နွေဦးတော်လှန်ရေးအတွင်း ဖမ်းဆီးထားတဲ့ နိုင်ငံရေးအကျဉ်းသားတွေထဲက ၁၀၀ ခန့်ကို မန္တလေးအိုးဘိုထောင်ကနေ နယ်ထောင်ဆီ ပြီးခဲ့တဲ့ ရက်ပိုင်းက စစ်ကောင်စီဟာ တိတ်တဆိတ်ရွှေ့ပြောင်းလိုက်ပါတယ်။
အောက်တိုဘာ ၈ ရက်မနက် အာရုံမတက်ခင်အချိန်မှာ အိုးဘိုထောင်ထဲက အကျဉ်းသား ၁၀၀ ခန့်ကို ၁၀ ဘီးကားတွေနဲ့ နယ်ထောင်တွေဆီ ရွှေ့လိုက်တာ မန္တလေးနိုင်ငံရေးအသိုင်းအဝိုင်းက စုံစမ်းသိရပါတယ်။
အဲဒီနိုင်ကျဉ်းတွေကို ရှမ်းပြည်နယ် ညောင်ရွှေထောင် ( တောင်လေးလုံးထောင် )ပို့လိုက်တာလို့ သိရပါတယ်။
ပြီးခဲ့တဲ့လပိုင်းကလည်း အိုးဘိုထောင်က နိုင်ကျဉ်းတွေကို မြင်းခြံထောင်ဆီ စစ်ကောင်စီက ပြောင်းရွှေ့ခဲ့ပါသေးတယ်။
Public Service Announcement
ဒီလို နယ်ထောင်တွေဆီ ပြောင်းရွှေ့လိုက်တဲ့အတွက် သက်ဆိုင်ရာမိသားစုတွေဟာ ထောင်ဝင်စာပါဆယ် သွားရောက် ပေးပို့ရာမှာ ခရီးဝေးတဲ့အတွက် အခက်အခဲတွေရှိနေပါတယ်။
စစ်ကောင်စီဟာ နိုင်ကျဉ်းတွေကို အကျဉ်းထောင်တွေမှာ စုစည်းလို့ မရအောင် နယ်ထောင်တွေ ခွဲပြီး ပို့တာတွေ အခုနောက်ပိုင်းခပ်စိတ်စိတ်လုပ်လာပါတယ်။
ရန်ကုန် ၊အင်းစိန်ထောင်က နိုင်ကျဉ်းတွေကို လည်း သာယာဝတီထောင်ဆီ ပြောင်းရွှေ့တာတွေရှိခဲ့ပါတယ်။
