Connect with us

Hi, what are you looking for?

သတင်း

ပေါက်နယ်တောင်ပိုင်းတွင် စစ်ကောင်စီတပ်က ကျေးရွာများအား နှစ်ရက်ဆက် မီးရှို့ဖျက်ဆီး

စစ်ကောင်စီတပ်စစ်ကြောင်းများ ကျေးရွာများသို့ ဝင်ရောက်ကာ နေအိမ်များအား မီးရှို့ဖျက်ဆီးနေခြင်းကြောင့် ပေါက်မြို့နယ် ကျေးရွာ (၁၅)ရွာမှ ဒေသခံပြည်သူ ၅,၀၀၀ခန့် ဘေးလွတ်ရာထွက်ပြေးနေကြရသည်။

(စစ်ကောင်စီတပ် မီးရှို့ဖျက်ဆီးမှုကြောင့် ထွက်ပြေးတိမ်းရှောင်နေရသော ပေါက်တောင်ပိုင်းဒေသခံများ၊ဓာတ်ပုံ - CJ)
(စစ်ကောင်စီတပ် မီးရှို့ဖျက်ဆီးမှုကြောင့် ထွက်ပြေးတိမ်းရှောင်နေရသော ပေါက်တောင်ပိုင်းဒေသခံများ၊ဓာတ်ပုံ - CJ)

▪️နေအိမ် ၄၀၀ကျော် မီးလောင်ဆုံးရှုံးပြီး ဒေသခံသုံးဦး အသတ်ခံရ

မကွေးတိုင်း ပေါက်မြို့နယ်တောင်ပိုင်းတွင် စစ်ကောင်စီတပ်က ကျေးရွာတွေကို နှစ်ရက်ဆက် မီးလိုက်ရှို့၍ နေအိမ် ၄၀၀ကျော် မီးလောင်ဆုံးရှုံးခဲ့ကြောင်း ဒေသခံသတင်းရင်းမြစ်များက ပြောသည်။

ယမန်နေ့(ဒီဇင်ဘာ ၇)နံနက်ပိုင်းက ပေါက်မြို့မှ ထွက်လာသည့် စစ်ကောင်စီတပ်နှင့် ပျူစောထီးပါ အင်အား (၁၀၀)ခန့်ရှိ စစ်ကြောင်းသည် ပေါက်နယ်တောင်ပိုင်း ကျသိုက်ကျေးရွာအား ယင်းနေ့နံနက်ပိုင်းတွင် မီးရှို့ဖျက်ဆီးခဲ့သည်ဟု ဆိုသည်။

(စစ်ကောင်စီတပ် မီးရှို့ဖျက်ဆီးမှုကြောင့် ထွက်ပြေးတိမ်းရှောင်နေရသော ပေါက်တောင်ပိုင်းဒေသခံများ၊ဓာတ်ပုံ - CJ)
(စစ်ကောင်စီတပ် မီးရှို့ဖျက်ဆီးမှုကြောင့် ထွက်ပြေးတိမ်းရှောင်နေရသော ပေါက်တောင်ပိုင်းဒေသခံများ၊ဓာတ်ပုံ – CJ)

ထို့နောက် ယမန်နေ့ည ၈ နာရီခန့်က ကျသိုက်ရွာမှ တဆင့် လက်လန်းရွာသို့ရောက်ရှိလာပြီး ဒေသခံများ​၏ နေအိမ်များအား မီးရှို့ဖျက်ဆီးသွားရာ ဒေသခံပြည်သူများ ညတွင်းချင်း ဘေးလွတ်ရာထွက်ပြေးကြရကြောင်း သတင်းရင်းမြစ်များက ဆက်ပြောသည်။

“တိုက်ပွဲဖြစ်ပွားခြင်းမရှိဘဲ နယ်မြေခံပျူစောထီး ကျေး ရွာများနဲ့ ပေါက်မြို့သွားရာ လမ်းကြောင်းတစ်လျှောက်က ကျေးရွာတွေကို ရည်ရွယ်ချက်ရှိရှိ မီးရှို့ဖျက်ဆီးနေတာပါ”ဟု သတင်းရင်းမြစ်တစ်ဦးက ပြောသည်။

Public Service Announcement

Public Service Announcement

Public Service Announcement
Public Service Announcement

ယင်းအပြင် ကျသိုက်ကျေးရွာမှ အသက် (၄၀)ခန့်အရွယ် အမျိုးသားနှစ်ဦးနှင့် သရဖီကျေးရွာမှ အသက် (၅၀)ခန့်အရွယ် အမျိုးသမီးတစ်ဦးတို့ကို စစ်ကောင်စီတပ်က အကြောင်းမဲ့ သတ်သွားသည်ဟု အထက်ပါဒေသခံသတင်းရင်းမြစ်က ဆိုသည်။

အဆိုပါ စစ်ကောင်စီတပ်စစ်ကြောင်းသည် ယနေ့နံနက် ၈ နာရီခန့်က သရဖီကျေးရွာနှင့် ရွာသာအေးရွာများကို မီးရှို့ဖျက်ဆီးခဲ့ပြီး ယနေ့ညနေပိုင်းအထိ မီးဆက်ရှို့နေဆဲဖြစ်ကြောင်း ဒေသခံသတင်းရင်းမြစ်များက ပြောသည်။

စစ်ကောင်စီတပ်စစ်ကြောင်းများ ကျေးရွာများသို့ ဝင်ရောက်ကာ နေအိမ်များအား မီးရှို့ဖျက်ဆီးနေခြင်းကြောင့် ပေါက်မြို့နယ် ကျေးရွာ (၁၅)ရွာမှ ဒေသခံပြည်သူ ၅,၀၀၀ခန့် ဘေးလွတ်ရာထွက်ပြေးနေကြရသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook