Connect with us

Hi, what are you looking for?

LuduNwayOo

သတင်း

စစ်အုပ်စုချေမှုန်းနိုင်ရေးနှင့် စစ်ရေးအရှိန်မြှင့်တင်မှုကို မဟာမိတ်များနှင့်ပေါင်းပြီးလုပ်ရန်လိုဟုယာယီသမ္မတနှင့် ပြည်ထောင်စုဝန်ကြီးချုပ်ပြော

ယနေ့ (နိုဝင်ဘာ ၂၂ရက်)တွင် ကျင်းပသည့် အမျိုးသားညီညွတ်ရေးအစိုးရ၏ (၇၅)ကြိမ်မြောက် အစိုးရအဖွဲ့အစည်းအဝေးတွင် ယာယီသမ္မတက ထိုသို့ ပြောဆိုခဲ့ခြင်းဖြစ်သည်။

စစ်အုပ်စုချေမှုန်းနိုင်ရေးနှင့် စစ်ရေးအရှိန်မြှင့်တင်မှုကို မဟာမိတ်များနှင့်ပေါင်းပြီးလုပ်ရန်လိုဟုယာယီသမ္မတနှင့် ပြည်ထောင်စုဝန်ကြီးချုပ်ပြော
စစ်အုပ်စုချေမှုန်းနိုင်ရေးနှင့် စစ်ရေးအရှိန်မြှင့်တင်မှုကို မဟာမိတ်များနှင့်ပေါင်းပြီးလုပ်ရန်လိုဟုယာယီသမ္မတနှင့် ပြည်ထောင်စုဝန်ကြီးချုပ်ပြော

အကြမ်းဖက် စစ်အုပ်စုတစ်ခုလုံးကို အလျင်အမြန် ချေမှုန်း သုတ်သင်နိုင်ရေးအတွက် မဟာမိတ်စစ်ရေးတပ် ပေါင်းစုနှင့် တွန်းလှန်ဖြိုဖျက်ရန်လိုအပ်ကြောင်း အမျိုးသားညီညွတ်ရေး အစိုးရ(NUG)ယာယီသမ္မတ ဒူဝါလရှီးလက ယနေ့ ပြောကြားသည်။

ယနေ့ (နိုဝင်ဘာ ၂၂ရက်)တွင် ကျင်းပသည့် အမျိုးသားညီညွတ်ရေးအစိုးရ၏ (၇၅)ကြိမ်မြောက် အစိုးရအဖွဲ့အစည်းအဝေးတွင် ယာယီသမ္မတက ထိုသို့ ပြောဆိုခဲ့ခြင်းဖြစ်သည်။

“ဒီနေရာကနေ အထူးတိုက်တွန်းချင်တာတစ်ခု ရှိပါတယ်။ အဲဒါကတော့ လက်ရှိမြန်မာ့နွေဦး တော်လှန်ရေးမှာ အကြမ်းဖက် စစ်အုပ်စုတစ်ခုလုံးကို အလျင်အမြန် ချေမှုန်း သုတ်သင်နိုင်ရေးသာ ဖြစ်ပါတယ်။ အကြမ်းဖက်စစ်အုပ်စုတစ်ခုလုံးကို အမြစ်ပြတ် ချေမှုန်းနိုင်ဖို့အတွက် မဟာမိတ်စစ်ရေးတပ် ပေါင်းစုနဲ့ တွန်းလှန်ဖြိုဖျက်ဖို့ လိုအပ် နေပါတယ်”ဟု ယာယီသမ္မတက ပြောသည်။

စစ်အုပ်စုချေမှုန်းနိုင်ရေးနှင့် စစ်ရေးအရှိန်မြှင့်တင်မှုကို မဟာမိတ်များနှင့်ပေါင်းပြီးလုပ်ရန်လိုဟုယာယီသမ္မတနှင့် ပြည်ထောင်စုဝန်ကြီးချုပ်ပြော
စစ်အုပ်စုချေမှုန်းနိုင်ရေးနှင့် စစ်ရေးအရှိန်မြှင့်တင်မှုကို မဟာမိတ်များနှင့်ပေါင်းပြီးလုပ်ရန်လိုဟုယာယီသမ္မတနှင့် ပြည်ထောင်စုဝန်ကြီးချုပ်ပြော

အကြမ်းဖက်စစ်တပ်ကို အလျင်အမြန် မသုတ်သင် မချေမှုန်းနိုင်သရွေ့ ပြည်သူများ နေ့စဉ်ဒုက္ခကြုံနေရမည်ဟု ၎င်းက ဆိုသည်။

တော်လှန်ရေးအစိုးရ တစ်ရပ်အနေဖြင့် လူထု၏ ရှေ့၌ မားမားမတ်မတ်ရပ်တည်နေသည့် အစိုးရ ဖြစ်သကဲ့သို့ တည်ဆောက်ရေးအတွက် လူထု အားကိုးရသည့် အစိုးရ ဖြစ်ရန်အတွက် ကြိုးစားနေကြောင်း ယာယီသမ္မတက ပြောသည်။

ပြည်ထောင်စုဝန်ကြီးချုပ် မန်းဝင်းခိုင်သန်းကလည်း အမြင်မတူခြင်း၊ လူမျိုးအလိုက်၊ ဒေသအလိုက် ရည်မှန်းချက် မတူခြင်းများ ရှိနိုင်သော်လည်း စစ်ကောင်စီကို အမြစ်ဖြတ်သုတ်သင်ချင်သည့် တူညီသည့် ဆန္ဒတစ်ခုက တော်လှန်ရေးအတွက် အကောင်းဆုံး အင်အားဖြစ်စေကြောင်း ပြောကြားသည်။

ထို့အပြင် စစ်ရေးအရှိန်မြှင့်နိုင်ရန် PDFများကို chain of command ကောင်းကောင်းနှင့် စနစ်တကျ ပြင်ဆင်ခြင်း၊ မဟာမိတ်များနှင့် ခိုင်မာသည့် စစ်ရေးပြင်ဆင်မှုများ တစ်ပြိုင်နက် လုပ်ဆောင်နိုင်ရန်လိုအပ်ခြင်းတို့အတွက် စီစဉ်ရန်လည်း ဝန်ကြီးချုပ်က ပြောသည်။

နိုင်ငံရေးအခြေအနေ၊ အခက်အခဲများကို မျက်ခြေမပြတ်စေရန် လိုအပ်မှု၊ တရားရေးဝန်ကြီးဌာနနှင့် ပြည်ထဲရေးဝန်ကြီးဌာန ပူးပေါင်းပြီး အကြမ်းဖက်သမားများကို တရားစွဲဆိုနိုင်ရေး အပူတပြင်း စီစဉ်ရန် တို့ကိုလည်း ပြည်ထောင်စုဝန်ကြီးချုပ်က တိုက်တွန်းပြောကြားခဲ့သည်။

You May Also Like

သတင်း

ကျောက်လုံးကြီးKLG တပ်မဟာသည် အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာန၏ အောက်တွင် ယင်းမာပင်ခရိုင်၊ အမှတ် ၂၁၊၂၂၊ ၂၃ တပ်ရင်းများအဖြစ် ဖွဲ့စည်းထားပြီးဖြစ်သည်။

သတင်း

အကြမ်းဖက်စစ်တပ်သည် နိုင်ငံ့ပြဿနာများ အားလုံး၏ အရင်းအမြစ် ဖြစ်သည်ကို အားလုံး သိပြီးဖြစ်ကြောင်း ၎င်းကဆက်​ပြောသည်။ ထို့ကြောင့် တစုတစည်းတည်းအားကုန်ကြိုးစားနိုင်ရန် အတွက်ဘက်ပေါင်းစုံအားထည့်လုပ်ဆောင်သွားရန်ဝန်ကြီးချုပ်ကတိုက်တွန်းသည်။

သတင်း

ဖေဖော်ဝါရီ ၃ရက် ရှမ်းပြည်တိုးတက်ရေးပါတီ (SSPP)ထုတ်ပြန်ချက်တွင် ဒီမိုကရေစီနှင့် ဖက်ဒရယ်ကိုလိုလားသည့် အင်အားစုများနှင့် လက်တွဲ ချိတ်ဆက်မည်ဟု ဖော်ပြချက်၊ မွန်ပြည်သစ်ပါတီ ၏ (၇၆)ကြိမ်မြောက် မွန်အမျိုးသားနေ့ ထုတ်ပြန်ချက်များကို အသိအမှတ်ပြုကြောင်းလည်း ယာယီသမ္မတက ပြောသည်။

သတင်း

အမျိုးသားညီညွတ်ရေးအစိုးရ နည်းပညာအဖွဲ့၏ ကြိုးပမ်းအားထုတ်မှုကြောင့် ယနေ့နံနက် (ဖေဖော်ဝါရီ ၂ရက်)တွင် လက်ဝယ်ခိုင်ခိုင်မာမာပြန်လည်ရရှိခဲ့ပြီး ဖေ့ဘွတ်စာမျက်နှာ လုံခြုံရေးအား အောင်မြင်စွာလုပ်ဆောင်နိုင်ခဲ့ပြီဖြစ်ကြောင်း ထုတ်ပြန်သည်။