တနင်္သာရီမြို့နယ် ဘန်လောကျေးရွာအနီးတပ်စွဲထားသည့် စစ်ကောင်စီတပ်ကို မဟာမိတ်ညီနောင်များနှင့်အတူ သွားရောက်တိုက်ခိုက်ခဲ့ရာ စစ်ကောင်စီဘက်မှ လေးဦးသေဆုံးကြောင်း မြိတ်ခရိုင် PDF တပ်ရင်း (၂)က ယနေ့(အောက်တိုဘာ ၃)ထုတ်ပြန်သည်။
အဆိုပါတိုက်ခိုက်မှုကို အောက်တိုဘာ ၁ ရက် ညနေ ၄ နာရီခွဲခန့်က မြိတ်ခရိုင် တပ်ရင်း (၂)၊ တပ်ခွဲ (၁)နှင့် ဘက်မလိုက်ပြောက်ကျားတပ်၊ တောင်ပိုင်းသူရဲကောင်းများ ကာကွယ်ရေးအင်အားစု(SWDF)တို့ပူးပေါင်းတိုက်ခိုက်ခဲ့ခြင်းဖြစ်ပြီး စစ်ကောင်စီတပ်မှ လေးဦးသေဆုံးကာ နှစ်ဦးဒဏ်ရာရသွားသည်ဟု ဆိုသည်။
အဆိုပါတိုက်ခိုက်မှုတွင် စစ်ကောင်စီတပ်ဘက်မှ လက်နက်ကြီးများဖြင့် ရမ်းသမ်း၍ ပြန်လည်ပစ်ခတ် ခဲ့ရာ ယင်းနေ့ညနေ ၅ နာရီခန့်တွင် မဟာမိတ် တပ် များ အထိအခိုက်မရှိ ပြန်လည်ဆုတ်ခွဲခဲ့ကြောင်း အသိပေးသည်။
အထက်ပါတိုက်ခိုက်မှုအပြီးတွင် စစ်ကောင်စီတပ်မှ ကျေးရွာများသို့ ယင်းနေ့ညပိုင်းတွင် လက်နက်ကြီးများဖြင့် ရမ်းသမ်းပစ်ခတ်နေခဲ့ရာ ပြည်သူများထိခိုက် ဆုံးရှုံးမှုရှိခဲ့သည်ဟုဆိုသော်လည်း အခြေအနေအသေးစိပ်အား မသိရသေးပေ။
Public Service Announcement
လတ်တလောဖြစ်ပေါ်နေသော စစ်ရေးအခြေအနေများအရ ပြည်သူများ သတိပြု သွားလာနေထိုင်ကြရန် မြိတ်ခရိုင်တပ်ရင်း (၂)က တိုက်တွန်း နှိုးဆော်ထားသည်။
ဘန်လောရွာအနီးရှိ စစ်ကောင်စီတပ်အားတိုက်ခိုက်မှုအပါအဝင် စစ်ကောင်စိတပ်၏ လက်နက်ကြီးရမ်းသမ်းပစ်ခတ်မှုအခြေအနေများအားသိရှိနိုင်ရန် မြိတ်ခရိုင် တပ်ရင်း (၂)ထံ ဆက်သွယ်မေးမြန်းထားသော်လည်း အဆက်အသွယ်မရရှိခဲ့ပေ။
