက်) နံနက် ၉နာရီတွင် ဗန်းမောက် ပြည်သူ့ကာကွယ်ရေး တပ်(PDF)နှင့် မြို့နယ် ပြည်သူ့ကာကွယ်ရေးအဖွဲ့(ပကဖ)က မြို့နယ်ထွေအုပ်ရုံးကို ဝင်ရောက်တိုက်ခိုက်ခဲ့ခြင်းဖြစ်သည်ဟု ဆိုသည်။
အပြန်အလှန်ပစ်ခတ်မှုများကြောင့် ပြည်သူ့ကာကွယ်ရေးတပ်ဖွဲ့ဝင်တစ်ဦး ဒဏ်ရာရရှိခဲ့သော်လည်း မစိုးရိမ်ရဟု ဖော်ပြထားသည်။
“ဗိုလ်မှူးကျော်မင်းဟန် သေနတ်ကျည်ထိသွားတယ်။ ဆေးရုံမှာတော့ တော်တော်ရေး အုံးအုံး ကျက်ကျက်ဖြစ်နေတယ်။ ဘယ်ဝန်ထမ်းကိုမှ ဖုန်းပေးမကိုင်တော့ဘူးလို့ သိရတယ်”ဟု ဗန်းမောက်မြို့ ပြည်သူ့ကာကွယ်ရေး တပ်ဖွဲ့- ဗန်းမောက်ပကဖတာဝန်ခံက People’s Spring သို့ပြောသည်။ ယနေ့ နေ့လည် နှစ်နာရီ မိနစ် ၂၀ ရရှိသော သတင်းကို ဗန်းမောက် (ပကဖ) တာဝန်ခံက ပြောခြင်းဖြစ်သည်။
Public Service Announcement
Banmauk Revolution-BRကမူ ” ဗိုလ်မှူးကျော်မင်းဟန် နေရာတွင် သေဆုံးသွားသည်ဟု သတင်းရရှိထားကြောင်း ထုတ်ပြန်ထားသည်။ People’s Spring အနေဖြင့် သီးခြားအတည်ပြုချက် မရသေးပေ။
” စစ်ကောင်စီဘက်က ဗိုလ်မှူးသေတယ်လို့ ကြားလို့ မြို့ခံတွေလည်း နားစွင့်နေကြတယ်” ဟု ဗန်းမောက်မြို့ခံတစ်ဦးက ပြောသည်။
ဒလန်ရှင်းလင်းရေး မစ်ရှင်ပြုလုပ်ရန် စီစဉ်ထားသော်လည်း အမျိုးသမီးတစ်ဦး က ရှေ့ဆက်မသွားရန် တားမြစ်ချက်ကို မလိုက်နာ၍ သေနတ်ဖောက်တားမြစ် ခဲ့ရကြောင်း၊ အချို့သော ဒလန်ရှင်း မစ်ရှင်အချို့ကို ဖျက်သိမ်းလိုက်ရကြောင်း အသိပေးခဲ့ပြီး ပြည်သူများအနေဖြင့် ဒေသကာကွယ်ရေးမှ ထုတ်ပြန်သော ကြေညာချက်များ၊ တားမြစ်လျက်များကို အထူးဂရုပြု လိုက်နာပေးကြရန် ပန်ကြားထားသည်။
