တေဇ/People’s Spring
ရန်ကုန်မြို့၊ပန်းဘဲတန်းမြို့နယ်၌ ဓားပြတိုက်ခံခဲ့ရသည့် ရွှေချစ်သူရွှေဆိုင်က ပြစ်မှူကျူးလွန်သူများကို တွေ့ရှိပါက ဆက်သွယ်ပေးရန် စီစီတီဗီမှတ်တမ်းကိုတင်၍ အကူအညီတောင်းထားသည်။
ဇန်နဝါရီ ၈ ရက် နံနက် ၉ နာရီခွဲအချိန်ခန့်တွင် အဆိုပါဆိုင်ကို အမျိုးသားသုံးဦးဝင်ရောက်၍ ဓားပြတိုက်ခဲ့ခြင်းဖြစ်ပြီး စိန်ထည် ၊ရွှေထည်နှင့် ငွေသား စုစုပေါင်း ကျပ်သိန်း၅,၀၀၀ မှ သိန်း ၇,၅၀၀ ကြားပါသွားကြောင်း ယင်းရွှေဆိုင်က အသိပေးထားသည်။
ထို့အပြင် ဆိုင်ပေါ်သို့ တတ်လာသည့် ဓားပြသုံးဦးအား ရိုက်ကူးထားသည့် စီစီတီဗီ မှတ်တမ်းကို တင်၍ ယင်းအမျိုးသားများကို တွေ့ပါက ဆက်သွယ်ပေးရန် အကူအညီတောင်းခံထားသည်။
Public Service Announcement
ဆိုင်ကို သုံးရက်ခန့် ပိတ်ထားမည်ဖြစ်ပြီး ဓားပြများက ဆိုင်မှဖုန်းများကို ယူဆောင်သွားသောကြောင့် Kpay အကောင့်သို့ ပိုက်ဆံမလွှဲကြရန် မေတ္တာရပ်ခံထားသည်။
