'/%3E%3C/svg%3E){kind=small}
အမရပူရမြို့နယ် မြစ်ငယ်မြို့ ဥယျာဥ်တော်ကျေးရွာ အမှတ်(၆)မှ စစ်ကောင်စီခန့်အုပ်ချုပ်ရေးမှူးတစ်ဦးကို MN PDF အမျိုးသမီးတပ်ဖွဲ့က ပစ်ခတ်ရှင်းလင်းခဲ့ကြောင်း ယနေ့(စက်တင်ဘာ ၁၁) ထုတ်ပြန်သည်။
စက်တင်ဘာ ၉ ရက်နံနက် ၈ နာရီ ၄၅ မိနစ်ခန့်က ဥယျာဥ်တော်ကျေးရွာ အမှတ်(၆)မှ စစ်ကောင်စီခန့်အုပ်ချုပ်ရေးမှူး တင်အုန်း(ခ)ပွကြီးစိန်ဆိုသူအား ဝေဠုဓမ္မာရုံအနီး သေနတ်ဖြင့် ခုနစ်ချက်ပစ်ခတ်ခဲ့ကြောင်း ဖော်ပြသည်။
“ထိုသူသည် စကစအုပ်ကြီးအဖြစ် ရပ်တည်နေရုံမျှမကဘဲ ပျူစောထီးသင်တန်းဆင်း ပြည်သူ့စစ်အဖွဲ့ဝင်ဖြစ်သောကြောင့် နှုတ်ခမ်းနီခုနစ်တောင့်အား စျေးကြီးနေသည့်ကြားမှ နှမြောစွာဖြင့် အသုံးပြုခဲ့ရပါသည်”ဟု ဆို သည်။
အထက်ပါ ပစ်ခတ်ရှင်းလင်းမှုဖြစ်စဥ်တွင် စစ်ကောင်စီခန့်အုပ်ကြီး တင်အုန်းကိုင်သည့် သေနတ်အား အခြေအနေအရ ကောက်ယူနိုင်ခဲ့ခြင်းမရှိခဲ့ကြောင်း အသိ ပေးသည်။
Public Service Announcement
ထို့အပြင် ပြည်သူတစ်ဦးလက်ထိမှန်ခဲ့သည့်အပေါ် MN PDF မှ အနူးအညွတ်တောင်းပန်ကြောင်းလည်း ဖော်ပြထားသည်။
မြစ်ငယ် PDF မှ အမျိုးသမီးတပ်ဖွဲ့သည် စက်တင်ဘာ ၈ ရက်ကလည်း အမရပူရမြို့နယ် စားတော်ကျေးရွာနေ စစ်ကောင်စီသတင်းပြန်ကြားရေးမှ ညီညီထွန်း၊ ရုရှားပြန်ဗိုလ်ကြီး အောင်မင်းထွန်းတို့နှင့် ညီအစ်ကိုတော်စပ်သူ ဒလန်ဟုဆိုသူ ကျော်မြင့်ထွန်းနှင့်ဇနီးတို့၏ ယက္ကန်းရုံအားဖောက်ခွဲ တိုက်ခိုက်ခဲ့သေးသည်။
