နန်းထိုက်​အောင်စစ်ဆင်​ရေးအဖြစ် စစ်​ကောင်စီခန့်အုပ်ချုပ်​ရေးမှူးကို PDFကရှင်းလင်း

“နန်းထိုက်အောင်“စစ်ဆင်ရေးဖြင့် စစ်မှုထမ်းဟောင်းနှင့်စစ်​ကောင်စီခန့်အုပ်ချုပ်ရေးမှူး မောင်ယုအားသုတ်သင်ရှင်းလင်းလိုက်ကြောင်း ပုလောဒေသကာ ကွယ်ရေးတပ်ဖွဲ့ PRDF က ထုတ်ပြန်သည်။

ယမန်နေ့(စက်တင်ဘာ ၁၂ ရက်)က တောင်ယာကမ်းကျေးရွာမှစစ်​ကောင်စီခန့် အုပ်ချုပ်ရေးမှူး မောင်ယုကို ပုလောဒေသကာကွယ်ရေး မဟာမိတ် တပ်ပေါင်းစုမှ နန်းထိုက်အောင် စစ်ဆင်ရေးအဖြစ် သင်္ကန်းမော်နှင့် ရွှေလုံးအော် အကြားတွင် ညနေ လေးနာရီဝန်းကျင်ခန့်က သုတ်သင် ရှင်းလင်းခဲ့သည်ဟု အသိ​ပေးထားသည်။

“ပျူစောထီးအဖွဲ့ဝင်လို့လည်း ပြောလို့ရနိုင်တယ်။အခု အာဏာသိမ်းပြီးနောက်ပိုင်း စခ တပ်ရဲ့ အုပ်ချုပ်ရေးမှူးဖြစ်လာပြီး လက်နက်တွေပါ ကိုင်လာတာရယ်။နောက်အခြားပြစ်မှုတွေပါ ရှိ နေလို့ ရှင်းလိုက်တာ”ဟု ပုလောမြို့နယ် ကာကွယ်ရေးတပ်ဖွဲ့ဝင်တစ်ဦးက လူထုနွေဦးသို့ ပြောသည်။

ပျူလည်းဖြစ် စစ်​ကောင်စီခန့်အုပ်ချုပ်​ရေးမှူးကို ရှင်းလင်းခဲ့ရာမှ လက်ပစ်ဗုံးနှစ်လုံး၊ လက်ကိုင်ဖုန်း တလုံး၊ Wave i (125) ဆိုင်ကယ်အဖြူတစီး၊ ငွေသား (၉) သိန်းကျပ်၊ မှတ်ပုံတင် (၈) ခု၊ WY စိတ်ကြွဆေး (၈) လုံး နှင့် ခဲပြားတပြား၊ ကွန်ဒုံး (၂) ခု၊ လက်စွပ် (၃) က္ငင်းနှင့်အတူ ဆေးထိုးအပ်၊ ဆေးဝါးများကို သိမ်းဆည်း ရမိခဲ့ကြောင်းဖော်ပြသည်။

Public Service Announcement

မောင်ယုသည် စစ်မှုထမ်းဟောင်း ဖြစ်သည့်အပြင် ပုလောမြို့နယ် စစ်မှုထမ်းဟောင်းအဖွဲ့၏ဥက္ကဌအဖြစ် တာဝန်ယူဖူးခဲ့ပြီး ဘိသိက်ဆရာ၊ အပ်ပုန်းဆရာ အနေဖြင့် လုပ်ကိုင်ခဲ့သူ ဖြစ်သည်။

လက်ရှိတော်လှန်ရေးကာလတွင်လည်းစစ်ကောင်စီလမ်းကြောင်းများတွင် လမ်းပြ လုပ်ပေးခြင်း၊ CDM ဝန်ထမ်းများအား ဖိအားပေးခြင်း၊ ရပ်ရွာ ပြည်သူများအား ခြိမ်းခြောက်ခြင်း၊ လက် နက်ကိုင်ဆောင်ခြင်း စသည်တို့ကို ကျူးလွန်ခဲ့သူ ဟု PRDF က အသိပေးသည်။