Connect with us

Hi, what are you looking for?

LuduNwayOo

သတင်း

အသက်အန္တရာယ်ရှိသည့်ကြားကပင် စစ်အာဏာရှင်ကို မလိုလားကြောင်းထုတ်ဖော်ပြသသည့် ပြည်သူများကို ဦးညွှတ်လေးစားကြောင်း ကုလဆိုင်ရာမြန်မာသံအမတ်ကြီး ပြော

ထို့အပြင် ပြည်တွင်း၊ ပြည်ပ ရှိ မြန်မာပြည်သူများ၏ စစ်အာဏာရှင်စနစ်ဆန့်ကျင်ရေး၊ ဒီမိုကရေစီအရေးတောင်းဆိုလုပ်ဆောင်မှုများသည် အချည်းအနှီးမဖြစ်ဘဲ ပြည်သူ့ အသံ၊ ပြည်သူ့ဆန္ဒကို ထုတ်လွှင့်နိုင်လေလေ၊ မြန်မာပြည်သူများ၏ တန်ဖိုးကို နိုင်ငံတကာအသိုင်းအဝိုင်းက သိရှိနေကြောင်း သံအမတ်ကြီးက ပြောသည်။

(နိုင်ငံတစ်ဝန်းဆန္ဒထုတ်​ဖော်မှုများ ။ဓါတ်ပုံ-CJ)
(နိုင်ငံတစ်ဝန်းဆန္ဒထုတ်​ဖော်မှုများ ။ဓါတ်ပုံ-CJ)

အသက်အန္တရာယ်ရှိသည့်ကြားကပင် စစ်အာဏာရှင်ကို မလိုလားကြောင်းထုတ်ဖော်ပြသသည့် နိုင်ငံတ၀န်းရှိ ပြည်သူများကို ကျေးဇူးတင် ဦးညွှတ်လေးစားကြောင်း ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းက ပြောသည်။

စက်တင်ဘာ ၁၃ ရက်က ရန်ကုန်မြို့ ကြည့်မြင်တိုင်မြို့နယ် ပန်းပင်ကြီးလမ်း၌ ငြိမ်းချမ်းစွာဆန္ဒထုတ်ဖော်ပွဲမပြုလုပ်သေးမီ လူငယ်အချို့ကို စစ်ကောင်စီက အကြမ်းဖက်ပစ်ခတ်ဖမ်းဆီးခဲ့သည့်ဖြစ်ရပ်အပေါ် စိတ်မကောင်းဖြစ်မိကြောင်း သံအမတ်ကြီးဦးကျော်မိုးထွန်းက People’s Spring နှင့် သီးသန့်မေးမြန်းခန်းတွင် ပြောသည်။ အဆိုပါ ပန်းပင်ကြီးလမ်းဖြစ်စဥ်တွင် လူငယ်အချို့က ကုလသမဂ္ဂ၌ သံအမတ်ကြီးဦးကျော်မိုးထွန်းနှင့် NUG အစိုးရကို အသိအမှတ်ပြုလက်ခံရေးနှင့် စစ်အာဏာရှင်ကို ငြင်းပယ်ရေးအတွက် ငြိမ်းချမ်းစွာတောင်းဆို ဆန္ဒပြရန်စီစဥ်ထားခြင်းဖြစ်သည်။

“ပြည်သူတွေ ဆန္ဒထုတ်ဖော်မှုကို အရမ်းကျေးဇူးတင်တယ်။ နောက်ပြီးတော့ အသက်အန္တရာယ်ရှိတဲ့ကြားက ဆောင်ရွက်နေတဲ့သူတွေကို လေးလည်းလေးစားတယ်။ ချီးလည်း ချီးကျူးတယ်။ တတယ်ကို salute လုပ်ပါတယ်။ ဒီကြားထဲမှာ မနေ့တနေ့က ပန်းပင်ကြီးလမ်းမှာ ကျွန်တော်တို့ လူငယ်အချို့ ဖမ်းဆီးခံရတာ ကြားသိရလို့ အရမ်းစိတ်မကောင်း ဖြစ်တယ်။ ဖမ်းဆီးခံလိုက်ရတဲ့ လူငယ်တွေအတွက် ကျွန်တော်တို့ ဒီ့ထက် ဒီ့ထက် ဒီ့ထက် ဆယ်ဆမက အဆပေါင်းများစွာ ကြိုးစားသွားပြီးဆောင်ရွက်သွားပါမယ်။ အားလုံးလည်း ဝိုင်းဝန်းဆောင်ရွက်ပေးကြဖို့ ကျွန်တော် မေတ္တာရပ်ခံတိုက်တွန်းလိုပါတယ်” ဟု ဦးကျော်မိုးထွန်းက ဆိုသည်။

မြန်မာနိုင်ငံတွင် စစ်အာဏာရှင်စနစ်ကျရှုံးရေး၊ ဒီမိုကရေစီပြန်လည်ရရှိရေး၊ ဖက်ဒရယ်ဒီမိုကရေစီနိုင်ငံတည်ထောင်ရေး စသည့် ရည်မှန်းချက်များဖြင့် ပြည်တွင်း၊ ပြည်ပရှိ မြန်မာပြည်သူများ၊ မြန်မာနွယ်ဖွားများက လက်ရှိအချိန်အထိ ဇွဲ၊ လုံ့လ၊ ဝိရိယ ရှိစွာ အသက်များ၊ ဘ၀များစွန့်ကာ ဆောင်ရွက်နေကြသည့်အတွက် လွန်စွာကျေးဇူးတင်ကြောင်း သံအမတ်ကြီးက ပြောသည်။

(နိုင်ငံတစ်ဝန်းဆန္ဒထုတ်​ဖော်မှုများ ။ဓါတ်ပုံ-CJ)
(နိုင်ငံတစ်ဝန်းဆန္ဒထုတ်​ဖော်မှုများ ။ဓါတ်ပုံ-CJ)

“ကျွန်တော်တို့ ပြည်သူတွေကို မတရားသတ်ဖြတ်ညှင်းပမ်းနှိပ်စက်နေတဲ့ လူတွေကို တရားဥပဒေအရ အရေးယူနိုင်ဖို့ ဆောင်ရွက်နေတာ၊ ကျွန်တော်တို့ ဖက်ဒရယ် ဒီမိုကရေစီနိုင်ငံတော် တည်ထောင်ဖို့ ဆောင်ရွက်နေတာမှာ ဒီထက်ပိုပြီး မဆုတ်မနစ် တကယ်ကို လက်ချင်းယှက်ပြီး စည်းစည်းလုံးလုံးညီညီညွတ်ညွတ်နဲ့ဆက်ပြီးတော့ တိုက်ပွဲ၀င်ဆောင်ရွက် သွားပါမယ်။ အားလုံးလည်းဝိုင်း၀န်းကူညီ ဆောင်ရွက်ပေးကြဖို့ ထပ်မံလည်း တိုက်တွန်း မေတ္တာရပ်ခံအပ်ပါတယ်” ဟု ၎င်းက ဆက်ပြောသည်။

(နိုင်ငံတစ်ဝန်းဆန္ဒထုတ်​ဖော်မှုများ ။ဓါတ်ပုံ-CJ)
(နိုင်ငံတစ်ဝန်းဆန္ဒထုတ်​ဖော်မှုများ ။ဓါတ်ပုံ-CJ)

ထို့အပြင် ပြည်တွင်း၊ ပြည်ပ ရှိ မြန်မာပြည်သူများ၏ စစ်အာဏာရှင်စနစ်ဆန့်ကျင်ရေး၊ ဒီမိုကရေစီအရေးတောင်းဆိုလုပ်ဆောင်မှုများသည် အချည်းအနှီးမဖြစ်ဘဲ ပြည်သူ့ အသံ၊ ပြည်သူ့ဆန္ဒကို ထုတ်လွှင့်နိုင်လေလေ၊ မြန်မာပြည်သူများ၏ တန်ဖိုးကို နိုင်ငံတကာအသိုင်းအဝိုင်းက သိရှိနေကြောင်း သံအမတ်ကြီးက ပြောသည်။

လက်ရှိတွင် ကုလသမဂ္ဂဆိုင်ရာ မြန်မာသံအမတ်ကြီးနေရာအတွက် ပြည်သူနှင့်တသားတည်းရပ်တည်သည့် ဦးကျော်မိုးထွန်းကို ဆက်လက်အသိအမှတ်ပြုရေးအတွက် အွန်လိုင်း လက်မှတ်ထိုးတောင်းဆိုသည့်ကမ်းပိန်းလုပ်ဆောင်နေရာ ယနေ့ညပိုင်းအထိ လက်မှတ်ပေါင်း ၁ သိန်း ၁ သောင်း လိုအပ်နေသည်။ E-mail လိပ်စာတစ်ခုရှိရုံဖြင့် ပါဝင်နိုင်သည့် အဆိုပါ ကမ်းပိန်းကို ပါ၀င်ကြရန် ဦးဆောင်တက်ကြွလှုပ်ရှားသူများက နှိုးဆော်တိုက်တွန်းထားသည်။

ပါ၀င်လက်မှတ်ရေးထိုးရန် လင့်ခ်မှာ https://actionnetwork.org/…/myanmar-for-u-kyaw-moe-tun… ဖြစ်သည်။

You May Also Like

သတင်း

စစ်ကောင်စီ၏ အဓိကဝင်ငွေရလမ်းများအနက်တစ်ခုဖြစ်သော မြန်မာ့ရေနံနှင့်သဘာဝဓာတ်ငွေ့လုပ်ငန်း(MOGE)ထံ တောင်ကိုရီးယား၏ POSCO နိုင်ငံတကာကုမ္ပဏီ ရွှေသဘာဝဓာတ်ငွေ့စီမံကိန်းက ငွေကြေးစီးဝင်နေဆဲဖြစ်ကြောင်း အထူးအစီရင်ခံစာတင်သွင်းသူက ထောက်ပြသည်။

သတင်း

အဆိုပါ စစ်အုပ်စုသည် ယနေ့နံနက် ၂ နာရီခန့်တွင် စည်ဆွဲတောင်ပေါ်တက်ကာ ကင်းပုန်ချထားကြောင်း Yinmarbin Local People's Defence Force အဖွဲ့က အသိပေးသည်။

သတင်း

ဖရူဆိုမြို့နယ်တွင် လူနေအိမ် သုံးလုံး ပျက်စီးခဲ့ပြီး ဖယ်ခုံတွင်လူနေအိမ် ခုနစ်လုံး နှင့် အရပ်သား ပြည်သူ ရှစ်ဦး ထိခိုက်ဒဏ်ရာရခဲ့သည်ဟု ဖော်ပြထားသည်။

သတင်း

ယနေ့ညနေ ၆ နာရီခန့်က လောင်းလုံးမြို့နယ် အဝဗျောကျေးရွာမှ ထားဝယ်ပျူစောထီးခေါင်းဆောင် ဦးအောင်စိန်၏ တပည့်ရင်းဖြစ်သူ ကိုဖြိုးဆိုသူအား DDT တပ်ခွဲ (၃) ထားဝယ်(ပ.က.ဖ) ရဲဘော်များက သေနတ်ဖြင့် ငါးချက်ပစ်ခတ်ရှင်းလင်းခဲ့ခြင်းဟု ဆိုသည်။