ကုန်ပစ္စည်းနှင့် ငွေကြေးအမြောက်အမြားသယ်ဆောင်လာသည့်ယာဥ်ကို မသင်္ကာ၍ ပြည်သူလူထုပိုင် ပစ္စည်းနှင့်ငွေများ ဟုတ်၊မဟုတ်စစ်ဆေးပြီးနောက် ပိုင်ရှင်ထံပြန်လည်လွှဲပြောင်းပေးခဲ့ကြောင်း PDF(တမူး)က ထုတ်ပြန်သည်။
PDF(တမူး)တပ်ရင်း(၁) သည် ဩဂုတ် ၂၉ ရက်တွင် တမူး – အောင်ဇေျလမ်းပိုင်း၌ နယ်မြေလုံခြုံရေးနှင့် ယာဥ်စစ်ဆေးရေးလုပ်ငန်းများဆောင်ရွက်ရာတွင် လိုင်းကားတစ်စီးသည် မသင်္ကာဖွယ်ရာကုန်ပစ္စည်းများနှင့် ကျပ်ငွေ အမြောက်အမြား စစ်ဆေးတွေ့ရှိသဖြင့် ယာဉ်မောင်းနှင့်ယာဉ်ကို ခေတ္တသိမ်းဆည်းခဲ့သည်ဟု ဖော်ပြထားသည်။
ကုန်ပစ္စည်းနှင့်ငွေကြေးပိုင်ရှင်များ၏ နောက်ကြောင်းကို သေချာစုံစမ်းစစ်ဆေးရာတွင် ပြည်သူလူထုပိုင်ဆိုင်သည့် ငွေနှင့် ပစ္စည်းများဖြစ်၍ ဩဂုတ် ၃၀ရက်တွင် ပိုင်ရှင်ထံ စာရင်းမှတ်တမ်းအတိုင်း ပြန်လည်လွှဲပြောင်းပေးခဲ့ကြောင်း အသိပေးသည်။
ယာဥ်ပေါ်ပါကုန်ပစ္စည်းများအပါအဝင် ယာဥ်နှင့်ယာဥ်မောင်းအား ကောင်းမွန်စွာ ကျွေးမွေးစစ်ဆေး၍ ပြန်လွှတ်ပေးခဲ့သည်ဟုလည်း ထုတ်ပြန်ချက်တွင် ဖော်ပြထားသည်။
တမူး-အောင်ဇေယျလမ်းပိုင်းကို စောင့်ကြည့် စစ်ဆေးလျှက်ရှိပြီး စစ်ကောင်စီထုတ်ကုန်ပစ္စည်းများ၊ ၎င်းတို့လက်ပါးစေ ကုန်ပစ္စည်းများ၊ ရိက္ခာနှင့်ငွေကြေးများ စစ်ဆေးတွေ့ရှိပါက တော်လှန်ရေးအတွက် လိုအပ်သလို အသုံးပြုရန်သိမ်းဆည်းသွားမည်ဟုလည်း PDF(တမူး)ကသတိပေးထားသည်။