စစ်ကိုင်းတိုင်း၊ စစ်ကိုင်းမြို့နယ်၊ တောင်ရင်းရွာအား စစ်ကောင်စီတပ်က မီးရှို့ဖျက်ဆီးခဲ့ရာ အိမ်ခြေထောင်ချီရှိသည့်အနက် သုံးပုံနှစ်ပုံ မီးလောင်ပျက်စီးဆုံးရှုံးခဲ့ကြောင်း ဒေသတွင်းသတင်းရင်းမြစ်များက ပြောသည်။
ယမန်နေ့ (နိုဝင်ဘာ၁၈ ရက်)က စစ်ကောင်စီတပ် သည် စစ်ကိုင်းမြို့နယ် တောင်ရင်းရွာအား မီးရှို့ဖျတ်ဆီးခဲ့ရာ အိမ်ခြေထောင်ချီရှိသည့်အနက် သုံးပုံနှစ်ပုံ ရာဂဏန်းခန့် မီးလောင်ပြာကျခဲ့ကြောင်း ဒေသခံများက ပြောသည်။
ထို့အပြင် ထွက်ပြေးတိမ်းရှောင်နေရသည့်ကျောင်းဖြူရွာမှ စစ်ဘေးရှောင် သုံးလအရွယ်ကလေးငယ်တစ်ဦး အအေးမိသေဆုံးခဲ့ကြောင်း စစ်ရှောင်ကျန်းမာရေးထောက်ပံ့နေသည့်အဖွဲ့တစ်ဖွဲ့က တာဝန်ရှိသူက ပြောကြားသည်။
ယနေ့တွင် စစ်ကောင်စီတပ်ဖွဲ့သည် ပဒူတိုက်နယ် အတွင်း ဆက်လက်စစ်ကြောင်းထိုးနေ၍ ကျေးရွာ၂၀ ကျော်မှ ပြည်သူများ ထွက်ပြေး တိမ်းရှောင်နေကြရပြီး နှမ်းသိမ်းချိန်တွင် နှမ်းမရိတ်သိမ်းရသေးသဖြင့် သီးနှံဆုံးရှုံးမှုများပါ ကြုံတွေ့နေရကြောင်း ဒေသခံများက ပြောသည်။
Public Service Announcement
စစ်ကောင်စီတပ်၏ စစ်ကြောင်းထိုးဖျက်ဆီးနေမှုများကြောင့် စစ်ကိုင်းမြို့နယ်၊ မင်းဝံတောင်ရိုး အရှေ့ခြမ်းနှင့်အနောက်ခြမ်း ကျေးရွာအများအပြား ထွက်ပြေးတိမ်းရှောင်နေရသည်။
