Connect with us

Hi, what are you looking for?

LuduNwayOo

သတင်း

ပဲခူးရိုးမတွင်သစ်ခိုးထုတ်မှုများလာပြီး ယင်းနှင့်အတူစစ်တပ်စစ်​ကြောင်းလှုပ်ရှားလာ၍ သစ်ခိုးထုတ်လုပ်မှုများကိုအ​ရေးယူမည်ဟု အမှတ် (၂)စစ်​ဒေသခွဲတာဝန်ရှိသူ​ပြော

ပဲခူးရိုးမအတွင်း သစ်ခိုးထုတ်လုပ်မှု ဆိုးရွားနေသည့် မင်းလှမြို့နယ်ရှိ ရိုးမဖြတ်ကျော်လမ်း(စိန်ကန့်လန့်−မြို့ချောင်းလမ်း)ကို ပြည်သူ့ကာကွယ်ရေးတပ်ဖွဲ့က ဇူလိုင်လမှစတင်ကာ နယ်မြေစိုးမိုးရေးဆောင်ရွက်ခဲ့သည်။

(ပဲခူးရိုးမ အတွင်းတစ်​နေရာတွင် စစ်​ကောင်စီတပ်နှင့်​ပေါင်း၍ မီး​သွေးထုတ်လုပ်​ရောင်းချ​နေ​သော ပျူ​စောထီးများ၏ကားကို PDF များကဇူလိုင်လတွင်တိုက်ခိုက်မီးရှို့ စဥ်။ဓါတ်ပုံ-Bago Region PDF)
(ပဲခူးရိုးမ အတွင်းတစ်​နေရာတွင် စစ်​ကောင်စီတပ်နှင့်​ပေါင်း၍ မီး​သွေးထုတ်လုပ်​ရောင်းချ​နေ​သော ပျူ​စောထီးများ၏ကားကို PDF များကဇူလိုင်လတွင်တိုက်ခိုက်မီးရှို့ စဥ်။ဓါတ်ပုံ-Bago Region PDF)

ပဲခူးရိုးမအတွင်းသစ်ခိုးထုတ်မှုများပိုများလာပြီး ၊သစ်ခိုးထုတ်မှုနှင့်အတူ စစ်​ကောင်စီတပ်က စစ်​​ကြောင်းလှုပ်ရှားလာ​သော​ကြောင်း သစ်ခိုးထုတ်မှုများကို ပြင်းပြင်းထန်ထန်အ​ရေးယူ​တော့မည်ဟု ပြည်သူ့ကာကွယ်​ရေးတပ်မ​တော် ၊အမှတ်(၂)စစ်ဒေသခွဲ(ပဲခူးတိုင်း) ဒုတိယစစ်ဒေသခွဲမှူး ရဲဘော်တင်ဦးက‌ ပြောကြားသည်။

သစ်ခိုးထုတ်မှုများမှာ စစ်တပ်အာဏာသိမ်းပြီး​နောက်ပိုင်းပိုများလာ​ကြောင်းသိရသည်။

“ရိုးမထဲက သစ်ထုတ်လုပ်တာကို အရင် တိုင်းအစိုးရ(​ရွေး​ကောက်ခံ အရပ်သားတိုင်းအစိုးရ) လက်ထက်ကထဲက သဘာဝပတ်ဝန်းကျင် ထိခိုက်မှုများနေလို့ တားမြစ်မိန့်ထုတ်ထားပြီးသားပါ။ဒါကို အာဏာသိမ်းပြီးနောက်ပိုင်း စကစနဲ့ပေါင်းပြီး သစ်ခိုးထုတ်တာတွေ ပြန်များလာလို့ပါ။ဒါတွေနဲ့ အတူ စကစလှုပ်ရှားမှုတွေကိုပါ တားဆီးဖို့ပါ” ဟု ရဲဘော်တင်ဦးက‌ ပြောသည်။

ထို​​ကြောင့် ပဲခူးတိုင်း၊လက်ပံတန်း၊မင်းလှနှင့် အုတ်ဖိုမြို့နယ်တို့နှင့် ထိစပ်နေသည့် ပဲခူးရိုးမအတွင်း သစ်ခိုးထုတ်မှုများကိုလည်း ပြင်းထန်စွာအရေးယူမည်ဟု ပဲခူးစစ်ဒေသခွဲက သတိပေးချက်ထုတ်ပြန်ထားသည်။

Public Service Announcement

Public Service Announcement

Public Service Announcement
Public Service Announcement

အထက်ပါ သုံးမြို့နယ်သည် သာယာဝတီခရိုင်ပြည်သူ့ကာကွယ်ရေးတပ်ရင်း ၃၈၀၂ ၏ စစ်ဆင်ရေးနယ်မြေတွင်ပါဝင်သည်။ ထိုဒေသတခုလုံးကို ဩဂုတ်လ ၆ရက်မှစ၍ မော်တော်ယာဉ်များတက်ရောက်ခွင့် ပိတ်ပင်လိုက်ပြီး လိုအပ်သည့် အရေးယူမှုများကို ပြင်းပြင်းထန်ထန်ပြုလုပ်မည်ဟု ပဲခူးစစ်ဒေသခွဲက ဩဂုတ်လ ၇ရက်တွင် သတင်းထုတ်ပြန်သည်။

ယခုထုတ်ပြန်ချက်သည် ကားများဖြင့် နေ့စဉ် သစ် သယ်ထုတ်နေသူများကိုသာ အဓိကရည်ရွယ်ခြင်းဖြစ်ပြီး ပဲခူးရိုးမအားအမှီပြု၍ လုပ်ကိုင်စားသောက်နေသော ပြည်သူများကိုထိခိုက်စေမည်မဟုတ်ကြောင်း ပဲခူးစစ်ဒေသခွဲက အသိ​ပေးသည်။

ပဲခူးရိုးမအတွင်း သစ်ခိုးထုတ်လုပ်မှု ဆိုးရွားနေသည့် မင်းလှမြို့နယ်ရှိ ရိုးမဖြတ်ကျော်လမ်း(စိန်ကန့်လန့်−မြို့ချောင်းလမ်း)ကို ပြည်သူ့ကာကွယ်ရေးတပ်ဖွဲ့က ဇူလိုင်လမှစတင်ကာ နယ်မြေစိုးမိုးရေးဆောင်ရွက်ခဲ့သည်။ ယခုအခါ သုံးမြို့နယ်နှင့် ဆက်စပ်သည့် ပဲခူးရိုးမဧရိယာကိုနယ်မြေစိုးမိုးရေးဆောင်ရွက်မည်ဟု သတိပေးခြင်းဖြစ်သည်။

သစ်ခိုးထုတ်သူများသည် စစ်ကောင်စီတပ်နှင့် ပူးပေါင်း၍ သစ်များ အကြီးအကျယ်ခုတ်နေကြောင်း၊ စစ်ကောင်စီက ‌ငွေကြေးယူ၍ ခွင့်ပြုထားကြောင်းဒေသခံများကပြောသည်။

သစ်​တောပြုန်းတီးမှုများကို ကာကွယ်ရန် ​ရွေး​ကောက်ခံ အရပ်သားအစိုးရလက်ထက်တွင် ပဲခူးရိုးမအတွင်းမှ သစ်ထုတ်လုပ်မှုကို ၂၀၁၇−၂၀၁၈ခုနှစ်မှ ၂၀၂၇ ခုနှစ်အထိ ရပ်ဆိုင်းခဲ့သည်။စစ်တပ်က နိုင်ငံတော်အာဏာသိမ်းယူပြီးနောက် ပဲခူးရိုးမအတွင်း သစ်ခိုးထုတ်မှုများ ပိုမို ဆိုးရွားနေကြောင်း ဒေသခံများနှင့် ပြည်သူ့ကာကွယ်ရေးတပ်ဖွဲ့များကပြောသည်။

ဆက်စပ်သတင်းများ

သတင်း

လက်ရှိအခြေအနေတွင် ကြို့ပင်ကောက်မြို့နယ်၊ ပဲခူးရိုးမအစပ်၌ စစ်ကောင်စီတပ်နှင့် တော်လှန်ရေးတပ်ဖွဲ့များကြား နှစ်ဖက်စစ်ရေးတင်းမာနေပြီး ထိတွေ့တိုက်ပွဲများ ဆက်လက်ဖြစ်ပွားလာနိုင်ကြောင်း စုံစမ်းသိရသည်။

သတင်း

လက်နက်ကြီး၊ လက်နက်ငယ်များဖြင့် ကြားဖြတ် တိုက်ခိုက်ခြင်းနှင့် မိုင်းဆွဲတိုက်ခိုက်ခြင်းများကြောင့် စစ်ကောင်စီတပ်ဘက်မှ အနည်း ဆုံးသုံးဦးသေဆုံးကာ အများအပြား ထိခိုက်ဒဏ်ရာရ၍ နောက်ပြန်ဆုတ်သွားကြောင်း တပ်ရင်း(၃၆၀၁) က အသိပေးသည်။

သတင်း

စစ်ကောင်စီတပ်များနှင့် တိုက်ပွဲများဖြစ်ပွားလာနိုင်သဖြင့် ပြည်သူ များအနေနှင့် ပဲခူးရိုးမအတွင်း သွားလာမှုများ မပြုကြရန် သာယာဝတီခရိုင် PDF တပ်ရင်း ၃၈၀၂ က အသိပေးထားသည်။

သတင်း

ဒေသခံအများအပြားသည် ဗန်းမော်မြိုသို့သွားရောက်၍ စစ်ဘေးတိမ်းရှောင်ခဲ့ကြသည်။ထို့နောက် KIA က​မေ ၇ ရက်နံနက်အ​စောပိုင်း၌ နောက်တကြိမ်ထိုးစစ်ဆင်တိုက်ခိုက်ပြီး မြို့ကိုထိန်းချုပ်လိုက်ခြင်းဟု ဒေသခံများကပြောသည်။