ဒီပ၊မိုးမိုး/People’s Spring
ကရင်အမျိုးသားအစည်းအရုံး(KNU) ဌာနချုပ်တည်ရှိတဲ့ တပ်မဟာ(၇) ၊ သေဘေထာစခန်းကို စစ်ကောင်စီက ဒီနေ့(အောက်တိုဘာ ၂၂) နံနက် ၁၀ နာရီမှာ ဒရုံးဖြင့် ဗုံးချတိုက်ခိုက်တယ်လို့ ဒေသခံအချို့ကပြောပါတယ် ။
KNU တပ်မဟာ( ၇ )ဌာနချုပ်ကို အရင်ဒီလိုတိုက်ခိုက်ခဲ့ဖူးတာမရှိသလို ကျည်ပေါက်တာတောင်အတော်ရှားပါတယ်။ဒါပေမယ့် အောက်တိုဘာ ၂၂ ရက်မနက် ၁၀ နာရီမှာ ဒရုန်းတွေနဲ့ ဗုံးသုံးကြိမ်တိုင်လာကြဲတာလို့သိရပါတယ်။ ဗုံးချ တိုက်ခိုက်မှုကြောင့် KNLA တပ်ဖွဲ့ဝင် တစ်ဦး မစိုးရိမ်ရဒဏ်ရာရခဲ့တယ်လို့ စစ်ရေးသတင်းရင်းမြစ်တစ်ဦးကပြောပါတယ် ။
“မနေ့ညနေက ကင်းထောက် မြစ်ရိုးအတိုင်း ပျံသွားတယ် ဒီမနက်ကြဲ”တယ်လို့ သတင်းရင်းမြစ်တစ်ဦးကပြောပါတယ် ။
Public Service Announcement
KNU မှသတင်းရင်းမြစ်တဦးက လည်း”တပ်မဟာ(၇)ဂွင်ပေါ့။ဒရုန်းနဲ့လာချတာ။ သူတို့ လာတာကအထိအခိုက်မရှိဘူး။ ၁ ဦးနည်းနည်းပါးပါးထိတာ။”လို့ ပြောပါတယ်။
KNUမှာ တပ်မဟာ နဲ့ ခရိုင် ၇ခုရှိတာမှာ စစ်တပ်အာဏာသိမ်းပြီးနောက်ပိုင်း KNU တပ်မဟာ(၇)မှာစစ်ကောင်စီတပ်နဲ့တိုက်ပွဲမဖြစ်သလောက်နည်းပါးပါတယ်။
စစ်ကောင်စီက တပ်မဟာ(၇)ကို အခုလိုဒရုန်းနဲ့တိုက်ခိုက်တာဟာရန်သူက အချိန်တန်ရင် သူ့အလုပ် သူလုပ်နေတဲ့ သဘောဖြစ်တယ်လို့ KNU သတင်းရင်းမြစ်က သုံးသပ်ပါတယ်။
“အရင်တုန်းကတခါမှ မလာဖူးဘူး။ ဒီတစ်ခါ ပထမဦး ဆုံးပဲ။” လို့သူကရှင်းပြပါတယ်။
ဒါကြောင့် KNU တပ်မဟာ(၇) ခေါင်းဆောင်အချို့ အနေနဲ့လည်း ဆုံးဖြတ်ချက်ပြတ်သားဖို့လိုသလို၊ KNU အနေနဲ့ ဒီတိုက်ခိုက်မှုအပေါ် တန်ပြန်မှုတွေ ရှိလာမယ်လို့ အထက်ပါသတင်းရင်းမြစ်က ပြောပါတယ်။
အခုတိုက်ခိုက်မှုနဲပတ်သက်ပြီး KNU ကပြောရေးဆိုခွင့်ရှိသူတွေ ကို မေးမြန်းနိူင်ဖို့ People’s Spring ကဆက်သွယ်နေပါတယ်။
KNLA ဦးဆောင်တဲ့ ပူးပေါင်းတပ်တွေဟာ ကော့ကရိတ်မြို့နယ်၊ လေးကေ့ကော်မြို့သစ် အနီးက စွယ်တော်ကုန်း စစ်တပ်အမြောက်တပ်စခန်းကို အောက်တိုဘာ ၁၇ ရက်မနက်မှာ အပြီးသတ်သိမ်းပိုက်နိုင်ခဲ့ပါတယ် ။စစ်ကောင်စီတပ်အတွက်စွယ်တော်ကုန်းအမြောက်စခန်းကျပြီးနောက် ဒေသတွင်းမှာ စစ်စခန်းအများစု ကျသွားပြီဖြစ်တဲ့အတွက် စစ်တပ်က မြဝတီမှာ တစ်ခုတည်းကျန်တဲ့ ခမရ (၂၇၅)ကို လက်နက်ခဲယမ်းနဲ့ ရိက္ခာတွေကို လေယာဥ်ပေါ်ကနေ အောက်တိုဘာ ၂၀ ရက်နေ့မှာ လေထီးနဲ့ချခဲ့ပါတယ် ။ ဒေါနတောင်ပေါ်က အောင်ဇေယျစစ်ကြောင်းလက်ကျန်တပ်ကလည်း ဒီရက်ပိုင်းရှေ့တိုးဖို့ကြိုးစားလာလို့ ဒေသတွင်းစစ်ရေးပိုတင်းမာနေတယ်လို့ တော်လှန်ရေးအဖွဲ့ဝင်အချို့ကပြောပါတယ်။
