'/%3E%3C/svg%3E){kind=small}
စစ်ကိုင်းတိုင်း၊ မြောင်မြို့နယ်၊ ကျောက်ရစ်စခန်းမှ ကင်းပတ်ထွက်လာသည့် စစ်ကောင်စီတပ်ကို ကိုယ်တိုင်ထုတ်ရှေ့ထွက်ပြောင်းဖြင့်တိုက်ခိုက်ခဲ့ကြောင်း မြောင်မြို့နယ် ပြည်သူ့ကာကွယ်ရေးအထူးတပ်ဖွဲ့(MSPDF)ကသတင်းထုတ်ပြန်သည်။
ယမန်နေ့(စက်တင်ဘာလ ၁၉ ရက်နေ့ )ည ၉ နာရီခန့်က မြောင်မြို့နယ်၊ကျောက်ရစ်စခန်းမှ ကင်းပက်ထွက်လာသော စစ်ကောင်စီတပ်သားများအားအသင့်ချထားသော MSPDFထုတ် ရှေ့ထွက်ပြောင်းများဖြင့် မိုင်းဆွဲတိုက်ခိုက်ခဲ့သည်။
ထိုတိုက်ခိုက်မှုအပြီးတွင် ဒဏ်ရာရတပ်သားများအား မိုင်းဆွဲတိုက်ခိုက်ရာ နေရာအနီးတွင် ရှေးဦးသူနာပြုနည်းဖြင့် အသက်ကယ်ပြုစုနေသည်ကိုသိရှိရကြောင်းဖော်ပြထားသည်။
စစ်ကောင်စီတပ်အရေးပေါ်ကုသပေးနေသောနေရာအား နောက်ချန်တပ်ကူအင်အားဖြင့် ဝိုင်းဝန်းဖမ်းဆီးရန် သွားရောက်ခဲ့သော်လည်း သွားလာရေးယာဥ်အခက်အခဲဖြင့် နောက်ကျခဲ့ရသောကြောင့် စစ်ကောင်စီအုပ်စုဝင်များ လွတ်မြောက်သွားခဲ့ကြောင်း MSPDFက အသိပေးသည်။
Public Service Announcement
ထိုတိုက်ခိုက်မှုအား စစ်ကိုင်းခရိုင်တပ်ရင်းအမှတ်(၄)-MSPDF နှင့်အတူ ဓာတ်ကြီးလေးပါ-Four Elementes၊ Natogyi Regional Defence Force-NRDF တို့က ပူးပေါင်းတိုက်ခိုက်ခဲ့ကြောင်း သတင်းထုတ်ပြန်ထားသည်။
ဖြစ်စဥ်နှင့်ပတ်သက်၍ MSPDFအဖွဲ့ထံဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပေ။
ယမန်နေ့နံနက်ပိုင်းကလည်း မြောင်မြို့နယ်၊ ကျောက်ရစ်ရဲစခန်းကို ဒေသတွင်းပြည်သူ့ကာကွယ်ရေးအဖွဲ့များကဒရုန်းဖြင့် တိုက်ခိုက်ခဲ့သေးသည်။
