မကွေးတိုင်း ပေါက်မြို့နယ် ကြက်ဆူအိုင့်ရွာကျေးရွာကို စစ်ကောင်စီတပ်က မီးရှို့ဖျက်ဆီးခဲ့ရာ နေအိမ်လေးလုံး မီးလောင်ပျက်စီးခဲ့ကြောင်း We Love Myaing အဖွဲ့က ပြောသည်။
မီးရှို့ခဲ့သော စစ်ကောင်စီတပ်သည်စက်တင်ဘာ ၂၅ ရက် ညက ကြက်ဆူအိုင့်ကျေးရွာ၌ ညအိပ်ခဲ့ပြီးနောက် ယမန်နေ့(စက်တင်ဘာ ၂၆ ရက်)နံနက် ၇ နာရီခန့်တွင် မီးရှို့ဖျက်ဆီးကာ ထွက်ခွာသွားခဲ့ကြောင်း ဒေသခံများက ပြောသည်။
ကြက်ဆူအိုင့်ရွာကို မီးရှို့ဖျက်ဆီးသွားခဲ့သည့် စစ်ကောင်စီတပ်များသည် နံနက် ၉ နာရီခန့်တွင် ထွက်ခွာသွားပြီးနောက် သရက်ကန်ရွာနှင့် ကြက်ဆူအိုင့်ရွာကြား အာဆီယံလမ်းဘေးရှိ ရေနှံမှော်များကို ဝင်ရောက်မွှေနှောက်ခဲ့ကြောင်း၊ ညနေ ၄ နာရီခွဲခန့်တွင် သရက်ကန်ရွာအတွင်းသို့ဝင်ရောက်သွားကြောင်း နယ်ခံများက ပြောသည်။
“စစ်ကြောင်းကဘယ်ကို ဆက်ထွက်မလဲဆိုတာခန့်မှန်းရခက်တာကြောင့် မိဘပြည်သူများအနေနဲ့ စစ်ကြောင်းသတင်းများကို နားစွင့်ပြီး အထူးသတိထားရှောင်ရှားကြဖို့ အသိပေးအပ်ပါတယ်။” ဟု We Love Myaing အဖွဲ့က သတိပေးသည်။
Public Service Announcement
စက်တင်ဘာ ၂၅ ရက်နံနက်ပိုင်းက မြိုင်မြို့နယ် ကျောက်ခွက်ကျေးရွာသို့ စစ်ကြောင်းထိုးလာသော အင်အား ၆၀ခန့်ပါ စစ်ကောင်စီတပ်နှင့်ပျူမျုးအား မြိုင်(ပကဖ)အဖွဲ့က မိုင်းပွိုင့်အကြီး ၂ပွိုင့်ဖြင့် တိုက်ခိုက်ခဲ့ရာ စစ်ကောင်စီတပ်ဖွဲ့ဝင် သုံးဦး သေဆုံးခဲ့သေးသည်။
မြိုင်နယ်တွင် စစ်ကောင်စီတပ်က ကျေးရွာများအား စစ်ကြောင်းထိုးဖျက်ဆီးမှုများ ပြုလုပ်နေ၍ ဒေသခံများမှာ ထွက်ပြေးတိမ်းရှောင်နေရသည်။
