Connect with us

Hi, what are you looking for?

သတင်း

ပေါက်တောင်ပိုင်း သီးချောက်ရွာအား စစ်ကောင်စီတပ်မီးရှို့ရာ သက်ကြီးရွယ်အိုတစ်ဦးနှင့် ကလေးငယ်တစ်ဦး မီးထဲပါသွား

စစ်ကောင်စီတပ်သည် စစ်ဘေးရှောင်များ၏ လက်ဝတ်လက်စား၊ ဖုန်း၊ ဆိုင်ကယ်နှင့် ငွေများအား လုယူနေပြီး ကြက်ဝက် တိရိစ္ဆာန်များကိုလည်း ရိက္ခါအဖြစ်သိမ်းယူနေကြောင်း ​ဒေသခံများက ပြောသည်။

ထွက်ပြေးတိမ်းရှောင်နေရသည့် ပြည်သူများ၊ ဓာတ်ပုံ - Cj
ထွက်ပြေးတိမ်းရှောင်နေရသည့် ပြည်သူများ၊ ဓာတ်ပုံ - Cj

စစ်ကောင်စီတပ်ကြောင့် ဒေသခံခြောက်ထောင်ကျော် ထွက်ပြေးတိမ်းရှောင်နေရ

မကွေးတိုင်း ပေါက်မြို့နယ်တောင်ပိုင်းရှိ သီးချောက်ကျေးရွာကို အောက်တိုဘာ ၁၃ရက်က စစ်ကောင်စီတပ်က မီးရှို့ဖျက်ဆီးခဲ့ရာ ထွက်မပြေးနိုင်သည့် ရောဂါသည် သက်ကြီးရွယ်အိုတစ်ဦးနှင့် ကလေးငယ်တစ်ဦးပါ မီးလောင်သေဆုံးခဲ့ကြောင်း ဒေသတွင်း သတင်းရင်းမြစ်များက ပြောသည်။

မီးရှို့ခံရသည့် သီးချောက်ကျေးရွာသည် အိမ်ခြေ ၂၅၅ အိမ်ရှိရာ စစ်ကောင်စီတပ်က တစ်ရွာလုံးနီးပါး မီးရှို့ဖျက်ဆီးသွားပြီး ဘုန်းကြီးကျောင်းကိုပါ မီးရှို့ဖျက်ဆီးသွားခဲ့ကြောင်း ပေါက်တောင်ပိုင်း ပြည်သူ့လုံခြုံရေးတပ်ဖွဲ့ ပြန်ကြားရေးတာဝန်ခံက ပြောသည်။

“ရောဂါကြောင့်မတိမ်းရှောင်နိုင်တဲ့ သက်ကြီးရွယ်အိုတစ်ဦးနဲ့ ကလေးသူငယ်တစ်ဦးလည်း မီးထဲပါသွားတယ်လို့သိရတယ်။ ဘုန်းကြီးကျောင်းထဲမှာ ပိတ်မိနေတဲ့ သက်ကြီးရွယ်အိုတွေ အမျိုးသမီးတွေဆီကနေလည်း နားကပ်တို့ဘာတို့ သေနတ်နဲ့ခြိမ်းခြောက်လုယူသွားတယ်။”ဟု ပေါက်တောင်ပိုင်း ပြည်သူ့လုံခြုံရေးတပ်ဖွဲ့ ပြန်ကြားရေးတာဝန်ခံက ပြောသည်။

ထွက်ပြေးတိမ်းရှောင်နေရသည့် ပြည်သူများ၊ ဓာတ်ပုံ - Cj
ထွက်ပြေးတိမ်းရှောင်နေရသည့် ပြည်သူများ၊ ဓာတ်ပုံ – Cj

ထို့အပြင် စစ်ကောင်စီတ​ပ်သည် သစ်ညီနောင်ရွာမှ CDM ကျောင်းဆရာတစ်ဦးကိုပါ ခေါင်းဖြတ်သတ်ဖြတ်သွားခဲ့ပြီး ပန်းတော်ကန်ရွာမှ ပြည်သူနှစ်ဦးကိုပါ သတ်ဖြတ်သွားကြောင်း ဒေသခံများက ပြောသည်။

Public Service Announcement

Public Service Announcement

စစ်ကောင်စီတပ်သည် စစ်ဘေးရှောင်များ၏ လက်ဝတ်လက်စား၊ ဖုန်း၊ ဆိုင်ကယ်နှင့် ငွေများအား လုယူနေပြီး ကြက်ဝက် တိရိစ္ဆာန်များကိုလည်း ရိက္ခါအဖြစ်သိမ်းယူနေကြောင်း ​ဒေသခံများက ပြောသည်။

စစ်ကောင်စီတပ်စစ်ကြောင်းကြောင့် ပေါက်နယ်တောင်ပိုင်းတွင် ကျေးရွာ ခြောက်ရွာထက်မနည်းမှ ဒေသခံပြည်သူ ခြောက်ထောင်ကျော် ထွက်ပြေးတိမ်းရှောင်နေရကြောင်း၊ လှူဒါန်းမှုနည်းပါးနေပြီး အကူအညီများလိုအပ်နေကြောင်း ပေါက်တောင်ပိုင်း ပြည်သူ့လုံခြုံရေးအဖွဲ့ ပြန်ကြားရေးတာဝန်ခံက ပြောသည်။

“ရွာလုံးကျွတ် မီးရှို့ခံရတဲ့ ကျေးရွာတွေဆိုရင် တိမ်းရှောင်ရတဲ့ဒေသက မြေပြန့်ဒေသဖြစ်တယ်။ လျှိုမြောင်တောတွေ နည်းပါးတယ်။ စားရေးသောက်ရေးနေရေးထိုင်ရေး အခက်အခဲအများကြီးဖြစ်နေတယ်။”ဟု ၎င်းတာဝန်ခံက ပြောသည်။

စစ်ကောင်စီတပ်သည် အောက်တိုဘာ ၁၃ရက်ကတည်းက ပေါက်မြို့နယ်တောင်ပိုင်းရှိ ကျေးရွာများသို့ စစ်ကြောင်းထိုးကာ ဖျက်ဆီးမှုများပြုလုပ်နေပြီး သီးချောက်ရွာအပြင် ကျားပစ်ကန်ရွာ အနောက်ဘက်ရှိ စစ်ဘေးရှောင်တဲများကိုပါ မီးရှို့ခဲ့သည်။

ဆက်စပ်သတင်းများ

သတင်း

မကွေးတိုင်း၊ ပေါက်မြို့နယ်တောင်ပိုင်းက ကျေးရွာတွေကို အာဏာသိမ်းစစ်တပ်က အသေခံဒရုန်းတွေ အပါအ၀င်လက်နက်ကြီးနဲ့ နေ့စဉ် တိုက်ခိုက်နေတာကြောင့် ဒေသခံထောင်နဲ့ချီ ဘေးလွတ်ရာတိမ်းရှောင်နေရတယ်လို့ ပေါက်မြို့နယ်လူသားစာနာဌာနက ဒီကနေ့ ထုတ်ပြန်ပါတယ်။

သတင်း

မကွေးတိုင်း၊ ပေါက်မြို့နယ်ကို ၀င်လာတဲ့ အာဏာသိမ်းစစ်တပ်ယာဉ်တန်း အသေခံဒရုန်းတွေနဲ့ တိုက်ခံရပြီး ထိခိုက်သေဆုံးမှုတွေ များနေတယ်လို့ ဒေသခံစစ်ရေးသတင်းရင်းမြစ်တွေက လူထုနွေဦးကို ပြောပါတယ်။

သတင်း

မကွေးတိုင်း၊ ပေါက်မြို့နယ်တောင်ပိုင်းကို စစ်တပ်က အင်အားအလုံးအရင်းနဲ့ စစ်ကြောင်းထိုးလာတာကြောင့် ဒေသခံပြည်သူ ၆,၀၀၀ ကျော် ဘေးလွတ်ရာတိမ်းရှောင်နေရတယ်လို့ ပေါက်မြို့နယ် လူသားစာနာဌာနက ဒီကနေ့ ထုတ်ပြန်ပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

Facebook