ဟန်နွေ/People’s Spring
ကရင်အမျိုးသားအစည်းအရုံး(KNU) ဥက္ကဋ္ဌဟောင်း ပဒိုနောင်စီဖိုးရာစိန် ကွယ်လွန်မှုအပေါ် ဝမ်းနည်းကြောင်း တအာင်းတပ်မတော်(PSLF/TNLA)က သဝဏ်လွှာပေးပို့သည်။
အသက် (၆၉)နှစ်အရွယ်ရှိ KNU ဒုဥက္ကဋ္ဌဟောင်းသည် ဇူလိုင် ၂၄ရက်တွင် ကင်ဆာရောဂါဖြင့် ကွယ်လွန်ခဲ့ခြင်းဖြစ်သည်။
KNU၏ ခေါင်းဆောင်ကောင်း၊ ကရင်လူမျိုးတို့၏ စံပြခေါင်းဆောင် ပဒိုနော်စီဖိုးရာစိန် ကွယ်လွန်ခြင်းအပေါ် ကရင်လူမျိုး၊ KNU အဖွဲ့အစည်းအပါအဝင် မိသားစုဝင်များနှင့် ထပ်တူဝမ်းနည်းညိုးငယ်ရသည်ဟု TNLA၏ သဝဏ်လွှာ၌ ဖော်ပြသည်။
Public Service Announcement
စစ်အာဏာရှင် အပြီးတိုင်ချေမှုန်းရှင်းလင်းပြီး ဖက်ဒရယ်ဒီမိုကရေစီ ပြည်ထောင်စုနိုင်ငံကို အားလုံးအတူတကွ ကြိုးပမ်းတည်ဆောက်နေဆဲ ကာလတွင် ရပ်တည်ချက် ခိုင်မာ ပြတ်သားသည့် ခေါင်းဆောင်ကောင်းကို ဆုံးရှုံးရသည်မှာ ဖော်ပြ၍ မရနိုင်သည့် ဆုံးရှုံးမှု ကြီးတစ်ရပ်ဖြစ်သည်ဟုလည်း သဝဏ်လွှာ၌ ပါရှိသည်။
ကရင်အမျိုးသမီးအရေး၊ ကရင်လူမျိုးအရေးတို့အပြင် မြန်မာပြည် အမျိုးသမီးအရေး၊ မြန်မာတိုင်းရင်းသား ပြည်သူတစ်ရပ်လုံးအရေးကို KNU ဒုဥက္ကဋ္ဌ နှင့် အထွေထွေ အတွင်းရေးမှူး ဟူသော မြင့်မားသည့် တာဝန်များကို ထမ်းဆောင်ခဲ့သည့် ပဒိုနော်စီဖိုးရာစိန်၏ ခေါင်းဆောင်မှုကို အမြဲ အောက်မေ့သတိရ နေမည်ဖြစ်ကြောင်း TNLAက သဝဏ်လွှာပေးပို့ခဲ့သည်။
ပဒိုနော်စီဖိုးရာစိန်သည် ၂၀၀၈ မှ ၂၀၁၂အထိ KNU အထွေထွေအတွင်းရေးမှူးချုပ်အဖြစ် တာဝန်ယူခဲ့ပြီး ၂၀၁၂မှ ၂၀၁၇အထိ ဒုဥက္ကဋ္ဌအဖြစ်တာဝန်ယူခဲ့သူဖြစ်သည်။
