သတိုး /People’s Spring
ရန်ကုန်မြို့တွင် ဆန္ဒပြလူငယ်များ မတရားဖမ်းဆီးခံရမှုများရှိနေသော်လည်း ရန်ကုန်မြို့ရှိ သပိတ်အဖွဲ့ လေးဖွဲ့က “ကျွတ်မနေနဲ့ ကြုံး ” ဘန်နာချိတ်ဆွဲ၍ စစ်အာဏာရှင်ဆန့်ကျင်ရေးလှုပ်ရှားမှုပြုလုပ်ခဲ့သည်။
“ပြည်သူတွေတော်လှန်ရေးကိုလည်း အာရုံစိုက်ပေးပါ ။ ပေးဆပ်ထားတဲ့ကျွန်တော်တို့ရဲဘော်တွေရဲ့ အသက်တွေက အလကားမဟုတ်ပါဘူး။ ရန်ကုန်မြို့မှာကျွန်တော်တိုရဲဘော်တွေကို ဖမ်းဆီးလည်း တစ်ယောက်ကျန်ရင် ကိုယ်အရိပ်နဲ့ကိုယ်လက်တွဲပီး အာဏာရှင်ကို ဆက်တိုက်ပါ့မယ်လို့ပြောချင်ပါတယ်။ချ၊ လုပ်၊ ဆော်၊ တိုက်၊ အုံး = ကြုံး ” ဟု Owl Community မှ Ko AK က လူထုနွေဦးသို့ပြောသည်။
Public Service Announcement
ယင်းလှုပ်ရှားမှုကို အောက်တိုဘာ ၁၆ ရက်တွင် ရန်ကုန်မြို့တစ်နေရာ၌ Kyimyindaing Networks (KMD18)၊ Mayangone Democratic Front (MDF)၊ Owl Community နှင့် Linn Yaung Ni Youth Organization (LYNYO) တို့ ပူးပေါင်းလုပ်ဆောင်ခဲ့ခြင်းဖြစ်ကြောင်းသိရသည်။
အာဏာရှင်လက်အောက်မှ မလွတ်လပ်သေးသ၍ သီတင်းကျွတ်လည်းမရှိသလို တိုက်ပွဲသာရှိပြီး လူထုတိုက်ပွဲ နှင့် လက်နက်ကိုင်တော်လှန်ရေးပူးပေါင်းကာအောင်ပွဲဆင်နွဲကြမည်ဟု ယင်းအဖွဲ့များက တိုက်တွန်းနှိုးဆော်ထားသည်။
