ရေစကြိုတွင် ယာယီစျေးသို့လာသည့် ပျူအဖွဲ့ပစ်ခတ်ခံရ၊ စစ်အုပ်စု စျေးကို မီးရှို့သွား

မကွေးတိုင်း၊ ရေစကြိုမြို့ရှိ ယာယီစျေးတွင် အကြမ်းဖက်စစ်ကောင်စီလက်အောက်ခံ ပျူစောထီးအဖွဲ့ ပစ်ခတ်တိုက်ခိုက်ခံရပြီး ထိခိုက်သေဆုံးမှုများရှိကြောင်း ဒေသတွင်းသတင်းရင်းမြစ်များက ပြောသည်။

ယနေ့ (သြဂုတ် ၂၉ ရက်) နံနက်ပိုင်းက ရေစကြိုမြို့နယ်၊ အမှတ်(၈)ရပ်ကွက်ရှိ ဘောလုံးကွင်င်း (ယာယီ)ပျံကျစျေးသို့ ပျူစောထီးအဖွဲ့ လာရောက်စဉ် အမည်မသိ လက်နက်ကိုင်အဖွဲ့တစ်ဖွဲ့က ပစ်ခတ်ရှင်းလင်းသွားခြင်းဖြစ်ကြောင်း ဒေသတွင်းသတင်းရင်းမြစ်များက ပြောသည်။

ပျူစောထီးများသည် ဆင်ချောင်းရွာ စိုးမောင်၏ လူယုံတော်၊ ပေါက်တောရွာသား ပျူစောထီးခေါင်းဆောင် ထွန်းအောင်ကျော် အပါအဝင် ပျူစောထီး ၆ ဦး​ တို့ဖြစ်ကြောင်း ရေစကြိုသတင်းပေါင်းစုံက ဖော်ပြသည်။

ခြောက်ဦးလုံးသေဆုံးသည်ဟု သတင်းများထွက်ပေါ်နေသော်လည်း အတည်ပြု၍ မရသေးပေ။

Public Service Announcement

အဆိုပါပျူအဖွဲ့အား ပစ်ခတ်ရှင်းလင်းခဲ့ကြောင်း မည်သည့်အဖွဲ့ကမျှ ယနေ့ညနေပိုင်းအထိ ထုတ်ပြန်ခြင်းမရှိသေးပေ။

ပစ်ခတ်ခံရပြီးနောက် အကြမ်းဖက်စစ်ကောင်စီတပ်နှင့် ပျူစောထီးများ ထပ်မံရောက်ရှိလာခဲ့ပြီး စျေးသည်များလည်း ထွက်ပြေးသွားခဲ့ရာ ပျံကျစျေးရှိ စျေးသ​ည်များ၏ ကုန်ပစ္စည်းများအား နံနက် ၉ နာရီ ၄၀ မိနစ်ခန့်တွင် မီးရှို့ဖျက်ဆီးသွားကြောင်း ဒေသခံများက ပြောသည်။

ထို့အပြင် နံနက် ၁၀နာရီခန့်တွင် ရေစကြိုနယ်၊ ချင်းတွင်းမြစ်အရှေ့ဘက်ကမ်းသို့ အနောက်ဘက်ကမ်းမှ လက်နက်ကြီးများဖြင့် ရမ်းသမ်းပစ်ခတ်နေကြောင်း ဒေသခံများက ပြောသည်။