အာဏာသိမ်း​ခေါင်း​ဆောင်တိုက်ခိုက်ခံရပြီး နန်းမယ်ခုံကို စစ်​ကောင်စီဗုံးကြဲ ​ဒေသခံပြည်သူထိခိုက်မှုများ

ရဲခေါင်/People’s Spring

အာဏာသိမ်း​ခေါင်း​ဆောင်တိုက်ခိုက်ခံရပြီးနောက် ကရင်နီ ပြည်နယ် ၊နန်းမယ်ခုံ​ဒေသကို ယနေ့ (စက်တင်ဘာ ၅)နံနက်အစောပိုင်းတွင် စစ်ကောင်စီ ကလေကြောင်းမှ ဗုံးကြဲ သဖြင့်​ဒေသခံ ပြည်သူများထိခိုက်​မှုများကြောင်း ​ဒေသခံများက​ပြောသည်။

ယနေ့(စက်တင်ဘာ ၅ ရက်) နံနက် ၉ နာရီခွဲတွင် လွိုင်ကော်မြို့နယ်နှင့် ဒီးမော့ဆိုမြို့နယ်ကြားရှိနန်းမယ်ခုံ မြို့ကို ဗုံးကြဲခဲ့ခြင်းဟု သိရသည်။ ​ဒေသခံပြည်သူများ ထိခိုက်မှုများပြီး အ​သေးစိပ်ကိုမူသတင်းမရ​သေး​ကြောင်း​ဒေသခံအချို့က​ပြောသည်။

Public Service Announcement

“လေကြောင်းက နေ ဗုံးလေးကြိမ်ကြဲသွားတယ်။ ၉ နာရီ ၇ မိနစ်မှာ နန်းမယ်ခုံမြို့ ပတ်ဝန်းကျင်ကို ဗုံး ၃ လုံး စကြဲတယ်။ပြည်သူ ထိခိုက်သေဆုံးမှုရှိတယ်။လေယာဥ်စက်လက်နက်နဲ့ပါပစ်တယ်။နောက်တစ်ကြိမ်က ချယ်ရီကုန်းမှာ ပေါင်၅၀၀ ဗုံးကြဲချတယ်။အဲဒါလည်း ပြည့သူတွေထိတယ် ကြားတယ်”ဟု ကရင်နီစစ်ရေးသတင်းရင်းမြစ်က ပြောသည်။

လွိုင်ကော်မြို့နှင့် ဒီးမော့ဆိုမြို့ အပေါ်တွင် ဂျက်ဖိုက်တာ(တိုက်လေယာဥ်)နှစ်စီး နှင့် မနက်အစောပိုင်းက တည်းက ပျံသန်း၍ ပေါင် ၅၀၀ ဗုံးကြဲသွားခြင်းဖြစ်​ကြောင်း ဒီးမော့ဆိုမြို့ခံတစ်ဦးက လူထုနွေဦးသို့ ပြော သည်။

ယမန်နေ့က အာဏာသိမ်း​ခေါင်း​ဆောင် ဗိုလ်ချုပ်မှူးကြီးမင်း​အောင်လှိုင် ကရင်နီပြည် ၊လွိုင်​ကော်မြို့သို့လာ​ရောက်စဥ် ကရင်နီအမျိုးသားများကာကွယ်​ရေးတပ် (KNDF)က ၁၂၀ မမဖြင့်ပစ်ခတ် တိုက်ခိုက်ခဲ့​ကြောင်း KNDF ဒုတိယစစ်ဦးစီးချုပ် မာဝီက လူထုနွေဦးသို့ အတည်ပြု​ပြောကြားထားသည်။

တိုက်ခိုက်မှု​ကြောင့် စစ်​ကောင်စီတပ် ထိခိုက်မှုရှိ​သော်လည်း အ​သေးစိတ်​အတည်ပြုရန်ခက်ခဲ​နေ​ကြောင်း ၎င်းကအသိပေးသည်။

တိုက်ခိုက်ခံရ့ပြီး​နောက် ယမန်နေ့ ညနေ ၅ နာရီခန့်တွင် စစ်ကောင်စီက လွိုင်ကော်မြို့အနောက်ဘက်ရှိဘုရားဖြူ ကျေးရွာကို လေကြောင်းမှ ဗုံးကြဲခဲ့ပြီး ထိခိုက်ပျက်စီးမှုအ ခြေအနေကို မသိရသေးပေ။

အာဏာသိမ်း​ခေါင်း​ဆောင်သည် လွိုင်​ကော်မြို့ရှိ ဒေသကွပ်ကဲမှုစစ်ဌာနချုပ် -ဒကစ (လွိုင်ကော်) နယ်မြေအတွင်း နယ်မြေတည်ငြိမ်အေးချမ်းရေးဆိုင်ရာ ဆောင်ရွက်ထားရှိမှုများအား စစ်ဆေး ခဲ့သည်ဟု စစ်​ကောင်စီဝါဒဖြန့် သတင်းဌာနဖြစ်​သောMRTV ရုပ်သံက ​ ​ကြေညာခဲ့သည်။ထိုအပြင် မင်းအောင်လှိုင် သည် ကယားပြည်နယ်အစိုးရအဖွဲ့ဝင်များ၊ ပြည်နယ်အဆင့်ဌာနဆိုင်ရာ တာဝန်ရှိသူများ၊ မြို့မိမြို့ဖများနှင့် ဒေသခံပြည်သူများအား တွေ့ဆုံခဲ့​သည်ဟုဆိုသည်။ မင်း​အောင်လှိုင်သည် ရှမ်းပြည်နယ်​တောင်ကြီး ၊ထိုမှ ​လေ​ကြောင်းဖြင့် ကရင်နီပြည် လွိုင်​ကော် မြို့ ထိုမှ တဆင့် ကားဖြင့် ရှမ်း​ပြည်တာင်ပိုင်း ဆီဆိုင်​ဒေသသို့သွား​ရောက်ခဲ့​ကြောင်းသိရသည်။

ထို​ကြောင့် KNDF တိုက်ခိုက်မှုမှာ အာဏာသိမ်း​ခေါင်း​​ဆောင်ကိုမူ မထိခဲ့​ကြောင်း​တွေ့ရသည်။

အာဏာသိမ်း​ခေါင်း​ဆောင်က လွိုင်​ကော်မြို့သို့လာ​ရောက်ခဲ့ခြင်းနှင့် ပတ်သက်၍ KNDF ဒုစစ်ဦးစီးချုပ် က “များများလာပေးပါ ကျနော်တို့ လက်နဲ့ အဆုံးသတ်ပေးလိုက်ရတယ်ဆိုတဲ့ သမိုင်းရေးချင်လို့ပါ အဲ့ဒါပဲပြောချင်ပါတယ်” ဟုမှတ်ချက်ပြုသည်။

၁၁.၁၁ စစ်ဆင်ရေးနှင့်အတူ ကရင်နီ ပြည်နယ်၊လွိုင်ကော်မြိို့ကို ကရင်နီတပ်ပေါင်းစုများက သိမ်းပိုက် ထိန်းချုပ်နိုင်ရန်ကြိုးပမ်းခဲ့သော်လည်း မအောင်မြင်ခဲ့ပေ။သို့​သော် ကရင်နီပြည်နယ်အတွင်းရှိ မိုးဗြဲ၊နန်းမယ်ခုံ၊ဒီးမော့ဆို၊ရှားတော၊ရွာသစ်၊မော်ချီး နှင့် မယ်စဲ့ မြို့များကို ကရင်နီတပ်ပေါင်းစုကသိမ်းပိုက်ထိန်းချုပ်ထားသည်။