'/%3E%3C/svg%3E){kind=small}
စစ်ကိုင်းတိုင်း၊ ဟုမ္မလင်းမြို့နယ်ရှိ ရဲကင်းစခန်း ၄ ခုကိုပြည်သူ့ကာကွယ်ရေးမဟာမိတ်တပ်ဖွဲ့များက ယနေ့ နံနက်အစောပိုင်းတွင် တိုက်ခိုက်သိမ်းပိုက်လိုက်ကြောင်း ပါဝင်တိုက်ခိုက်ခဲ့သော ပြည်သူ့ကာကွယ်ရေးတပ်ဖွဲ့ တစ်ခုမှတာဝန်ရှိသူတစ်ဦးက ပြောသည်။
” ရဲစခန်း ၄ ခုစလုံးကိုသိမ်းလိုက်နိုင်တယ်။ စစ်တပ်ဘက်က အထိအခိုက်ကိုတော့ သတင်းမရသေးဘူး။ ကိုယ့်ကလေးတွေတော့ တစ်ယောက်မှ အထိအခိုက်မရှိခဲ့ဘူး”ဟု အထက်ပါ တာဝန်ရှိသူကပြောသည်။
ဟုမ္မလင်းမြို့နယ် ဝဲဟက်နယ်မြေရဲကင်းနှင့်အောင်သာယာ၊ အောင်စည်သာ၊ ထိန်းကူး ရဲကင်းစခန်းများကို ဒေသကာကွယ်ရေးပူးပေါင်းတပ်ဖွဲ့များကဧပြီ ၂၉ ရက်နေ့ နံနက် ငါးနာရီခန့်တွင် တပြိုင်နက် တ်ုက်ခိုက်သိမ်းပိုက်ခြင်းဖြစ်သည်။
စစ်ကောင်စီတပ်က တံတားဦးလေဆိပ်မှ ဂျက်ဖိုက်တာတစ်စင်းဖြင့် လာရောက်ဗုံးကြဲတိုက်ခိုက်ခဲ့သော်လည်း မြေပြင်တိုက်ပွဲဝင်ရဲဘော်များ အထိအခိုက်မရှိခဲ့ကြောင်း ပါဝင်တိုက်ခိုက်ခဲ့သောပြည်သူ့ကာကွယ်ရေးတပ်ဖွဲ့ဝင်တစ်ဦးက လည်းပြောသည်။
Public Service Announcement
ထို့အပြင်ဖောင်းပြင်မြို့နယ်တွင်လည်း စစ်ကောင်စီလက်အောက်ခံ ပျူစောထီးစခန်းနှစ်ခုကို ပြည်သူ့ကာကွယ်ရေးမဟာမိတ်တပ်ဖွဲ့က နှစ်ရက်ဆက်တိုက်ခိုက်ခဲ့ပျူစောထီး (၇) ဦးထက်မနည်းသေပြီး စစ်ကောင်စီကလေကြောင်းမှလာရောက်ပစ်ခတ်ခဲ့ကြောင်းဒေသခံကာကွယ်ရေးအဖွဲ့အချို့ကပြောသည်။
ဖောင်းပြင်မြို့နယ် ၊ဆယ်ချောင်းရွာရှိ ပျူစောထီး စခန်းကို မြို့နယ်ပြည်သူ့ကာကွယ်ရေးတပ်ဖွဲ့အပါအဝင် ပူးပေါင်းမဟာမိတ်များက ဧပြီ ၂၈ရက် နံနက်အစောပိုင်းက တိုက်ခိုက်ခဲ့ရာ ပျူစောထီး ခုနှစ် ဦးထက်မနည်းသေဆုံးပြီး သေနတ် ငါးလက် သိမ်းဆည်းနိုင်ခဲ့ကြောင်း ပြည်သူ့ကာကွယ်ရေးရဲဘော်တစ်ဦးကပြောသည်။
ထို့အပြင်ယနေ့( ဧပြီလ ၂၉ ရက်)နံနက်၅နာရီခန့်တွင်လည်းဟုမ္မလင်းနှင့်ဖောင်းပြင်နယ်စပ်ရှိ ပျူစောထီးများ တပ်စွဲထားသော စခန်းတစ်ခုကို ပြည်သူ့ကာကွယ်ရေးမဟာမိတ်တပ်ဖွဲ့ကထပ်မံ တိုက်ခိုက်ခဲ့ကြောင်းဒေသခံအချို့ကပြောသည်။
ဟုမ္မလင်းမြို့နယ် ၊ရွှေပြည်အေးမြို့သစ်ကို ပြည်သူ့ကာကွယွရေးတပ်ဖွဲ့များက ယခုနှစ် ဖေဖော်ဝါရီ ၁ ရက်တွင် မြို့သိမ်းတိုက်ပွဲတိုက်ခိုက်ခဲ့သည်။ စစ်တပ်နှင့် ရှမ်းနီတပ်များ အထိနာပြီး စစ်တပ်ကလေကြောင်းမှ အကြိမ်ကြိမ်လာရောက်စစ်ကူပေးခဲ့သည်။စစ်တပ်က အင်အား ရာနှင့်ချီ၍ ရွှေပြည်အေးမြို့ကို ထိုးစစ်ဆင်ပြီး ဖေဖော်ဝါရီ ဒုတိယပါတ်မှ မြို့ကို ပြန်ထိန်းနိုင်ခဲ့ခြင်းဖြစ်သည်။
ဟုမ္မလင်းမြို့နယ်တွင် စစ်ကောင်စီတပ်နှင့် SNA ပြည်သူစစ်တပ်ဖွဲ့များကို PDF များက KIA နှင့်ပူးပေါင်း၍ မကြာခဏတိုက်ခိုက်သည်။
