Connect with us

Hi, what are you looking for?

LuduNwayOo

သတင်း

ထားဝယ်မြို့ပေါ် ကင်းလှည့်သည့် စစ်ကောင်စီတပ်ယာဥ်တန်း မိုင်းဆွဲတိုက်ခိုက်ခံရ

မိုင်းခွဲတိုက်ခိုက်ခံရမှုကြောင့် စစ်ကောင်စီတပ်ယာဥ်သုံးစီးအနက် တစ်စီးမှာ ထိချက်မှန်ပြီး ယာဥ်ပေါ်ပါ စစ်ကောင်စီတပ်သားများ အပြင်းအထန်ဒဏ်ရာရ၍ သေဆုံးမှုလည်းရှိနိုင်ကြောင်း ထုတ်ပြန်ချက်က ဆိုသည်။

ထားဝယ်မြို့ပေါ်စစ်ဆင်ရေးမှ ကမ်းနာလမ်းအားညပိုင်းတွေ့မြင်ရစဥ်
ထားဝယ်မြို့ပေါ်စစ်ဆင်ရေးမှ ကမ်းနာလမ်းအားညပိုင်းတွေ့မြင်ရစဥ်

▪️လောင်းလုံးရဲစခန်း၊ ထွေအုပ်ရုံးနှင့် စခန်းကုန်းတစ်ခုကို တပြိုင်နက်တိုက်ခိုက်ရာ ထိခိုက်သေဆုံးများ

ကျော်ဇော/People’s Spring

တနင်္သာရီတိုင်း၊ ထားဝယ်ခရိုင်အတွင်း စစ်ကောင်စီတပ်အားတိုက်ခိုက်လျှက်ရှိရာ ထားဝယ်မြို့ပေါ် ကင်းလှည့်သည့် စစ်ကောင်စီယာဥ်တန်းနှင့် လောင်းလုံးမြို့ပေါ်တို့တွင် ပူးပေါင်းတပ်ဖွဲ့များနှင့်အတူ စစ်ရေးတိုက်ခိုက်မှုများလုပ်ဆောင်ခဲ့ကြောင်း လောင်းလုံးမြို့ နယ် ပြည်သူ့ကာကွယ်ရေးတပ်ဖွဲ့(LLPDF)က ယနေ့(မေ ၁၄)အသိပေး ထုတ်ပြန်သည်။

လောင်းလုံးမြို့ပေါ်စစ်ဆင်ရေးပါဝင်ဆင်နွှဲခဲ့သော တော်လှန်ရေးပူးပေါင်းတပ်အားတွေ့ရစဥ်
လောင်းလုံးမြို့ပေါ်စစ်ဆင်ရေးပါဝင်ဆင်နွှဲခဲ့သော တော်လှန်ရေးပူးပေါင်းတပ်အားတွေ့ရစဥ်

ထားဝယ်မြို့ပေါ် စစ်ရေးတိုက်ခိုက်မှုမှာ မေလ ၁၂ ရက် ည ၁၁ နာရီခွဲခန့်က ထားဝယ်မြို့ကမ်းနားလမ်း၌ ကင်းလှည့်နေသည့် စစ်ကောင်စီတပ်ယာဥ်သုံးစီးကို လောင်းလုံး (ပကဖ)နှင့် ဒေါင်းညီနောင်စစ်ကြောင်းတို့ ပူးပေါင်း၍ သဲကွင်းအနီး အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ခြင်းဖြစ်ကြောင်း ဖော်ပြသည်။

မိုင်းခွဲတိုက်ခိုက်ခံရမှုကြောင့် စစ်ကောင်စီတပ်ယာဥ်သုံးစီးအနက် တစ်စီးမှာ ထိချက်မှန်ပြီး ယာဥ်ပေါ်ပါ စစ်ကောင်စီတပ်သားများ အပြင်းအထန်ဒဏ်ရာရ၍ သေဆုံးမှုလည်းရှိနိုင်ကြောင်း ထုတ်ပြန်ချက်က ဆိုသည်။

Public Service Announcement

Public Service Announcement

လောင်းလုံးမြို့ပေါ်စစ်ဆင်ရေးပါဝင်ဆင်နွှဲခဲ့သော တော်လှန်ရေးပူးပေါင်းတပ်အားတွေ့ရစဥ်
လောင်းလုံးမြို့ပေါ်စစ်ဆင်ရေးပါဝင်ဆင်နွှဲခဲ့သော တော်လှန်ရေးပူးပေါင်းတပ်အားတွေ့ရစဥ်

“မိုင်းကတော့ နှစ်လုံးတည်းပါ။ တစ်မြို့လုံးတုန်ခါသွားပါတယ်။ ထိခိုက်သေဆုံးရှိနိုင်ပါတယ်။ သုံးကောင်တော့ ဆေးရုံကြီးက ကိုဗစ်လူနာဆောင်မှာ ပို့ထားတာအတည်ပြုရပါတယ်။ သေဆုံးရှိနိုင်တယ်ဗျ။ ဆက်လက်စုံ စမ်းဆဲပါ”ဟု လောင်းလုံးမြို့နယ် ပြည်သူ့ကာ ကွယ်ရေးတပ်ဖွဲ့-ပကဖ (LLPDF)မှ တာဝန်ရှိသူတစ်ဦးက လူထုနွေဦးသို့ ပြောသည်။

အလားတူ ထားဝယ်ခရိုင်အတွင်းစစ်ရေးတိုက်ခိုက်မှုများတွင် လောင်းလုံးမြို့ပေါ်ရှိ မြို့မရဲစခန်း၊ စစ်ကောင်စီတပ်တပ်စွဲရာထွေအုပ်ရုံးနှင့် လက်ခတ်တောင်တာဝါတိုင်စခန်းကုန်းတို့ကို မဟာမိတ်များနှင့်အတူ တပြိုင်နက်တိုက်ခိုက်ခဲ့ကြောင်း လောင်းလုံး(ပကဖ)က အသိပေးသည်။

အဆိုပါတိုက်ခိုက်မှုများကို မေလ ၉ ရက် နံနက် ၆ နာရီတွင် စတင်လုပ်ဆောင်ခဲ့ခြင်းဖြစ်ရာ တာဝါတိုင်စခန်းကုန်တိုက်ခိုက်မှုတွင် စစ်ကောင်စီတပ်သား ခြောက်ဦး၊ ရဲစခန်းအားတိုက်ခိုက်မှုတွင် ရဲလေးဦး၊ ထွေအုပ်ရုံးတိုက်ခိုက်မှုတွင် စစ်သားသုံးဦးနှင့် စစ်ကူရောက်ချိန် အနီးကပ်တိုက်ပွဲတွင် စစ်ကောင်စီတပ်သားလေးဦးဖြင့် စုစုပေါင်း ၁၇ ဦးထက်မနည်းသေဆုံးကြောင်း လောင်းလုံး (ပကဖ)က ထုတ်ပြန်သည်။

လောင်းလုံးမြို့ပေါ်စစ်ဆင်ရေးပါဝင်ဆင်နွှဲခဲ့သော တော်လှန်ရေးပူးပေါင်းတပ်အားတွေ့ရစဥ်
လောင်းလုံးမြို့ပေါ်စစ်ဆင်ရေးပါဝင်ဆင်နွှဲခဲ့သော တော်လှန်ရေးပူးပေါင်းတပ်အားတွေ့ရစဥ်

အလားတူ တော်လှန်ရေးပူးပေါင်းတပ်များဘက်မှ ရဲဘော်သုံးဦး မြင့်မြတ်စွာအသက်ပေးလှူခဲ့ရပြီး ရဲဘော်ရှစ်ဦး မစိုးရိမ်ရဒဏ်ရာများရရှိခဲ့ကြောင်း အသိပေးထားသည်။

အထက်ပါ လောင်းလုံးမြို့ပေါ်စစ်ဆင်ရေးကို လောင်းလုံး(ပကဖ)၊ ထားဝယ်ခရိုင် တပ်ရင်း (၁)T1၊ ဖက်ဒရယ်ဓူဝံတပ်ဖွဲ့နှင့် Dawei Guerrilla တပ်ဖွဲ့တို့ ပူးပေါင်းဖော်ဆောင်ခဲ့ခြင်းဖြစ်ပြီး တိုက်ပွဲအတွင်း စစ်ကောင်စီဘက်မှ ရေကြောင်းနှင့် လေကြောင်းများအသုံးပြု ပစ်ကူပေးခဲ့သည်။

(ထားဝယ်မြို့ပေါ်စစ်ဆင်ရေးမှ ကမ်းနာလမ်းအားညပိုင်းတွေ့မြင်ရစဥ်၊ လောင်းလုံးမြို့ပေါ်စစ်ဆင်ရေးပါဝင်ဆင်နွှဲခဲ့သော တော်လှန်ရေးပူးပေါင်းတပ်အားတွေ့ရစဥ်။ ဓာတ်ပုံ – LLPDF)

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။