Connect with us

Hi, what are you looking for?

LuduNwayOo

သတင်း

ကရင်နီပြည်နယ်တွင် တစ်လအတွင်းတိုက်ပွဲပြင်းထန်မှုအခြေအနေ KNDF ထုတ်ပြန်

မိမိတို့ကရင်နီအမျိုးသားများကာကွယ်ရေးတပ်(KNDF)ဘက်မှ ရဲဘော်(၅)ဦး မြင့်မြတ်စွာကျဆုံးခဲ့ရပြီး ကျဆုံးသွားသောရဲဘော်များအား အာဇာနည်သူရဲကောင်းများအစြဖ် အစဉ်အမြဲလေးစားဂုဏ်ယူစွာ မှတ်တမ်းတင်အလေးပြုပါသည်ဟု KNDF မှ ဆိုပါသည်။

ကရင်နီပြည်နယ်တွင် တစ်လအတွင်းတိုက်ပွဲပြင်းထန်မှုအခြေအနေ KNDF ထုတ်ပြန်
ကရင်နီပြည်နယ်တွင် တစ်လအတွင်းတိုက်ပွဲပြင်းထန်မှုအခြေအနေ KNDF ထုတ်ပြန်

ကရင်နီပြည်နယ်တွင် စက်တင်ဘာလ တစ်လတာအတွင်း ကရင်နီပူးပေါင်းတပ်များနှင့် စစ်တပ်အကြား တိုက်ပွဲများပြင်းထန်ခဲ့ပြီး စစ်ကောင်စီဘက်မှ တစ်ရာကျော် သေဆုံးကာ စစ်ကောင်စီတပ်လက်ချက်ကြောင့် အရပ်သား(၁၃)ဦးသေဆုံးခဲ့သည်ဟု ကရင်နီအမျိုးသားများကာကွယ်ရေးတပ်(KNDF)မှ သတင်းထုတ်ပြန်သည်။

စက်တင်ဘာလအစပိုင်းမှစ၍ စစ်ကောင်စီတပ်သည် လွိုင်ကော်၊ ဒီးမော့ဆို၊ ဖရူဆိုလမ်းမကြီးတစ်ကြောအား စစ်ကြောင်းထိုးတပ်ဖြန့်ခဲ့သလို ဒီးမော့ဆို၊ နန်းမယ်ခုံ၊ မိုးဗြဲလမ်းမကြီးကိုလည်း စစ်ရေးအရထိန်းချုပ်နိုင်ရန် စစ်ကြောင်းထိုးခြင်းများပြုလုပ်ခဲ့ပြီး လက်ရှိအချိန်ထိလည်း အဆိုပါနေရာများတွင် တပ်ဖြန့်ခြင်းများ ဆက်လက်လုပ်ဆောင်နေဆဲဖြစ်သည်ဟု ထုတ်ပြန်ချက်တွင်ဖော်ပြသည်။

ကရင်နီပြည်နယ်တွင် တစ်လအတွင်းတိုက်ပွဲပြင်းထန်မှုအခြေအနေ KNDF ထုတ်ပြန်
ကရင်နီပြည်နယ်တွင် တစ်လအတွင်းတိုက်ပွဲပြင်းထန်မှုအခြေအနေ KNDF ထုတ်ပြန်

ထိုကာလအတောအတွင်း မိမိတို့ ကရင်နီအမျိုးသားများကာကွယ်ရေးတပ်(KNDF)၊ ကရင်နီတပ်မတော်(KA)၊ အခြားမဟာမိတ်ပြည်သူ့ကာကွယ်ရေး ပူးပေါင်းတပ်ဖွဲ့များနှင့် စစ်ကောင်စီတပ်ဖွဲ့များအကြား ဖရူဆို၊ ဒီးမော့ဆို၊ လွိုင်ကော်၊ မိုးဗြဲဒေသတို့တွင်း တိုက်ပွဲများပြင်းထန်ခဲ့ပြီး စက်တင်ဘာလကုန်အထိ ထိတွေ့တိုက်ပွဲများ ဆက်လက်ဖြစ်ပွားနေကာ စက်တင်ဘာလ တစ်လတာအတွင်း ကရင်နီပြည်နယ် ဒီးမော့ဆိုမြို့နယ်တွင်(၁၈)ကြိမ်၊ ဖရူဆိုမြို့နယ်တွင်(၁၄)ကြိမ်၊ လွိုင်ကော်မြို့နယ်တွင်(၁၁)ကြိမ်၊ ဖယ်ခုံနှင့် မိုးဗြဲမြို့တွင် (၉)ကြိမ် ရှားတောမြို့နယ်တွင်(၃)ကြိမ်နှင့် ဘောလခဲမြို့နယ်တွင် (၂)ကြိမ် စုစုပေါင်း ထိတွေ့တိုက်ပွဲပေါင်း(၅၇)ကြိမ်ထက်မနည်း ဖြစ်ပွားခဲ့သည်ဟု ထုတ်ပြန်ထားသည်။

Public Service Announcement
Public Service Announcement

ထိတွေ့တိုက်ပွဲများအတွင်း စစ်ကောင်စီဘက်မှ (၁၀၄)ဦးသေဆုံးခဲ့ပြီး (၆၀)ကျော် ဒဏ်ရာရရှိခဲ့တဲ့အပြင် စစ်ကားတစ်စီးကိုပါဖျက်ဆီးနိုင်ခဲ့ကာ MA-1 သေနတ်သုံးလက်၊ MA-2 သုံးလက်၊ MA-3 ရှစ်လက်၊ MG စက်သေနတ်တစ်လက်၊ (၆၀)မမအသီး၊ RPG အသီး၊ စွပ်ဗုံးနှင့် ခဲယမ်းများ အသုံးအဆောင်များကို သိမ်းဆည်းနိုင်ခဲ့သည်ဟု KNDF မှ ထုတ်ပြန်သည်။

ကရင်နီပြည်နယ်တွင် တစ်လအတွင်းတိုက်ပွဲပြင်းထန်မှုအခြေအနေ KNDF ထုတ်ပြန်
ကရင်နီပြည်နယ်တွင် တစ်လအတွင်းတိုက်ပွဲပြင်းထန်မှုအခြေအနေ KNDF ထုတ်ပြန်

မိမိတို့ကရင်နီအမျိုးသားများကာကွယ်ရေးတပ်(KNDF)ဘက်မှ ရဲဘော်(၅)ဦး မြင့်မြတ်စွာကျဆုံးခဲ့ရပြီး ကျဆုံးသွားသောရဲဘော်များအား အာဇာနည်သူရဲကောင်းများအစြဖ် အစဉ်အမြဲလေးစားဂုဏ်ယူစွာ မှတ်တမ်းတင်အလေးပြုပါသည်ဟု KNDF မှ ဆိုပါသည်။

တစ်လတာတိုက်ပွဲအတွင်း၌ စစ်ကောင်စီတပ်ဘက်မှ လက်နက်ကြီးများ အလွန်အကျွံအသုံးပြုတိုက်ခိုက်ခဲ့ခြင်းကြောင့် ဒေသခံများ၏ နေအိမ်(၁၀၀)ကျော်၊ ဘုရားကျောင်းနှစ်ကျောင်း ပျက်စီးခဲ့သလို ကရင်နီပြည်နယ်အတွင်း စစ်ကောင်စီမှ လေကြောင်းတိုက်ခိုက်မှု(၁၆)ကြိမ်ပြုလုပ်ခဲ့သည်ဟု ထုတ်ပြန်ချက်မှသိရသည်။

ကရင်နီပြည်နယ်တွင် တစ်လအတွင်းတိုက်ပွဲပြင်းထန်မှုအခြေအနေ KNDF ထုတ်ပြန်
ကရင်နီပြည်နယ်တွင် တစ်လအတွင်းတိုက်ပွဲပြင်းထန်မှုအခြေအနေ KNDF ထုတ်ပြန်

စစ်ကောင်စီ၏ လက်နက်ကြီးပစ်ခတ်ခြင်း၊ ဖမ်းဆီးသတ်ဖြတ်ခြင်းနှင့် မိုင်းထောင်ခြင်းကြောင့် အရပ်သားပြည်သူ(၁၃)ဦးသေဆုံးခဲ့ပြီး (၂၃)ဦး ဒဏ်ရာရခဲ့သည်ဟု KNDF ၏ ထုတ်ပြန်ချက်တွင်ပါရှိသည်။

စစ်ကောင်စီတပ်သည် ကရင်နီပြည်နယ်အတွင်း စစ်အင်အားများတိုးချဲ့၍ စစ်ကြောင်းထိုးခြင်း၊ တပ်ဖြန့်ခြင်းများအား နေ့စဉ်လုပ်ဆောင်နေသလို ၎င်းတို့စစ်ကြောင်းထိုးတပ်စွဲထားခဲ့သော် နေရာများတွင်းလည်း မိုင်းထောင်ခဲ့ခြင်းများကို ပြုလုပ်ထားသောကြောင့် တိုက်ပွဲများဖြစ်ပွားရာနေရာနှင့် ဖြစ်ပွားပြီးသောနေရာများအနီးရှိ ကျေးရွားများသို့ ဒေသခံများအနေဖြင့် နေရပ်ပြန်ခြင်းများကို အလျင်စလိုမပြုလုပ်ကြရန် KNDF မှ တိုက်တွန်ထုတ်ပြန်ထားသည်။

You May Also Like

သတင်း

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။

သတင်း

လတ်တလောတွင် ချင်းရွှေဟော်ဒေသသို့ ထိုးစစ်ဆင်လာသည့် စစ်ကောင်စီနှင့် ပြည်သူ့စစ်ပူးပေါင်းတပ်သည် ချင်းရွှေဟော်ဒေသ၌ စခန်းချနေသော်လည်း နှစ်ဖက်ပဋိပက္ခ ထပ်မံ ဖြစ်ပွားမှု မရှိဟု ဖော်ပြထားသည်။

သတင်း

တိုက်ပွဲသည် ယမန်နေ့(ဒီဇင်ဘာလ ၆ရက်) ည ၈ နာရီခန့်မှ ည ၁၀ ရီခန့်အထိ တစ်ကြိမ်၊ယနေ့(ဒီဇင်ဘာလ ၇ရက်)နံနက် ၂ နာရီခန့်မှ ၄ နာရီခန့်အထိ တစ်ကြိမ် ဖြစ်ပွားခဲ့​​ခြင်းဖြစ်သည်။

သတင်း

လောက်ကိုင်ရှိ လောင်းကစားရုံများ၊ စိုက်ပျိုးရေးလုပ်ငန်းများတွင် မြန်မာနိုင်ငံဒေသအနှံ့မှ လာရောက် အလုပ်လုပ်နေသည့် ရွှေ့ပြောင်းမြန်မာလုပ်သား သုံးသိန်းခန့်အထိရှိနေသည်။