မန္တလေးတိုင်း၊ မတ္တရာမြို့နယ်အထွေထွေအုပ်ချုပ်ရေးမှူးရုံးအား မောင်းသူမဲ့လေယာဥ်ငယ်များဖြင့် ဗုံးချတိုက်ခိုက်ခဲ့ကြောင်း မြနန္ဒာစစ်ဆင်ရေး(မန္တလေး)၏ တာဝန်ရှိသူက ပြောသည်။
ယမန်နေ့ (ဇန်နဝါရီ၂၁ရက်)နံနက် ၁၁ နာရီခန့်က မောင်းသူမဲ့လေယာဥ်ငယ်ဖြင့် ဗုံးသီး နှစ်လုံးချတိုက်ခိုက်ခဲ့ကြောင်း မြနန္ဒာစစ်ဆင်ရေး၏ တာဝန်ရှိသူက ပြောသည်။
ဗုံးသီးမှာ ရုံးခေါင်မိုးပေါ်တည့်တည့်သို့ ပစ်မှတ်တိကျစွာ ကျရောက်ခဲ့ပြီး ရုံးအဆောက်အဦး ထိခိုက်ပျက်စီးမှုရှိခဲ့ကြောင်း၊ ထို့အပြင် ရုံးအတွင်းရှိ စစ်အုပ်စုဝင်များပါ ထိခိုက်သေဆုံးမှုရှိနိုင်ကြောင်း ၎င်းက ဆိုသည်။
“စကစ အနေနဲ့ မတ္တရာမှာ စစ်ကြောင်းထိုးမီးရှို့တာတွေဆက်တိုက်လုပ်ဆောင်နေပြီး မထင်သလိုပြည်သူတွေကို သတ်ဖြတ်မှုတွေလည်းရှိပါတယ်။”ဟု မြနန္ဒာစစ်ဆင်ရေး၏ တာဝန်ရှိသူက ပြောသည်။
Public Service Announcement
အဆိုပါစစ်ဆင်ရေးကို မြနန္ဒာစစ်ဆင်ရေး Droneတပ်ဖွဲ့နှင့် မတ္တရာ-ပကဖ၊ ပြင်ဦးလွင်ခရိုင် ထုတ်လုပ်ရေးတို့ ပူးပေါင်းတိုက်ခိုက်ခဲ့ခြင်းဖြစ်သည်။
ဇန်နဝါရီ ၁၉ ရက်က အင်အား ၅၀ ဝန်းကျင်ပါ စစ်ကောင်စီတပ်သည် မတ္တရာမြို့နယ်အတွင်းရှိ ဝန်တင်ကုန်း၊ခြေတော်ရာ၊ပြည်သာအေး၊သပြေအိုက်ကျေးရွာများသို့ စစ်ကြောင်းထိုး ဝင်ရောက် မီးရှို့နေး၍ နီးစပ်ရာကျေးရွာများမှ ဒေသခံပြည်သူ ၁,၀၀၀ ကျော်ထွက်ပြေးတိမ်းရှောင်နေရကြောင်း ဒေသခံများက ပြောသည်။
