'/%3E%3C/svg%3E){kind=small}
▪︎စစ်သား ၁၆ ဦးသေဆုံး၊ ၇ ဦးဒဏ်ရာရ၊ဒဏ်ရာရသူ၅ ဦးကိုထိုင်းကဆေးကုသပေး၊လက်နက်မျိုးစုံ ၂၃ လက်ရ
▪︎ ပူးပေါင်းတပ်မှ ၁ ဦးကျဆုံး ၈ ဦးဒဏ်ရာရ
သံလွင်မြစ်ကမ်းနားရှိ စစ်ကောင်စီ၏ အခြေစိုက်စခန်း မယ်တရိထာ(ခေါ်)မယ်ခါးထာစခန်းကို KNLA-ကရင်အမျိုးသားလွတ်မြောက်ရေးတပ်မတော်ဦးဆာင်သောပူးပေါင်းတပ်မှ မတ်လ၂၈ ရက် နံနက် ၅ နာရီအချိန်တွင် ပြန်လည်တိုက်ခိုက်သိမ်းယူခဲ့ကြောင်း ကေအဲန်ယူ-မူတြော်က ယနေ့ တရားဝင်သတင်းထုတ်ပြန်သည်။
အကြမ်းဖက်စစ်ကောင်စီလာရောက်အခြေချနေထိုင်လာခဲ့သည့် အထက်ပါစခန်းကို ၄၅ မိနစ်တိုက်ပွဲကြာချိန်အပြီး အပြီးသတ်ချေမှုန်းသိမ်းပိုက်လိုက်ကာ အကြမ်းဖက်စစ်ကောင်စီဖက်မှ (၁၆)ဦး သေဆုံး၊ (၇)ဦးဒဏ်ရာရရှိခဲ့ကြောင်းဖော်ပြသည်။KNU တပ်မဟာ ၅ ၏ တရားဝင်သတင်းထုတ်ပြန်သော ဖေစ်ဘွခ်စာမျက်နှာဖြစ်သောKNU -Mudraw News ကစခန်းသိမ်းယူပြီး သုံးရက်မြောက်ဖြစ်သော မတ်လ ၃၀ ရက်တွင် တရားဝင်ထုတ်ပြန်ပေးခြင်းဖြစ်သည်။
ဒဏ်ရာရသူ ၇ ဦးအနက် ၅ ဦးမှာ ထိုင်းနိုင်ငံဖက်ခြမ်းသို့ ကူးခတ်လွတ်မြောက်သွားပြီး လက်ရှိတွင် ထိုင်းတော်ဝင်တပ်မတော်မှ နီးစပ်ရာရှိ ထိုင်းပြည်သူ့ဆေးရုံ၌ ဆေးကုသမှုပေးနေကြောင်းသိရသည်။
စခန်းသိမ်းတိုက်ပွဲတွင်စစ်ကောင်စီတပ်မှ၏လက်နက်မျိုးစုံဖြစ်သော MA-1၊ MA-2၊ MA-4၊ RPG-7၊ ၆၀မမစိန်ပြောင်း၊ စက်လတ်နှင့် စနိုက်ဘာ စုစုပေါင်း(၂၃)လက်နှင့် ကျည်(၃၃၆၀)တောင့်အပြင် ဆက်သွယ်ရေးစက်(၂)လုံး၊ စကားပြောစက်(၂)လုံး၊ ဖုန်း(၂)လုံး၊ ဓာတ်ခဲဗူး(၄)ဗူးနှင့် စစ်ဘောင်းဘီ(၂)ထည်တို့ကို သိမ်းဆည်းရမိကြောင်း ကေအဲန်ယူ-မူတြော်က ဖော်ပြသည်။
Public Service Announcement
တိုက်ပွဲအတွင်း KNLA-ကရင်အမျိုးသားလွတ်မြောက်ရေးတပ်မတော်နှင့် FFDပူးပေါင်းတပ်ဖက်မှ တစ်ဦးကျဆုံးပြီး ၈ ဦးဒဏ်ရာရရှိခဲ့သည်ဟု သိရသည်။
မယ်တရိထာ(ခေါ်)မယ်ခါးထာစခန်းသည် ယခင် KNLA-ကရင်အမျိုးသားလွတ်မြောက်ရေးတပ်မတော်၊ တပ်ရင်း(၂၀)အခြေစိုက်ရာဒေသဖြစ်ကာ ၁၉၉၅ ခုနှစ် KNUဗဟိုဌာနချုပ်-မာနယ်ပလောကျဆုံးအပြီး အကြမ်းဖက်စစ်ကောင်စီတပ်ဖက်မှ အလုံးအရင်းဖြင့် ထိုးစစ်ဆင်သိမ်းယူထားသည့် KNLAစခန်းဟောင်းဖြစ်ကြောင်း သိရသည်။
