Connect with us

Hi, what are you looking for?

LuduNwayOo

သတင်း

ကန့်ဘလူနယ်မြို့ရှိ ဇော်ချောင်းရွာကို စစ်ကောင်စီတပ် ထပ်မံမီးရှို့

အဆိုပါ ဇော်ချောင်းရွာတွင် အိမ်ခြေ ၁၈၀ ကျော်ရှိပြီး လူဦးရေ ၁,၀၀၀ ခန့်ရှိကြောင်း၊ စစ်ကောင်စီတပ်၏ အကြမ်းဖက် လုပ်ရပ်များကြောင့် ဒေသခံများ ထွက်ပြေးတိမ်းရှောင်နေရကြောင်း ကျွန်းလှတက်ကြွလှုပ်ရှားသူများ အဖွဲ့က အသိပေးထားသည်။

ကိုးတောင်ဘို့ တိုက်နယ်ရှိ ဇော်ချောင်းရွာကို စစ်ကောင်စီတပ်က မီးရှို့ဖျက်ဆီးနေစဥ်၊ ဓာတ်ပုံ - ကျွန်းလှတက်ကြွလှုပ်ရှားသူများအဖွဲ့
ကိုးတောင်ဘို့ တိုက်နယ်ရှိ ဇော်ချောင်းရွာကို စစ်ကောင်စီတပ်က မီးရှို့ဖျက်ဆီးနေစဥ်၊ ဓာတ်ပုံ - ကျွန်းလှတက်ကြွလှုပ်ရှားသူများအဖွဲ့

လေးကြိမ်မြောက် မီးရှို့ခံရခြင်းဖြစ်ပြီး ယခင်က အိမ်ခြေ ၁၀၀ခန့် ပျက်စီးထားဟုဆို

စစ်ကိုင်းတိုင်း ကန့်ဘလူမြို့နယ်မြောက်ခြမ်းရှိ ဇော်ချောင်းကျေးရွာကို စစ်ကောင်စီတပ်က ယနေ့တွင် ထပ်မံမီးရှို့ခဲ့ကြောင်း ဒေသခံက ပြောကြားသည်။

ကန့်ဘလူနယ် ကိုးတောင်ဘို့ တိုက်နယ်ရှိ ဇော်ချောင်းရွာကို အောက်တိုဘာ ၆ရက် နံနက် ၁၁နာရီခွဲတွင် မီးရှို့ခြင်းဖြစ်ပြီး ပျက်စီးဆုံးရှုံးမှု မသိရသေးဟု ၎င်းက ဆိုသည်။

“စစ်ကောင်စီဘက်က မစားရတဲ့အမဲ သဲနဲ့ပတ်ဆိုသလိုပေါ့ဗျာ။ သူတို့ဘက်က နယ်မြေစိုးမိုးမှု ဘယ်လိုမှ မရတော့တဲ့ အနေအထားဆိုတော့ ပြည်သူတွေ ကြပ်တည်းလာအောင်၊ ကာကွယ်ရေးအဖွဲ့တွေကို ထောက်ပံ့လို့ မရအောင် ရွာတွေကို မီးရှို့နေတာလို့ မြင်ပါတယ်ဗျ”ဟု ဒေသခံက ပြောသည်။

Public Service Announcement
Public Service Announcement

ဇော်ချောင်းရွာကို စစ်ကောင်စီတပ်က မီးရှို့သည်မှာ ယခုတစ်ကြိမ် အပါအဝင် လေးကြိမ်ရှိပြီဖြစ်ကြောင်း ကျွန်းလှတက်ကြွလှုပ်ရှားသူများ အဖွဲ့က ဖော်ပြထားသည်။ ပထမအကြိမ် မီးရှို့ဖျက်ဆီးမှုတွင် နေအိမ် တစ်လုံး၊ ဒုတိယ အကြိမ်၌ နေအိမ် ၉၃လုံး၊ တတိယ အကြိမ်၌ နေအိမ် သုံးလုံး ပျက်စီးခဲ့ရပြီး ယခုလေးကြိမ်မြောက် ပျက်စီးဆုံးရှုံးမှု အခြေအနေကို မသိရသေးဟု ဆိုသည်။

အဆိုပါ ဇော်ချောင်းရွာတွင် အိမ်ခြေ ၁၈၀ ကျော်ရှိပြီး လူဦးရေ ၁,၀၀၀ ခန့်ရှိကြောင်း၊ စစ်ကောင်စီတပ်၏ အကြမ်းဖက် လုပ်ရပ်များကြောင့် ဒေသခံများ ထွက်ပြေးတိမ်းရှောင်နေရကြောင်း ကျွန်းလှတက်ကြွလှုပ်ရှားသူများ အဖွဲ့က အသိပေးထားသည်။

စစ်ကောင်စီတပ်သည် ကန့်ဘလူမြို့နယ် အရှေ့ဘက်ခြမ်းရှိ ဥသျှစ်ကုန်းရွာကို အောက်တိုဘာ ၁ရက်က မီးရှို့ဖျက်ဆီးခဲ့သည်။ ထို့ပြင် စက်တင်ဘာ ၃၀ရက်ကလည်း လျှော်ဖြူကုန်းကျေးရွာကို စစ်ကောင်စီတပ်က ဒုတိယ အကြိမ် မီးရှို့ခဲ့သည်ဟုဆိုသည်။ ကန့်ဘလူမြို့နယ်တွင် ဩဂုတ်လမှစ၍ ကျေးရွာများကို မီးရှို့ဖျက်ဆီးမှုများ ဆက်တိုက်လုပ်ဆောင်နေရာ အင်္ငုတ္တို၊ ပင့်သာ၊ ညောင်ကုန်း၊ ဇီးကနား၊ ပေကုန်း(မ)၊ လျှော်ဖြူကုန်း၊ ဇော်ချောင်း ရွာများ မီးရှို့ခံခဲ့ရကြောင်း ကျွန်းလှတက်ကြွလှုပ်ရှားသူများ အဖွဲ့၏ ဖော်ပြချက်များ၌ တွေ့ရသည်။

You May Also Like

သတင်း

KIA တပ်မဟာ(၉) တပ်ရင်း(၆)နယ်မြေ မဒဲယန်တွင် ဒီဇင်ဘာ ၆ရက် ညနေ ၄နာရီ ကစပြီး စစ်ကောင်စီတပ်နှင့် KIA ပူးပေါင်းတပ်တို့ တိုက်ပွဲဖြစ်ပွားခဲ့သည်။

သတင်း

ယမန်နေ့(ဒီဇင်ဘာ ၆ရက်)က ဖာပွန်ခရိုင်ရှိ စစ်ကောင်စီတပ်စခန်း သုံးခုထက်မနည်းကို စခန်းသိမ်းတိုက်ပွဲဆင်နွှဲခဲ့ရာ ညာတခိုကျိုး တပ်စခန်းအပါအဝင် စခန်းအချို့ သိမ်းရခဲ့သည်ဟု KNU သတင်းရင်းမြစ်က ပြောသည်။

သတင်း

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။

သတင်း

လတ်တလောတွင် ချင်းရွှေဟော်ဒေသသို့ ထိုးစစ်ဆင်လာသည့် စစ်ကောင်စီနှင့် ပြည်သူ့စစ်ပူးပေါင်းတပ်သည် ချင်းရွှေဟော်ဒေသ၌ စခန်းချနေသော်လည်း နှစ်ဖက်ပဋိပက္ခ ထပ်မံ ဖြစ်ပွားမှု မရှိဟု ဖော်ပြထားသည်။