ထိုင်းနိုင်ငံ၊ ရနောင်းမြို့ ထိန်းသိမ်းရေးစခန်းမှာ ထိန်းသိမ်းခံထားရတဲ့ မြန်မာနိုင်ငံသားတွေ ဆန္ဒပြမှု ဖြစ်ပွားပြီးနောက် လာမယ့်ဖေဖော်ဝါရီလမှာ နေရပ်ပြန်ပို့ဖို့စီစဉ်ပေးမယ်လို့ ဘန်ကောက်မှာရှိတဲ့ စစ်ကောင်စီလက်အောက်ခံ သံရုံးက ထုတ်ပြန်လာပါတယ်။
ရနောင်း ထိုင်းလဝက ထိန်းသိမ်းရေးစခန်းမှာ ထိန်းသိမ်းခံရတဲ့ မြန်မာနိုင်ငံသားတွေဟာ နေထိုင်စားသောက်ရေးခက်ခဲပြီး လူ့အခွင့်အရေးချိုးဖောက်မှုတွေကြုံရတာကြောင့် မြန်မာပြည်ပြန်ခွင့်ရဖို့ ပြီးခဲ့တဲ့ ရက်ပိုင်းက အစာငတ်ခံဆန္ဒပြခဲ့ကြပါတယ်။
အဲဒီနောက်စစ်ကောင်စီသံရုံးက ထိုင်းအာဏာပိုင်တွေနဲ့ညှိနှိုင်းပြီး ထိန်းသိမ်းခံရထားတဲ့ မြန်မာလုပ်သား ၆၀၀ ဦးကို ၂ သုတ်ခွဲပြီး လာမယ့် ဖေဖော်ဝါရီလအတွင်းကော့သောင်းမြို့ကတဆင့် နေရပ်ပြန်ပို့ဖို့ ဖြေရှင်းခဲ့တယ်လို့သိရပါတယ်။
ဖေဖော်ဝါရီလ ၂ ရက်နေ့မှာ ၂၂၀ ဦး ကို ကနဦးပြန်ပို့မှာဖြစ်ပြီးကျန်တဲ့သူတွေကို ဖေဖော်ဝါရီလ ၈ ရက်နဲ့ ဖေဖော်ဝါရီလ ၁၅ ရက်တွေမှာ ဆက်တိုက်ပြန်ပို့မှာဖြစ်ပါတယ်။
Public Service Announcement
နေရပ်ပြန်ပို့ဖို့ ကတိရတဲ့အတွက် ထိန်းသိမ်းရေးစခန်းမှာ ဆန္ဒပြတာကိုရုတ်သိမ်းလိုက်ပြီလို့လည်းသိရပါတယ်။
