မန္တလေးတိုင်း၊ မြင်းခြံမြို့နယ်တွင် ယနေ့တစ်ရက်တည်း စစ်ဗိုလ်တစ်ဦးအပါအဝင် စစ်ကောင်စီတပ်နှင့်ပျူ စုစုပေါင်းငါးဦး ပစ်ခတ်ခံရပြီး စစ်ဗိုလ်နှင့်တပ်သားတစ်ဦး နေရာတွင် သေဆုံးသွားကြောင်း ဒေသတွင်းသတင်းရင်းမြစ်များက ပြောသည်။
ယနေ့ (စက်တင်ဘာ ၁၀ ရက် )ညနေ ၅ နာရီခန့်က မြင်းခြံမြိုနယ်၊ ဆီမီးခုံ လောင်းကစားဝိုင်းမှပြန်လာသည့်ကြည်ရွာမှ စစ်ကောင်စီဗိုလ် ၁ ဦးနှင့် တပ်သားတစ်ဦးပစ်ခတ်ရှင်းလင်းခံရကြောင်း၊ နှစ်ဦးလုံးနေရာတွင်ပင်သေဆုံးသွားကြောင်း မြင်းခြံလူထုလှုပ်ရှားမှုကော်မတီကသတင်းထုတ်ပြန်သည်။
အလားတူ မွန်းတည့် ၁၂ နာရီခန့်ကလည်း မြင်းခြံမြို့နယ်၊ ဆီမီးခုံနယ်၊ ဆုံရွာမှ ပျု ၃ ဦးလည်း ပစ်ခတ်ခံခဲ့ရကြောင်း မြင်းခြံလူထုလှုပ်ရှားမှုကော်မတီကထပ်မံအသိပေးသည်။
ပျူ ၃ ဦးသည် မြင်းခြံမြို့မှ ပြန်လာချိန်နဘူးအိုင်ရွာနှင့်ပင်လယ်ရွာ ကြားတွင် ပစ်ခတ်ရှင်းလင်းခံရခြင်းဖြစ်ကြောင်း၊ အပစ်ခံရပြီး မကြာမီ ဆုံရွာမှဆိုင်ကယ်၁၀ စီးနှင့်ပျုစောထီး ၂၀ ဦးခန့်သည် ဂျင်ကလိ ၊ ဓား ၊သေနတ်များဖြင့်အခင်းဖြစ်ပွားရာနေရာသို့ရောက်ရှိလာခဲ့သည်ဟုဒေသခံများကပြောသည်။
Public Service Announcement
အပစ်ခံရသော ပျု များကို ဆီမီးခုံမြို့ဆေးရုံသို့ နာရေးကားဖြင့်သယ်ဆောင်သွားကြောင်းဒေသခံများကပြောသည်။
ပျူ ၃ ဦး အသက်သေဆုံးခြင်းရှိမရှိကိုမူ ထုတ်ပြန်ချက်တွင် ဖော်ပြထားခြင်း မရှိပေ။ ထိုဖြစ်စဥ်နှင့်ပတ်သက်၍ ယခုညပိုင်းအထိ မည်သည့်အဖွဲ့ကမျှ သတင်းထုတ်ပြန်ထားခြင်း မရှိသေးပေ။
စက်တင်ဘာ၂ရက်နေ့ကလည်း မြင်းခြံခရိုင်၊ ငါန်းဇွန်မြို့နယ်ကံလှရွာရှိ ပျူအဖွဲ့ဖွဲ့ရန် ဦးဆောင်စီစဥ်နေသည်ဟုဆိုသည့် မင်းအောင်ဆိုသူအား တောအပြန် ရှင်းလင်းခံခဲ့ရသေးသည်။
