ဗိုလ်တစ်ဦးအပါအဝင် ခုနစ်ဦးထိခိုက်ဟုဆို
ကျော်ဇော/People’s Spring
မကွေးတိုင်း၊ စလင်းမြို့နယ်၊ မြောင်းခြားကျေးရွာသို့ စစ်ကြောင်းထိုးလာသော စစ်ကောင်တပ် စစ်ကြောင်းအား ကြားဖြတ်တိုက်ခိုက်ခဲ့ကြောင်း အမှတ်(၁)စစ်ဒေသ၊ မင်းဘူးခရိုင် အမှတ်(၅) တပ်ရင်းက ယနေ့ (ဒီဇင်ဘာ ၂၃ ရက်)အသိပေး ထုတ်ပြန် သည်။
ဒီဇင်ဘာလ ၂၂ ရက် နံနက် ၁၁ နာရီခွဲခန့်က မြောင်းခြားကျေးရွာတောင်ဘက်သို့ အင်အား ၃၀ ကျော်ဖြင့် စစ်ကြောင်းထိုးဝင်ရောက်လာသော စစ်ကောင်စီတပ်ကို ၁နာရီခန့်ကြာ ပစ်ခတ်တိုက်ခိုက်ခဲ့ခြင်း ဟုဖော်ပြ သည်။
ပစ်ခတ်တိုက်ခိုက်မှုအတွင်း စစ်ကောင်စီတပ်ဘက်မှ ဗိုလ်တစ်ဦးအပါအဝင် ခုနစ်ဦးဒဏ်ရာရရှိခဲ့ပြီး လက်နက်ကြီးများဖြင့် ပြန်လည်ပစ်ခတ်ကာ နောက်ကြောင်းပြန်ဆုတ်သွားကြောင်း အမှတ်(၅) တပ်ရင်းက အသိပေးသည်။
Public Service Announcement
“ယနေ့(ဒီဇင်ဘာလ ၂၂ ရက်)ပွဲကတာ ခွေး ၁၀ ကောင်လောက် ကင်လိုက်နိုင်တယ်။ ကိုယ့်ရဲဘော်တွေတော့ အထိခိုက်မရှိပါ။ အောင် မြင်ပါတယ်”ဟု တော်လှန်ရေးတပ်ဖွဲ့နှင့်နီးစပ်သူတစ်ဦးက လူထုနွေဦးသို့ ပြောသည်။
အထက်ပါ စစ်ကောင်စီတပ်စစ်ကြောင်း ပြန်လည်ဆုတ်ခွာစဥ် မင်းဘူးခရိုင် အမှတ်(၅) တပ်ရင်းမှ အရန်သင့်ထောင်ထားသော မိုင်းများ ထပ်ထိ၍ ထိခိုက်ဒဏ်ရာရသူအများအပြားရှိခဲ့သော်လည်း သေဆုံးမှုရှိ၊ မရှိမသိရသေးဟု ၎င်းက ဆက်ပြောသည်။
စလင်းမြို့နယ်တွင် ဒီဇင်ဘာရ၁၁ ရက်နကလည်း စည်ဆွဲရွာနှင့် စမ်းကလေးကျေးရွာကြားသို့ ရောက်ရှိလာသော စစ်ကောင်စီတပ်သားများကို တော်လှန်ရေးပူးပေါင်းအဖွဲ့က တိုက်ခိုက်ရာ စစ်ကောင်စီတပ်စစ်ကြောင်းမှူးအပါအဝင် ခြောက်ဦးသေ၍ ကားနှစ်စီးပျက်စီးခဲ့သေးသည်။
