ဆိုင်းမင်း/People’s Spring
မန္တလေးတိုင်း ၊ မတ္တရာမြို့နယ် အရှေ့ခြမ်းက ရွာတွေ ကို စစ်ကောင်စီတပ်က စစ်ကြောင်းထိုးလာတာကြောင့် တော်လှန်ရေးအင်အားစုတွေ နဲ့ နှစ်ဖက် ထိတွေ့ တိုက်ပွဲ ဖြစ်ပွားနေတယ်လို့ဒေသခံအချို့ဆီကသိရပါတယ်။
မတ္တရာမြို့ နဲ့ ၃ မိုင်ခန့် အကွာ က ရွာတွေမှာ မနေ့ ဒီဇင်ဘာ ၂ ရက် နေ့ခင်းပိုင်းကစတင်ပြီး တော်လှန်ရေးတပ်တွေနဲ့ ထိတွေ့ တိုက်ပွဲ ဖြစ်တာလို့ သိရပါတယ်။
“တိုက်ပွဲက တစ်လှည့်စီဖြစ်နေတာ ၊ အခုအရှေ့ခြမ်းဘက်မှာဖြစ်နေတယ်၊ စခန်းတော့ မဟုတ်ဘူး ရှေ့တန်းပွိုင့်တွေမှာ ထိပ်တိုက်တွေ့တာ” လို့ မတ္တရာမြို့နယ်အခြေစိုက် တော်လှန်ရေး အဖွဲ့ဝင် တစ်ဦးက ပြောပါတယ်။
Public Service Announcement
မတ္တရာမြို့အရှေ့ခြမ်းက ကိုးလုံးပြွန် ၊ အညာကိုင်း ၊ရွေးရွာသစ် ၊ မြောင်းသစ် ရွာတွေ ဘက်မှာ တိုက်ပွဲ ဖြစ်တာလို့သိရပါတယ်။
မန္တလေး – မတ္တရာ ကားလမ်းဘေးမှာ ရှိတဲ့ ထီးတော်မိုးရွာ တပ်စခန်းကနေ စစ်ကောင်စီတပ်က လက်နက်ကြီးနဲ့ ပစ်ခတ်တာတွေ ပါ ပြုလုပ်နေတယ်လို့ ဒေသခံတွေကပြောပါတယ်။
မတ္တရာအရှေ့ခြမ်း က အင်းကြင်းမြိုင်ရွာအခြေစိုက် အမှတ် (၁၀၁၄) လေကြောင်းရန်ကာကွယ်ရေးတပ် ၊ ဆည်တော်စခန်း၊ပန်းသလဲ တောင်၊ ရေစိုတောင်၊ နေကျော်တောင်၊ ရွှေပုထိုး၊ ကျောက်ခလုတ်၊ မြေနီတောင်နဲ့ အောင်သပြေကျေးရွာအနီး Alpha ဘိလပ်မြေစက်ရုံတပ်စခန်း အပါအဝင်စစ်ကောင်စီတပ်ရဲ့ စိုးမိုးကုန်းတွေ ကို မန္တလေး PDF က ပြီးခဲ့တဲ့ ဇူလိုင်အတွင်း သိမ်းယူ ထားခဲ့တာပါ။
မတ္တရာအရှေ့ခြမ်းကို လက်လွှတ်ရပြီးနောက်မှာ စစ်ကောင်စီတပ်က လေကြောင်း ကနေ တိုက်ခိုက်ခဲ့တာရှိပါတယ်။
မတ္တရာအနောက်ခြမ်းကိုတော့ စစ်ကြောင်းထိုးပြီး စစ်ကောင်စီတပ်က ပြီးခဲ့တဲ့နိုဝင်ဘာလကုန်ပိုင်းမှာ ပြန်လည် ထိန်းချုပ်ထားတယ်လို့ သိရပါတယ်။
စစ်ကောင်စီရဲ့လေကြောင်းတိုက်ခိုက်မှုနဲ့ လက်နက်ကြီးပစ်ခတ်မှုတွေကြောင့် မတ္တရာ အနောက်ခြမ်း မှာ သေဆုံးခဲ့ရတဲ့ အရပ်သား ၂၁ ဦးထိရှိခဲ့တယ်လို့ တော်လှန်ရေးအဖွဲ့အချို့ က စာရင်းကောက်ယူထားပါတယ်။
သေဆုံးသူတွေထဲမှာ ကလေးငယ်တွေ၊ အမျိုးသမီး တွေနဲ့ သံဃာတွေ လည်း ပါဝင်ကြပါတယ်။
မတ္တရာမြို့ရဲ့ အနောက်ခြမ်း ဧရာဝတီမြစ်ရိုးတလျှောက် သုံးဆယ်ပေးကျေးရွာကစပြီး ရွာပေါင်း၅၀ကျော်က ပြည်သူတစ်သောင်းခွဲနဲ့ မြို့ အရှေ့ပိုင်းက ပြည်သူ တစ်သောင်းကျော် စုစုပေါင်း ပြည်သူ နှစ်ခွဲ သောင်းခွဲကျော်ဟာ ဘေးလွတ်ရာကို ထွက်ပြေးတိမ်းရှောင်နေရပါတယ်။
ဓာတ်ပုံ – MDY-PDF
