■အရာရှိ အပါအဝင် စစ်ကောင်စီတပ်ဖွဲ့ဝင် ၄ဦးသေဆုံးပြီး လက်နက်ခဲယမ်းအချို့ရဟု MSRF အသိပေး
ထားမြတ်/People’s Spring
မွန်ပြည်နယ်၊ ရေးမြို့နယ် မော့ကနင်ကျေးရွာအနီးရှိ ကွမ်ကျိုက်ကျေးရွာတွင် တပ်စွဲထားသော စစ်ကောင်စီတပ်စခန်းကို မွန်ပြည်တော်လှန်ရေးတပ်(MSRF) နှင့် မဟာမိတ်ပူးပေါင်းတပ်ဖွဲ့များမှ စခန်းသိမ်းတိုက်ခိုက်ခဲ့ရာ စစ်ကောင်စီးတပ် သေဆုံးထိခိုက်မှုရှိခဲ့သည်ဟု MSRF ကယနေ့ထုတ်ပြန်သည်။
ဒီဇင်ဘာ ၁၇ရက် မနက်တွင် ကွမ်ကျိုက်ကျေးရွာတွင် ခလရ – ၁၀၆ နှင့် ခမရ – ၅၈၇ တို့မှ ပူးပေါင်းတပ်စွဲထားသော စစ်ကောင်စီတပ်စခန်းတစ်ခုကို ဝင်ရောက် တိုက်ခိုက်သိမ်းပိုက်ခဲ့ ခြင်းဖြစ်သည်ဟုဆိုသည်။
စခန်းသိမ်းတိုက်ပွဲတွင် ရန်သူစစ်ကောင်စီဘက်မှ ဗိုလ်တစ်ဦး၊ တပ်ကြပ်ကြီးတစ်ဦးနှင့် စုစုပေါင်း ၄ဦး သေဆုံးပြီး၊ ၇ဦးဒဏ်ရာရရှိကာ ၂ဦးမှာ ပြင်းထန်ဒဏ်ရာရရှိခဲ့ ဟုဖော်ပြသည်။
Public Service Announcement
စခန်းသိမ်းတိုက်ပွဲတွင် ရန်သူ့ထံမှ MA2 တစ်လက်၊ ကျည် နှင့် ခဲယမ်း အချို့ရဟု အသိပေးသည်။သိမ်းပိုက်ရရှိခဲ့သည့် ရန်သူ့စခန်းကို မီးရွှိ့ဖျက်ဆီးခဲ့ကြောင်း MSRF က ထုတ်ပြန်သည်။
စခန်းသိမ်းတိုက်ပွဲအတွင်း တော်လှန်ရေးမဟာမိတ်ပူးပေါင်းတပ်ဖွဲ့များမှ ရဲဘော်၂ဦး ကျဆုံးကာ ၂ဦး ထိခိုက်ဒဏ်ရာရရှိခဲ့ဟု အသိပေးသည်။
အဆိုပါ တိုက်ခိုက်မှုကို မွန်ပြည်တော်လှန်ရေးတပ် (MSRF) ၊ ပြည်သူ့ကာကွယ်ရေးတပ်မတော် ဒေါနတပ်ရင်း ၊KNLA တပ်ရင်း(၂၇)၊ မွန်ပြည်သစ်ပါတီ စစ်အာဏာရှင်တိုက်ဖျက်ရေးအဖွဲ့ (NMSP – AD) နှင့် YPDF တို့ ပူးပေါင်းဆောင်ရွက်ခဲ့ ကြောင်းထုတ်ပြန်သည်။
စခန်းသိမ်း တိုက်ပွဲတွင်ပါဝင်ခဲ့သော ဒေါနတပ်ရင်းကလည်းသတင်းထုတ်ပြန်ထားရာ ပြည်သူ့ကာကွယ်ရေးတပ်မတော် ဗျူဟာ (၃၃)နယ်မြေအတွင်းရှိ ရေးမြောက်ပိုင်းအမှတ်(၈)ပြည်ထောင်စုလမ်းမပေါ်ရှိ လမိုင်းမှကနင်ကမော့ လမ်းပိုင်း ကွမ်ကျိုက်ကျေးရွာတွင်တပ်စွဲထားသော စစ်ကောင်စီတပ်စခန်းအား ပူးပေါင်းတပ်က ၂နာရီခန့်လည်း တိုက်ခိုက်ပြီး သိမ်းပိုက်နိုင်ခဲ့ကြောင်းဖော်ပြသည်။
တိုက်ပွဲတွင် စစ်ကောင်စီ ဘက်မှ လက်နက်ခဲယမ်းအချို့သိမ်းဆည်းရရှိခဲ့ပြီး ခမရ (၅၈၇) မှဗိုလ်ကြီးအဆင့်ရှိသူ (၁)ဦး အပါအဝင် (၄)ဦးကျဆုံးကာ (၇)ဦးဒဏ်ရာရရှိခဲ့ကြောင်း၊ တိုက်ပွဲအတွင်း ဒေါနတပ်ရင်း မှ ရဲဘော် (၁) ဦး နှင့် မွန်ပြည်သစ်ပါတီ အာဏာရှင်တိုက်ဖျက်ရေး NMSP-AD ရဲဘော် (၁)ဦး ကျဆုံးခဲ့ပြီး (၃)ဦး ထိခိုက်ဒဏ်ရာရရှိခဲ့ဟု အသိပေသည်။
