မန္တလေးတိုင်း၊ မြင်းခြံမြို့နယ်၊ ဆီမီးခုံမြို့တွင် စစ်ကောင်စီတပ် ဗိုလ်တစ်ဦးနှင့်တပ်သားတစ်ဦး ပစ်ခတ်ခံရသည့်ဖြစ်စဥ်၌ PDFထံ သတင်းပေးခဲ့သည်ဟုစွပ်စွဲခံရ၍ ဆီမီးခုံစခန်းမှူး ထွက်ပြေးတိမ်းရှောင်နေရကြောင်း မြင်းခြံလူထုလှုပ်ရှားမှုကော်မတီက သတင်းထုတ်ပြန်သည်။
ပြီးခဲ့သည် သြဂုတ် ၁၀ ရက်က ဆီမီးခုံလောင်းကစားဝိုင်းမှပြန်သွားသည့် စစ်ကောင်စီတပ်က ဗိုလ် ကြီးအောင်ကိုကိုနှင့်တပ်သားတစ်ဦး ပစ်ခတ်ခံရပြိီးနောက် သေဆုံးသွားခဲ့သည်။
ထို့နောက် လောင်းကစားသမားများနှင့် ဆီမီးခုံရဲစခန်းကရဲများက သတင်းပေးခဲ့သည်ဟု စွပ်စွဲခံခဲ့ရ၍ ဆီမီးခုံရဲစခန်းမှ စခန်းမှူးထွက်ပြေးတိမ်းရှောင်နေရကြောင်း၊ ရဲအချို့လည်း ဖမ်းဆီးခံထားရသည်ဟု သတင်းထွက်ပေါ်နေကြောင်း မြင်းခြံလူထုလှုပ်ရှားမှုကော်မတီက အသိပေးသည်။
ထိုနေ့က စစ်ကောင်စီဗိုလ်ကြီးနှင့် တပ်သားတစ်ဦးအပြင် ပျူစောထီးသုံးဦးလည်း ပစ်ခတ်ရှင်းလင်းခံခဲ့ရသေးသည်။
Public Service Announcement
