သတိုး/People’s Spring
ရန်ကုန် – ပဲခူးလမ်းပိုင်းရှိ လှည်းကူးမြို့မရဲစခန်း အဝေးထိန်းမိုင်းဖြင့်တိုက်ခိုက်ခဲ့ရာ စစ်ကောင်စီလက်အောက်ခံ ရဲသုံးဦး ထိခိုက်ကြောင်း Operation Flame (OF)အဖွဲ့ တာဝန်ရှိသူက လူထုနွေဦးသို့ ပြောသည်။
“မြေပြင်သတင်းအရက ရခသုံးကောင်ထိပါတယ်။ ရဲစခန်းထဲက ကားနဲ့ သယ်ထုတ်ပြီး ဆေးရုံကို တန်းသယ်ထုတ်သွားတယ်ဆိုတာ မြေပြင် သတင်းရပါတယ်”ဟု ၎င်းက ပြောသည်။
Public Service Announcement
အဆိုပါစစ်ဆင်ရေးကို အောက်တိုဘာ ၁၄ရက် ညနေ ၆နာရီခန့်တွင် လုပ်ဆောင်ခဲ့ခြင်းဖြစ်ပြီး အဖွဲ့သားအားလုံး ဘေးကင်းကြောင်း ၎င်းကဆိုသည်။ အဆိုပါစစ်ဆင်ရေးကို ယနေ့မှ ထုတ်ပြန်အသိပေးလာခြင်း ဖြစ်သည်။
ထို့ပြင် OFအဖွဲ့အနေဖြင့် ရန်ကုန်တော်လှန်ရေး မဟာမိတ်များဖြင့် ပူးပေါင်း၍ စစ်ကောင်စီကို အရှိန်မြှင့်တိုက်ခိုက်မည်ဟု အသိပေးထားသည်။
OFအဖွဲ့အနေဖြင့် ၂၀၂၄အတွင်း ရန်ကုန်မြို့၌ စစ်ဆင်ရေး ၁၅ကြိမ်နှင့် ရှင်းလင်းရေးတစ်ကြိမ် ၊ မန္တလေးမြို့၌ စစ်ဆင်ရေးတစ်ကြိမ် စုစုပေါင်း စစ်ဆင်ရေး ၁၇ကြိမ် လုပ်ဆောင်ထားကြောင်း အထက်ပါတာဝန်ရှိသူက ပြောသည်။
