ပဲခူးတိုင်းအရှေ့ပိုင်း ရေတာရှည်မြို့အဝင် ရထားသံလမ်းကူးအနီးရှိ စစ်ကောင်စီတပ်ညကင်းကို မိုင်းခွဲတိုက်ခိုက်ခဲ့ကြောင်း ဒေါင်းမင်းသားမြို့ပြပြောက်ကျားတပ်ဖွဲ့က ပြောသည်။
ယမန်နေ့(ဒီဇင်ဘာ ၂)ည ၈နာရီခန့်က ရေတာရှည်မြို့အဝင် ညောင်ပင်သာရွာ ရထားသံလမ်းကူးရှိ စစ်ကောင်စီတပ်ညကင်းအား အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့သည်ဟု ဆိုသည်။
“စစ်ကောင်စီတပ်သား နှစ်ဦးသေသွားတယ်”ဟု ဒေါင်းမင်းသားမြို့ပြပြောက်ကျားတပ်ဖွဲ့မှ တော်လှန်ရေးရဲ ဘော်တစ်ဦးက ပြောသည်။
ဒေါင်းမင်းသားမြို့ပြပြောက်ကျားတပ်ဖွဲ့(ရေတာရှည်)သည် တောင်ငူခရိုင် PDF တပ်ရင်း (၃၅၀၁)၊ တပ်ခွဲ (၃)အဖြစ် NUG အစိုးရ၊ ကာကွယ်ရေးဝန်ကြီးဌာနအောက်ရှိ တပ်ခွဲတစ်ခုဖြစ်ပြီး တောင်ငူခရိုင် PDF နှင့် ပူးတွဲစစ်ဆင်ရေးများ ဆက်နွှဲလျှက်ရှိသည်။
Public Service Announcement
အဆိုပါပူးတွဲစစ်ဆင်ရေးများအနက် နိုဝင်ဘာ ၂၆ ရက်ကပြုလုပ်သော တောင်ငူ-သံတောင်လမ်း သံမိုတောင်တပ်စခန်းအားတိုက်ခိုက်မှုတွင်ပါဝင်ခဲ့ပြီး ယင်းတိုက်ပွဲတွင် စစ်ကောင်စီတပ်မှ (၁၅)ဦးထက်မနည်း သေဆုံးခဲ့သည်။
