စစ်ကောင်စီတပ်သေဆုံးထိခိုက်ရှိ၊ စစ်ကောင်စီယာဉ် အစီး ၈၀အနက် ၃၀ခန့် ထီးလင်းသို့ သွား၊ ချင်းဘက်သွားရောက်ဖွယ်ရှိသည့် ယာဉ် ၅၀ခန့် ကျောက်ထု အမြောက်တပ်၌ရှိနေ
စစ်ကောင်စီတပ်သေဆုံးထိခိုက်ရှိ၊ စစ်ကောင်စီယာဉ် အစီး ၈၀အနက် ၃၀ခန့် ထီးလင်းသို့ သွား၊ ချင်းဘက်သွားရောက်ဖွယ်ရှိသည့် ယာဉ် ၅၀ခန့် ကျောက်ထု အမြောက်တပ်၌ရှိနေမကွေးတိုင်း ဆောမြို့နယ် ကျောက်ထုဒေသသို့ ရောက်လာသည့် စစ်ကောင်စီယာဉ်တန်းကို ဒေသခံ ပြည်သူ့ကာကွယ်ရေးတပ်(PDF) ပူးပေါင်းအဖွဲ့များက မိုင်းဆွဲတိုက်ခိုက်ခဲ့ရာ စစ်ကောင်စီယာဉ် တန်း ထိခိုက်မှုရှိပြီး စစ်ကောင်စီတပ်ဖွဲ့ဝင်များ သေဆုံးမှုရှိကြောင်း ကျောက်ထု PDFမှတာဝန်ရှိသူကပြောသည်။
“ကျွန်တော်တို့က အခုအချိန်မှာ ဘာမှလည်း မပြည့်စုံသေးဘူးဆိုတော့ မိုင်းပဲအားကိုးနေရတာမို့ မိုင်းနဲ့ပဲ ခုခံကာကွယ်နေကြရတာ”ဟု ကျောက်ထု ဒေသ PDF တာဝန်ရှိသူတစ်ဦးက People’s Spring သတင်းဌာနသို့ပြောသည်။
မကွေးတိုင်း ပခုက္ကူမြို့မှထွက်လာသော စစ်ကောင်စီ၏ ရိက္ခာယာဥ်တန်း အစီး (၈၀)ဝန်းကျင်ခန့်နှင့်အတူ အင်အား ၅၀၀ခန့်သည် မတ်လ ၁၂ရက် ညနေပိုင်းတွင် ကျောက်ထုဒေသ တပြင်းကျေးရွာသို့ ရောက်ရှိခဲ့ခြင်းဖြစ်သည်ဟု ဆိုသည်။
မတ်လ ၁၃ရက် နံနက်တွင် တပြင်းရွာမှ ကျောက်ထုဒေသသို့ ထွက်ခွာစဉ် တပြင်းကျေးရွာအနောက်ဘက် တပြင်းပုံညာလမ်းပိုင်းတွင် ပဒေသာမိုင်းကြီး ၆လုံးတွဲ၊ ကားမိုင်းကြီး ၁လုံးတို့ဖြင့် ဖောက်ခွဲတိုက်ခိုက်ခဲ့ကြောင်း၊ ယင်းသို့ ဖောက်ခွဲတိုက်ခိုက်ပြီးနောက် ဂန့်ဂေါခရိုင်တပ်ရင်းအမှတ် ( ၃၊၄၊၅၊၈၊၉နှင့် ၁၃) ပူးပေါင်းတပ်ဖွဲ့များမှ နေရာသုံးခုခွဲ၍ သုံးကြိမ် လက်နက်ကြီး၊ လက်နက်ငယ် များဖြင့် အနီးကပ်အပြန်အလှန် ပစ်ခတ်တိုက်ခိုက်ခဲ့ရာ တိုက်ပွဲပြင်းထန်ခဲ့ကြောင်း ထုတ်ပြန်သည်။
Public Service Announcement
ထို့အပြင် စစ်ကောင်စီယာဉ် နှစ်စီးထိခိုက်ပြီး စစ်ကောင်စီတပ်သား ၁၀ဦးထက်မနည်း သေဆုံးကာ အများအပြားထိခိုက်နိုင်သည်ဟု ဖော်ပြထားသည်။
အဆိုပါ ယာဉ်တန်းသည် ကျောက်ထုအမြှောက် တပ်အတွင်းသို့ ဝင်ရောက်သွားပြီး မတ်လ ၁၄ရက်တွင် ယာဉ်အစီး ၃၀ကျော် ထီးလင်းဘက်သို့ ထွက်ခွာသွားသည်ဟု ဆိုသည်။
အင်အား ၂၅၀ခန့်ပါသည့် အဆိုပါ ယာဉ်၃၀ ကျော်ပါ ယာဉ်တန်းကို ကျောက်ထု – ရွှေအောင်သာ လမ်းပိုင်း နှစ်နေရာတွင် ကျောက်ထု PDF / ဂန့်ဂေါခရိုင်တပ်ရင်းအမှတ် (၉)မှ ပဒေသာမိုင်း များဖြင့် ဖောက်ခွဲတိုက်ခိုက်ခဲ့ကြောင်း၊ လက်နက် ငယ်များဖြင့်လည်း အပြန်အလှန် တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၁၁ဦး သေဆုံးခဲ့သည်ဟု ထုတ်ပြန်သည်။
“ယာဉ်တန်းကိုတော့ တနေ့ကတော့ မိုင်းပဲဆွဲတာပေါ့။ ၁၀လုံး၊ ၁၁လုံးတော့ ပေါက်ကွဲသွားတယ်။ ထီးလင်းကို ဆင်းတဲ့ ၃၀ ကျော်ယာဉ်တန်းပါပဲ။ ပစ်ခတ်မှုလည်းပစ်တာပေါ့” ဟု ကျောက်ထု ဒေသ PDF တာဝန်ရှိသူ တစ်ဦးက ပြောသည်။
ထို့အပြင် အမြောက်တပ်၌ကျန်နေသည့် စစ်ကောင်စီယာဉ် ၅၀ခန့်မှာ ချင်းပြည်နယ်ဘက်သို့ သွားရောက်နိုင်ဖွယ်ရှိကြောင်း ၎င်းက ဆိုသည်။
စစ်ကောင်စီတပ်က အင်အားအများအပြားဖြင့် ဆောနယ်အတွင်း စစ်ရေးလှုပ်ရှားလာ၍ ဒေသခံများ စစ်ဘေးတိမ်းရှောင်နေကြရသည်ဟု ဒေသ PDF တာဝန်ရှိသူက ပြောသည်။
