မန္တလေးမြို့ ၊ အောင်မြေသာစံမြို့နယ်အတွင်း နေ့လယ်အချိန်မှာ ဆိုင်ကယ်စီး အမျိုးသမီး ၂ ဦး ဆွဲကြိုးဖြုတ်လုခံရလို့ ဆိုင်ကယ်မှောက်ကာ ဒဏ်ရာအပြင်းအထန်ရသွားပါတယ်။
မနေ့က မွန်းလွဲပိုင်း ၁ နာရီဝန်းကျင် မြောက်ပြင်ရပ် ၈၈ လမ်းနဲ့ ၁၄ လမ်း မှာ ဆိုင်ကယ်စီးလာတဲ့အမျိုးသမီး ၂ ဦးကိုနောက်ကနေ လိုက်လာတဲ့ ဆိုင်ကယ်ပေါ်ကနေ ဆွဲကြိုးကို ဖြတ်လုတာလို့အခင်းဖြစ်တဲ့ နေရာတဝိုက်က ဒေသခံအချို့ကပြောပြပါတယ်။
ဆွဲကြိုးကို ဆွဲလုတဲ့အရှိန်ကြောင့် ဆိုင်ကယ်စီးအမျိုးသမီး ၂ ဦးဟာ ဆိုင်ကယ်မှောက်သွားပြီး ၁ ဦးဟာ ဦးခေါင်းထိခိုက်သွားတယ်လို့သိရပါတယ်။
စစ်တပ်အာဏာသိမ်းပြီးနောက် မန္တလေး ဟာ မြို့ပေါ်မှာတင် လုယက်တာ ၊ဓားပြတိုက်တာ ၊သတ်ဖြတ်တာတွေ မကြာခဏ ဖြစ်ပွားနေတာပါ။
Public Service Announcement
စစ်ကောင်စီဘက်ကတော့ မန္တလေးမြို့ပေါ်မှာ ဖြစ်ပွားတဲ့ ခိုးဆိုး၊လုယက်၊ဓားပြတိုက်လူသတ်မှုတွေနဲ့ပတ်သက်ပြီး နှုတ်ဆိတ်နေပါတယ်။
